Vellayappam recipe വെള്ളയപ്പം ഉണ്ടാക്കാൻ എളുപ്പമാണ്

വെള്ളയപ്പത്തിന് എപ്പോഴും നല്ല രുചിയാണ്. ചെറിയ മധുമുള്ളതിനാൽ കറിയില്ലാതെയും വെള്ളയപ്പം കഴിക്കാം. വീട്ടിൽ തന്നെ മൃദുവായ വെള്ളയപ്പം ഉണ്ടാക്കാവുന്നതാണ്. ബീഫിനൊപ്പമോ, സ്റ്റൂവിനൊപ്പമോ മറ്റേത് കറികൾക്കൊപ്പവും വെളളയപ്പം കഴിക്കാവുന്നതാണ്

ചേരുവകൾ

പച്ചരി - കാല്‍ കിലോ

തേങ്ങാ തിരുമ്മിയത്‌ - അര മുറി

യീസ്റ്റ് - ഒരു നുള്ള്

പഞ്ചസാര - 1 ടേബിള്‍ സ്പൂണ്‍

ഉപ്പ് പാകത്തിന്

ചോറ് - 3-4 ടേബിള്‍സ്പൂണ്‍

തയ്യാറാക്കുന്ന വിധം

പച്ചരി എട്ടു മണിക്കൂര്‍ എങ്കിലും കുതിര്‍ക്കാന്‍ വയ്ക്കുക.കുതിര്‍ത്തതിനു ശേഷംഅരി കഴുകി വാരി മിക്സിയില്‍ നന്നായി അരച്ചെടുക്കുക,അരയ്ക്കുമ്പോള്‍ ചോറും യീസ്റ്റും കൂടി അരയ്ക്കണം. ഇനി അരി അരച്ചത്‌ പൊങ്ങുവാന്‍ വേണ്ടി ഏറ്റവും കുറഞ്ഞത്‌ 8 മണിക്കൂര്‍ വയ്ക്കണം. ഇനി അപ്പം ചുടുന്നതിനു രണ്ടു മണിക്കൂര്‍ മുന്‍പ് അര മുറി തേങ്ങാ തിരുമ്മിയത്‌ അരച്ച് ചേര്‍ക്കണം. ഇനി പാകത്തിന് ഉപ്പും പഞ്ചസാരയും ചേര്‍ത്തു നന്നായി ഇളക്കി വയ്ക്കുക.രണ്ടു മണിക്കുറിനു ശേഷം വെള്ളയപ്പം ചുട്ടെടുക്കാം.