നാവിൽ കപ്പലോടിക്കുന്ന ചക്ക വഴറ്റിയത്

ചക്കയും ചക്ക വിഭവങ്ങളും മലയാളികൾക്ക് ഏറെ പ്രിയപ്പെട്ടതാണ്. പ്രത്യേകിച്ചും പ്രവാസികൾക്ക്. നാട്ടിൻപുറങ്ങളിൽ സുലഭമായി കിട്ടുന്ന ചക്കയുടെ ഗുണങ്ങൾ പറഞ്ഞാൽ തീരില്ല. പ്രവാസികളുടെ ഗൃഹാതുര ഒാർമ്മകളിൽ സ്ഥാനം പിടിക്കുന്ന ചക്കകൊണ്ട് നിരവധി വിഭവങ്ങൾ ഉണ്ടാക്കാം. വ്യത്യസത്മായ വിഭവങ്ങളാണ് ചക്കകൾ കൊണ്ട് ഉണ്ടാക്കിയെടുക്കുക. ഒരോ ദേശത്തും ഒരോ വിഭവം. ഇത്തവണ മധുരമൂറുന്ന ചക്ക വഴറ്റിയത് എന്ന വിഭവം എങ്ങനെ ഉണ്ടാക്കുന്നതെന്ന് നോക്കാം

ചേരുവകൾ

വരിക്കചക്ക പഴുത്തത് - ഒന്ന്

ശര്‍ക്കര -ഒന്നേകാല്‍ കിലോ

നെയ്യ് -മുക്കാല്‍ കപ്പ്

ചുക്ക് പൊടിച്ചത് -രണ്ട് ടേബിള്‍ സ്പൂണ്‍

ജീരകം പൊടിച്ചത് -രണ്ട്‌ ടേബിള്‍ സ്പൂണ്‍

പാകം ചെയ്യുന്ന വിധം:

ചക്കച്ചുളകൾ അൽപ്പം വെള്ളം ഒഴിച്ച് കുക്കറിൽ വേവിക്കുക. രണ്ടു വിസിലിന് ശേഷം പുറത്തെടുത്ത്
ശര്‍ക്കര ഉരുക്കി അരിച്ചെടുക്കുക. ചക്ക ഉരുളിയിലാക്കി ഇടത്തരം തീയില്‍ ഇളക്കുക.
അടിയില്‍ പിടിയ്ക്കാതെ ഇളക്കിക്കൊണ്ടിരിയ്ക്കണം. അരിച്ചെടുത്ത ശര്‍ക്കര അതില്‍ ഒഴിച്ച് ഇളക്കണം.
ഇടയ്ക്കിടയ്ക്ക് നെയ്യ് ഒഴിച്ചുകൊണ്ടിരിയ്ക്കണം. മിശ്രിതം വരണ്ടു തുടങ്ങുമ്പോള്‍ ചുക്കും ജീരകവും ചേര്‍ത്ത് ഇളക്കണം. ആവശ്യത്തിന് വരണ്ടു കഴിയുമ്പോള്‍ ഉണക്കിയ പാത്രത്തിലാക്കി വെയ്ക്കുക