വൈകുന്നേരം കഴിക്കാൻ തേങ്ങാപാൽ ദോശ

ക്ലാസ് കഴിഞ്ഞുവരുന്ന കുട്ടികൾക്ക് കൊടുക്കാൻ ഒരു വ്യത്യസ്ത വിഭവമായാലോ. വളരെ കുറച്ച് സാധനങ്ങൾ കൊണ്ട് ചുരുങ്ങിയ സമയം കൊണ്ടുണ്ടാക്കാൻ കഴിക്കുന്ന തേങ്ങാപാൽ ദോശ എങ്ങനെ ഉണ്ടാക്കാമെന്ന് നോക്കൂ..

ആവശ്യമായ സാധനങ്ങൾ

മൈദ- രണ്ട് കപ്പ്

കോഴിമുട്ട – രണ്ടെണ്ണം

പഞ്ചസാര- കാല്‍ കപ്പ്

തേങ്ങാപാല്‍- ഒരു മുറി തേങ്ങയുടേത് (1 ഗ്ലാസ്)

ഉപ്പ് – ആവശ്യത്തിന്

ഉണ്ടാക്കുന്ന വിധം

മൈദപൊടിയില്‍ കോഴിമുട്ട പൊട്ടിച്ചൊഴിച്ച് ഉപ്പും ആവശ്യത്തിന് വെള്ളവും ചേര്‍ത്ത് നേര്‍മ്മയായി ദോശമാവിന്റെ പാകത്തിന് കലക്കുക. ഇത് ചൂടായ കല്ലില്‍ പരത്തി ദോശ ചുട്ടെടുക്കുക. ഒരു തവണ തിരിച്ചിട്ട ശേഷം പ്ലേറ്റിലേക്ക് മാറ്റിവെക്കാം. ഇങ്ങനെ ചുട്ടെടുക്കുന്ന ഓരോ ദോശയിലും തേങ്ങാ പാല്‍ അല്‍പാല്‍പമായി ഒഴിക്കുക. എന്നിട്ട് അതിനു മുകളില്‍ പഞ്ചസാരയും വിതറിയതിന് ശേഷം മടക്കിവെച്ച് കഴിക്കാം.