ചൂടുകാലത്ത് കുടിക്കാൻ ഓറഞ്ച് കുലുക്കി സർബത്ത്

മാർച്ച് ആയപ്പോഴേക്കും ചൂട് തുടങ്ങി. ചൂട് തുടങ്ങിയാൽ പിന്നെ ദാഹത്തിന്‍റെ കാര്യം പ്രത്യേകം പറയണ്ടല്ലോ.? എത്ര വെള്ളം കുടിച്ചാലും മതിയാവില്ല. വ്യത്യസ്തമായ പല ഡ്രിങ്കുകളും പരീക്ഷിക്കുന്ന കൂട്ടത്തിൽ ഓറഞ്ച് കുലുക്കി കൂടി ട്രൈ ചെയ്ത് നോക്കൂ...

ആവശ്യമായ സാധനങ്ങൾ
ഷുഗർ സിറപ് - 1/2 ഗ്ലാസ്‌

മുസംബി ജ്യൂസ്‌ - 1/2 ഗ്ലാസ്‌

പഞ്ചസാര - 2 ടേബിൾ സ്പൂൺ

പച്ചമുളക് - 1

ചെറുനാരങ്ങ വെള്ളം - 1/2 ചെറുനാരങ്ങയുടെ

കസ് - കസ് ( വെള്ളത്തിൽ കുതിർത്തത് ) - 1 ടീസ്പൂൺ

ഉപ്പ് - ആവശ്യത്തിന്

ഐസ് - ക്യൂബ് 4-5 എണ്ണം

തയ്യാറാക്കുന്ന വിധം

300 മില്ലി ഉള്ള ഒരു ഗ്ലാസ്‌ എടുത്തു അതിന്റെ പകുതി പഞ്ചസാര പാനി ഒഴിക്കുക.ചെറുനാരങ്ങ പിഴിഞതും ഒഴിക്കുക, ഫ്രഷ്‌ മുസംബി ജ്യൂസ്‌, നടുവേ പിളർന്ന പച്ചമുളക്, ഉപ്പ്‌, കസ് - കസ്, ഐസ് ക്യുബ്സും ഇട്ടു ഗ്ലാസ്‌ നല്ല പോലെ കുലുക്കണം .( ബോട്ടിലിൽ ഒഴിച്ച് കുലുക്കിയാലും മതിയാകും). നല്ലപോലെ കുലുക്കിയതിനു ശേഷം സെർവ് ചെയ്യാം ..