നാടൻ രുചിയും ചൈനീസ് രുചിയും കൂടി കലർന്നൊരു ദോശ കഴിച്ചിട്ടുണ്ടോ.. എങ്കിലിതാ വ്യത്യസ്ത വിഭവം സ്പ്രിംഗ് ദോശ അല്ലെങ്കിൽ ഷെസവ്ന് ദോശ തയ്യാറാക്കാം
ദോശമാവ് -3 കപ്പ്
നെയ്യ് -കാൽ കപ്പ്
ഷെസവ്ന് സോസ് -കാൽ കപ്പ്
ഓയിൽ -ഒരു ടീസ്പൂൺ
സവോള അരിഞ്ഞത്- അരക്കപ്പ്
കാബേജ് അരിഞ്ഞത്- അരക്കപ്പ്
കാരറ്റ് അരിഞ്ഞത് -അര കപ്പ്
സ്പ്രിംഗ് ഒനിയൻ -അരിഞ്ഞത് അരക്കപ്പ് കാപ്സിക്കം അരിഞ്ഞത് -അരക്കപ്പ്
നൂഡിൽസ് വേവിച്ചത് -അര കപ്പ്
ഉപ്പ് ആവശ്യത്തിന്
സോയാസോസ് ഒരു ടീസ്പൂൺ
ഷെസ്വവന് സോസ്- ഒരു ടീസ്പൂൺ
തയ്യാറാക്കുന്ന വിധം
ഒരു സ്പൂൺ ഓയിൽ പാനിൽ ഒഴിച്ച് എല്ലാ പച്ചക്കറികളും ചെറുതീയിൽ വേവിച്ചെടുക്കുക. ഏകദേശം മുക്കാൽ വേവാകുമ്പോൾ ഇതിലേക്ക് വേവിച്ചു വച്ചിരിക്കുന്ന ന്യൂഡിൽസും സോയാസോസും ഷെസവ്ന് സോസ് ചേർത്ത് ഇളക്കി മാറ്റിവെക്കുക.
ദോശ ചട്ടിയിൽ ഓരോ തവി മാവൊഴിച്ച് പരത്തി മൊരിഞ്ഞു വരുമ്പോൾ ഒരു ടീസ്പൂൺഷെസ്വവന് സോസ് ഒരു ടീ സ്പൂൺ നെയ്യും ചേർത്ത് എല്ലാ ഭാഗത്തും പരത്തുക. തയ്യാറാക്കി വച്ചിരിക്കുന്ന പച്ചക്കറി നൂഡിൽസ് കൂട്ടിൽ നിന്നും ഒന്നോ രണ്ടോ ടീസ്പൂൺ
ഇതിൻറെ മേലെ വെച്ച് ദോശ റോൾ ചെയ്തെടുത്തു നടുവേ കട്ട് ചെയ്യുക