ഓണ്‍ലൈനില്‍ ഓര്‍ഡര്‍ ചെയ്യുന്നവര്‍ക്ക് ഏറ്റവും ഇഷ്ടമുള്ള വിഭവം

ന്യൂഡല്‍ഹി: ഓണ്‍ലൈനായി ഭക്ഷണം ഓര്‍ഡര്‍ ചെയ്യുന്ന ഇന്ത്യക്കാരില്‍ അധികവും വാങ്ങുന്നത് ചിക്കന്‍ ബിരിയാണി. ഓണ്‍ലൈന്‍ ഫുഡ് ഡെലിവറി പ്ലാറ്റ്‍ഫോമായ സ്വിഗ്ഗി നടത്തിയ സര്‍വേയിലാണ് ചിക്കന്‍ ബിരിയാണ് ഒന്നാമത് എത്തിയത്.

അന്താരാഷ്ട്ര ഭക്ഷണങ്ങളൊന്നും ഇന്ത്യക്കാരെ വലിയരീതിയില്‍ സന്തോഷിപ്പിക്കുന്നില്ലെന്നാണ് സര്‍വേയില്‍ നിന്ന് മനസിലാകുന്നത്. ബിരിയാണി കഴിഞ്ഞാല്‍ മസാല ദോശ, ബട്ടര്‍ നാൻ, തന്തൂരി റോട്ടി, പനീര്‍ ബട്ടര്‍ മസാല തുടങ്ങിയവയാണ് ആളുകള്‍ക്ക് ഇഷ്‍ടം.

യുവാക്കള്‍ക്ക് പ്രിയപ്പെട്ട ഭക്ഷണമാണെന്ന് കരുതുന്ന പീസ്സ ആദ്യ അഞ്ചില്‍ ഇടംനേടിയില്ല. പീസ്സ കഴിക്കുന്നവരുടെ എണ്ണം വളരെ കുറവാണെന്നാണ് സര്‍വേ തെളിയിക്കുന്നത്. നിരവധിപേര്‍ പീസ്സ സെര്‍ച്ച് ചെയ്യുന്നുണ്ടെങ്കിലും കഴിക്കാന്‍ വാങ്ങുന്നില്ല.

അഞ്ച് ലക്ഷത്തോളം തവണ പീസ്സ എന്ന വാക്ക് സ്വിഗ്ഗിയില്‍ ആളുകള്‍ തെരഞ്ഞിട്ടുണ്ട്. ബര്‍ഗര്‍, ചിക്കന്‍, കേക്ക്, മൊമോസ് എന്നീ ഭക്ഷണങ്ങളും ആളുകള്‍ തെരഞ്ഞു. ഇന്ത്യയിലെ മെട്രോ നഗരങ്ങളിലുള്ള ആളുകളാണ് സര്‍വേയുടെ ഭാഗമായത്.