പുളിശ്ശേരി തിളക്കുമ്പോൾ പാലാഴി ഇളകും പോലെ..!

ഒാണത്തിന് കൊഴുപ്പ് നൽകുന്നത് എന്താ..?സദ്യ അല്ലാതെന്ത്. സദ്യ എന്നു കേള്‍ക്കുമ്പോ തന്നെ മനസ്സു പാതി നിറയും. പിന്നെ നല്ലൊരു ഓണസദ്യ ഉണ്ണാന്‍ കൂടി കഴിഞ്ഞാലോ? സ്ഥിരം വിഭവങ്ങളിൽ പ്രധാനിയാണ് പുളിശ്ശേരി. ​പുളിശ്ശേരി തിളക്കുമ്പോൾ പാലാഴി ഇളകും പോലെ എന്നൊക്കെയാണ് പറയുന്നത്. കൽപാത്രം തിളച്ചുതൂവിയാലെ സ്വദ് ഒക്കെ വരൂ എന്നാണ് പറയുക. പഴം പുളിശ്ശേരി, വെള്ളരിക്ക പുളിശ്ശേരി മുതൽ, മാമ്പഴ പുളിശ്ശേരി വരെയുണ്ട്. അതിൽ മാങ്ങയണ്ടി പുളിശ്ശേരി എങ്ങനെയുണ്ടെന്ന് നോക്കാം.

പുളിശ്ശേരി - ചേരുവകൾ


മാങ്ങ പഴുത്തത് - 4

അര മുറി തേങ്ങ

അര ലിറ്റര്‍ തൈര്

വെളുത്തുള്ളി - 4 അല്ലി

വറ്റല്‍മുളക് - 4

പച്ചമുളക് -5

പഞ്ചസാര - 1 ടീസ്പൂണ്‍

ഉലുവ ജീരകം പച്ചമല്ലി മഞ്ഞള്‍പ്പൊടി - അര ടീസ്പൂണ്‍ വീതം

ഉപ്പ് വെളിച്ചെണ്ണ കറിവേപ്പില- ആവശ്യത്തിന്

ഉള്ളി, കടുക്, കറിവേപ്പില, വറ്റല്‍മുളക് - താളിക്കാൻ

തയ്യാറാക്കുന്ന വിധം

തേങ്ങ, പച്ചമുളക്, ജീരകം, വെളുത്തുള്ളി എന്നിവ നന്നായി അരയ്ക്കുക. പാനില്‍ വെളിച്ചെണ്ണ ഒഴിച്ച് ഉലുവ, മല്ലി, വറ്റല്‍മുളക്, കറിവേപ്പില എന്നിവയിടുക. ഇതിലേക്ക് കൊത്തിയരിഞ്ഞ ഉള്ളി ചേര്‍ത്തിളക്കുക. ശേഷം മഞ്ഞള്‍പ്പൊടിയും തേങ്ങയരച്ചതും മാങ്ങ അരിഞ്ഞതും മാങ്ങാണ്ടിയും ചേര്‍ത്ത് പാകത്തിന് വെള്ളമൊഴിച്ച് വേവിക്കുക. മാങ്ങ നന്നായി വെന്തുകഴിയുമ്പോള്‍ ഉടച്ച തൈര് ചേര്‍ത്ത് ഇളക്കുക. തിളവരും മുന്‍പ് വാങ്ങുക. പഞ്ചസാര, ഉപ്പ് എന്നിവ ചേര്‍ത്ത് ഇളക്കുക. കടുക്, കറിവേപ്പില, വട്ടത്തിലരിഞ്ഞ ഉള്ളി, വറ്റല്‍മുളക് എന്നിവ ചേര്‍ത്ത് താളിച്ചത് ഇതില്‍ ചേര്‍ത്ത് ഉപയോഗിക്കാം.

Mango seed pulissery onam sadhya recipe

Pulissery being a traditional kerala side dish served in Onam Sadya. we have make special mango seed pulissery