ഓണം സ്‌പെഷ്യല്‍ ഏത്തപ്പഴ പായസം

പഴം ചേർത്തുണ്ടാക്കുന്ന പ്രഥമൻ അഥവാ പായസമാണ് പഴ പ്രഥമൻ. നല്ലവണ്ണം പഴുത്ത് കറുത്ത കുത്തുകൾ വന്ന നേന്ത്രപ്പഴമാണ് ഇതുണ്ടാക്കാൻ ഉപയോഗിക്കുക. വളരെ രുചികരവും, എളുപ്പത്തിൽ തന്നെ ഉണ്ടാക്കാവുന്നതും ആണു ഇത്. പഴം കഴിക്കാൻ മടിയുള്ള കുട്ടീസിനു പോലും ഇത് വളരെ ഇഷ്ടപ്പെടും.

ചേരുവകൾ:-


നല്ല പഴുത്ത നേന്ത്ര പഴം – രണ്ടു എണ്ണം വട്ടത്തില്‍ മുറിച്ചത്

ശര്‍ക്കര -ആവശ്യാനുസരണ മധുരം

തേങ്ങാ പാല്‍ – ഒന്നാം പാല്‍ ,രണ്ടാം പാല്‍

ഏലക്കാ പൊടിച്ചത് – ആവശ്യത്തിന്

നെയ്യ്‌ -മൂന്ന് സ്പൂണ്‍

നട്ട്സ്- കിസ്മിസ്


തയ്യാറാക്കുന്ന വിധം:-

പഴം മുറിച്ചതും രണ്ടാം പാലും കൂടി വേവിക്കുക. ഉടയാതെ വേവിക്കണം (പാലും പഴവും ഒപ്പതിനു ഒപ്പം നിക്കണം പാല്‍ കൂടി പോവാന്‍ പാടില്ല ) വെന്തു വരുമ്പോ അതിലേക്കു ശര്‍ക്കര ചേര്‍ക്കുക ,കൂടെ ഏലയ്ക്കാ നെയ്യ്‌ എന്നിവ ,കൂടി ചേര്‍ത്ത് ഒന്നുകൂടി വേവിച്ചതിനു ശേഷം ഒരു ബൗളിലേക്ക് മാറ്റി ഒന്നാം പാലും ഒഴിച്ച് നട്ട്സ് കിസ്മിസും നെയ്യില്‍ വറുത്ത് കോരി ഇട്ടു ഉപയോഗിക്കാം.