സിംപിൾ ആൻഡ് ടേസ്റ്റി കൂൺ ഒാംലറ്റ്!!!

ഇടിവെട്ടും മഴയുമൊന്നും തിരക്കുകളെ ബാധിക്കാതെ കടന്ന് പോവുമ്പോള്‍ കഥാവഷേശമാവുന്ന ഒരു വിഭവമാണ് കൂണ്‍. കൂൺ വിഭവങ്ങൾ രുചിയോടെ പാചകം ചെയ്യാന്‍ പലര്‍ക്കുമറിയില്ലെന്നതാണ് വാസ്തവം. ഫൈബറുകള്‍ അടങ്ങിയിരിക്കുന്നത് കൊണ്ടും കൊഴുപ്പ് തീരെ ഇല്ലാത്തതുകൊണ്ടും ആരോഗ്യത്തിന് വളരെ നല്ലതാണ് കൂണ്‍. ഇതാ പിടിച്ചോ കൂൺ കൊണ്ടൊരു അസൽ വിഭവം, കൂൺ ഓംലെറ്റ്‌.

ചേരുവകൾ:-



കോഴിമുട്ട :4 എണ്ണം
കൂൺ :100 ഗ്രാം
ചുവന്നുള്ളി :50 ഗ്രാം
പച്ചമുളക് :4 എണ്ണം
മഞ്ഞൾപ്പൊടി :1/4 ടീസ്പൂൺ
കുരുമുളകുപൊടി :1/2 ടീസ്പൂൺ
ഉപ്പ് :പാകത്തിന്
വെളിച്ചെണ്ണ :2 ടീസ്പൂൺ
പാകം ചെയ്യുന്ന വിധം:

മുട്ട പൊട്ടിച്ച് ഉപ്പ് ചേർത്ത് നല്ല പോലെ കലക്കി പതപ്പിക്കുക. അതിൽ കൂൺ, ചുവന്നുള്ളി, പച്ചമുളക് എന്നിവ ചെറുതായി അരിഞ്ഞു ചേർക്കുക. ഇതിൽ മഞ്ഞൾപ്പൊടി, കുരുമുളകുപൊടി എന്നിവയും ചേർത്ത് നന്നായി യോജിപ്പിക്കുക. ഒരു പാൻ അടുപ്പത്ത് വെച്ച് ചൂടാകുമ്പോൾ എണ്ണയൊഴിച്ച് ഓംലെറ്റ്‌ ഉണ്ടാക്കി എടുക്കുക.