രുചികരമായ കോക്കനട്ട് സാൻഡ്‍‍വിച് നിമിഷത്തിൽ

വളരെ ലൈറ്റ് ആയ എളുപ്പത്തിൽ ദഹിക്കുന്ന സ്നാക്കാണ് കോക്കനട് സാൻഡ്‍‍വിച്. എളുപ്പത്തിലുണ്ടാക്കാവുന്ന ഈ വിഭവം പരിചയപ്പെടാം.
വേണ്ട സാധനങ്ങൾ

തൈര് ( തുണിയിൽ അരിച്ച് വെള്ളം പൂർണമായും കളഞ്ഞത്)- കാൽകപ്പ്

കോക്കനട്ട് പൗഡ‍ർ- 1/ 8 കപ്പ്

ഇഞ്ചി- അര ടീസ്പൂൺ (അരച്ചത്)

കടുക്- അര ടീ സ്പൂൺ

എണ്ണ- അരക്കപ്പ്

ബ്രൗൺ ബ്രഡ് സ്ലൈസ്- 4 (അല്ലെങ്കിൽ ബർ‍ഗ‍ർ ബൺ)

ഉപ്പ് ആവശ്യത്തിന്

കറിവേപ്പില

തയാറാക്കുന്ന വിധം

1. തൈര്, കോക്കനട്ട് പൗഡ‍ർ, ഇഞ്ചി അരച്ചത്, ഉപ്പ് എന്നിവ യോജിപ്പിക്കുക.

2. മിശ്രിതം അൽപ്പസമയം മാറ്റിവയ്ക്കുക

3. ബ്രഡിന്‍റെ അരികുകൾ മുറിച്ചു മാറ്റുക

4. ബ്രഡ് സ്ലൈസ് എടുത്ത് അതിന്‍റെ ഒരു വശത്ത് മാറ്റിവെച്ച മിശ്രിതം പുരട്ടി മറ്റൊരു ബ്രഡ് കൊണ്ട് മൂടുക.

5. ഒരു പാനിൽ എണ്ണ ചൂടാക്കുക.

6. ഇതിലേക്ക് കടുകും കറിവേപ്പിലയും ഇടുക.

7. സാൻഡ്‍‍വിച് ഇതിലേക്കിട്ട് ഇരുവശവും മൊരിച്ചടുക്കുക

8. ചൂടോടെ കെച്ചപ്പിനൊപ്പം കഴിക്കാം