ഇളനീർ ഉണ്ണിയപ്പത്തിന് എന്തൊരു ടേസ്റ്റാണ്!

ഗൃഹാതുരത്വമുണ‍ർത്തുന്ന പലഹാരങ്ങളിൽ ഒന്നാമതാണ് ഉണ്ണിയപ്പം. ഉണ്ണിയപ്പം എല്ലാവ‍ർക്കും ഇഷ്ടപ്പെടുന്ന പലഹാരമാണ്. കാഴ്ചയിലും രുചിയിലും വ്യത്യസ്മായ ഇളനീ‍ർ ഉണ്ണിയപ്പം എങ്ങനെ തയാറാക്കാം എന്ന് നോക്കാം.

ചേരുവകൾ

പച്ചരി - ഒരു കപ്പ്
ഇളനീർ - 2 എണ്ണം
ഇളനീർ വെള്ളം - 1 ഗ്ലാസ്
ഏലക്ക - ഒന്ന്
പഞ്ചസാര പാകത്തിന്
ഉപ്പ് - പാകത്തിന്
തേങ്ങാ കൊത്ത് വറുത്തത്

തയ്യാറാക്കുന്ന വിധം

മിക്സിയിൽ ഇളനീർ വെള്ളം ഒഴിച്ച് പച്ചരി നന്നായി അരച്ച് എടുക്കുക. അതിലേക്ക് ഇളനീർ കാമ്പ് പഞ്ചസാര ഏലക്ക എന്നിവ ചേർത്ത് വീണ്ടും അരച്ച് എടുക്കുക. പിന്നെ ഉപ്പും തോങ്ങാ കൊത്തും ചേർക്കുക. എന്നിട്ട ഉണ്ണിയപ്പ ചട്ടിയിൽ കോരിയഴിച്ച് സ്വാദൂറുന്ന ഉണ്ണിയപ്പം ചുട്ടെടുക്കാം