ഉള്ളം കുളി‍ർപ്പിക്കും നാടൻ പച്ചമാങ്ങാ ഷേയ്ക്ക്

ശരീരത്തിൽ നിന്ന് ജലാംശം നഷ്ടപ്പെടുന്ന സമയമാണ് വേനൽക്കാലം. വേനൽച്ചൂടിൽ കുളിർമ്മയേകാൻ നാടൻ പച്ചമാങ്ങ കൊണ്ടൊരു കിടിലൻ ഷേക്ക് ഉണ്ടാക്കാം

ചേരുവകൾ

പച്ചമാങ്ങാ -2

പാല്‍ -അരലിറ്റര്‍

പഞ്ചസാര -6 ടേബിള്‍ സ്പൂണ്‍

തയ്യാറാക്കുന്ന വിധം

പച്ചമാങ്ങാ അൽപ്പം വെള്ളം ഒഴിച്ച് കുക്കറിൽ 3 വിസിൽ വരുന്നതുവരെ വേവിക്കുക. എന്നിട്ട് തൊലിമാറ്റി ദശ എടുക്കുക. ഏകദേശം ഒരു കപ്പ് മാംസളഭാഗം ഫ്രിഡ്ജില്‍വച്ചു നന്നായിട്ടു തണുപ്പിക്കുക. പാൽ നന്നായി തണുപ്പിക്കുക.
എല്ലാ ചേരുവകളും ഒന്നിച്ചാക്കി മിക്‌സിയില്‍ രണ്ടു മിനിറ്റു അടിച്ചതിനുശേഷം ഗ്ലാസുകളില്‍ വിളമ്പുക. വേനല്‍ക്കാലത്തിനു പറ്റിയ ഉത്തമവും രുചികരവുമായ പാനീയമാണിത്