തീൻ മേശയിൽ ഒരുക്കാം താറാവ് റോസ്റ്റ്

ഈസ്റ്റര്‍ ദിനത്തിൽ താറാവ് വ്യത്യസ്തമായ രീതികളിൽ തയ്യാറാക്കുന്നവർക്കായി താറാവ് റോസ്റ്റ്

ചേരുവകൾ

ഒരു താറാവ് ഏകദേശം ഒന്നര കിലോ

തേൻ -അരക്കപ്പ്

സ്പ്രിംഗ് ഒണിയൻ അരച്ചത് രണ്ടു ടേബിൾസ്പൂൺ

വിനാഗിരി രണ്ടു ടേബിൾസ്പൂൺ

ഇഞ്ചി അരച്ചത് ഒരു ടേബിൾസ്പൂൺ

കുരുമുളകുപൊടിയും ചൈനീസ് മസാലപ്പൊടിയും ഒരു ടീസ്പൂൺ വീതം

ഉപ്പ് - ആവശ്യത്തിന്


തയ്യാറാക്കുന്ന വിധം

താറാവ് നല്ലപോലെ കഴുകി തുടച്ച് തേൻ തേച്ച് പിടിപ്പിച്ച് കാറ്റ് ലഭിക്കുന്നിടത്ത് ഒരുമണിക്കൂർ തൂക്കിയിടുക. പിന്നെ ബാക്കി പറഞ്ഞിരിക്കുന്ന കൂട്ടുകളെല്ലാം ചേർത്ത് താറാവിന്‍റെ പുറത്തും വയറിന്‍റെ ഉള്ളിലും നല്ലപോലെ തേച്ചുപിടിപ്പിക്കുക. ടൂത്ത് പിക് ഉപയോഗിച്ച് വയറുവശംകൂടി കൂട്ടിതുന്നുക. വീണ്ടും ഒരുമണിക്കൂർ നേരം മാറ്റിവയ്ക്കുക. ഓവൻ 180 ഡിഗ്രി സെൽഷ്യസിൽ ചൂടാക്കിയിടുക. ഒരു ബേക്കിംഗ് ട്രേയിൽ മുതുകുവശം മുകൾഭാഗത്താക്കി ഒരുമണിക്കൂർ നേരം ബേക്ക് ചെയ്യുക. ഒന്നുരണ്ടു തവണ തിരിച്ചും മറിച്ചും വയ്ക്കണം. പുറം ഗോൾഡൻ നിറമായാൽ പ്ലേറ്റിലേക്കു മാറ്റാം. ഇത് സ്ലൈസ് ചെയ്ത് ഏതെങ്കിലും പുളിയും മധുരവുമുള്ള സോസ് കൂട്ടി കഴിക്കാം.