വെളളക്കാരി സെക്സിനു മാത്രം? ഇന്ത്യന്‍ യുവാക്കളേ... നിങ്ങളിതു കേള്‍ക്കണം

വിദേശ വനിതകളെ കുറിച്ച് നമ്മുടെയൊക്കെ ചിന്താഗതിയെന്താണ്? പലര്‍ക്കും പല കാഴ്ച്ചപ്പാടുകളായിരിക്കും ഉണ്ടാവുക. എന്നാല്‍ വെളളക്കാരികളെ കുറിച്ച് ശരാശരി ഇന്ത്യന്‍ യുവാക്കളുടെ പൊതുബോധത്തെ അടക്കി ഭരിക്കുന്ന കാര്യങ്ങള്‍ ഒന്നടങ്കം എണ്ണിപ്പറയുകയാണ് മെലാനീ സ്മിത്ത് എന്ന യുഎസ് വനിത. സോഷ്യല്‍ മീഡിയയിലൂടെയുളള മെലാനിയുടെ ഇൗ തുറന്നു പറച്ചില്‍ മതി ഭാരതീയ പുരുഷന്മാരുടെ ഭാവശുദ്ധി ചീട്ടുകൊട്ടാരം പോലെ തകര്‍ന്നു വീഴാന്‍ .

ഇന്ത്യക്കാരുള്‍പ്പെടെ വിവിധ രാജ്യങ്ങളില്‍ നിന്നുളള വിവിധ പ്രായത്തിലുളള ഒട്ടേറെ പുരുഷന്മാര്‍ തനിക്ക് സുഹൃത്തുക്കളായുണ്ടെന്നാണ് ട്രാവലറായ മെലാലി പറയുന്നത്. എന്നാല്‍ അതില്‍ ഇന്ത്യന്‍ പുരുഷന്മാര്‍ മാത്രം പല കാര്യങ്ങളിലും വേറിട്ടു നില്‍ക്കുന്നവരാണ്. അതില്‍ പ്രധാനം സംസാര രീതിയാണ്. ആദ്യമായി പരിചയപ്പെട്ട ശേഷമാണെങ്കില്‍ കൂടിയും ഇന്ത്യന്‍ പുരുഷന്മാര്‍ ഒാണ്‍ ലൈന്‍ ചാറ്റുകളില്‍ കൂടുതലും വ്യക്തിപരമായ കാര്യങ്ങളാണു ചോദിക്കുകയെന്നു മെലാനി പറയുന്നു

ചിലരുടെ ചോദ്യം നിങ്ങളെന്താണ് ധരിച്ചിരിക്കുന്നതെന്നാണ് ,നിങ്ങളുടെ ഭര്‍ത്താവ് വീട്ടിലുണ്ടോ ,ഭര്‍ത്താവിനോടൊത്തുളള ജീവിതം സന്തോഷം തരുന്നുണ്ടോ ,നിങ്ങള്‍ക്കെപ്പോഴാണ് കന്യകാത്വം നഷ്ടപ്പെട്ടത് ,നിങ്ങള്‍ ലൈംഗികത ആസ്വദിക്കാറുണ്ടോ ,നിങ്ങളുടെ ഫോട്ടോയില്‍ നരച്ച മുടി കാണുന്നുണ്ടല്ലോ..മുടി നരക്കാന്‍ തുടങ്ങിയോ ഇങ്ങനെ പോകുന്നു ചോദ്യങ്ങള്‍. ഇൗ സ്വഭാവം കാരണം ഒട്ടേറെ പേറെ എഫ് ബി ഫ്രണ്ട് ലിസ്റ്റില്‍ നിന്ന് ഒഴിവാക്കേണ്ടി വന്നിട്ടുണ്ട്.

എനിക്കൊരു സംശയമുണ്ടായിരുന്നു എന്ന മുഖവുരയോടെയാവും ചിലര്‍ ചോദ്യങ്ങളുമായി വരുന്നത്. അതിലൊരാളുടെ ചോദ്യം ഇതാണ് സ്വയം ഭോഗം ആരോഗ്യത്തിനു ഹാനികരമാണോ എന്നാണ്. ഒട്ടേറെ തവണ സ്ത്രീയുടെ ജനനേന്ദ്രിയത്തെ കുറിച്ച് വളരെ മോശമായ രീതിയില്‍ ഇന്ത്യന്‍ സുഹൃത്തുക്കളാണ് സംസാരിച്ചിട്ടുളളതെന്നാണ് മെലാനി ആരോപിക്കുന്നത്.

ഷര്‍ട്ടു ജീന്‍സുമണിഞ്ഞ വിദേശ വനിതെയെന്നാല്‍ എന്തും പറയാമെന്നാണോ..ഇന്ത്യന്‍ യുവതിയാണെങ്കില്‍ അവര്‍ ഇൗ ചോദ്യങ്ങളൊന്നും ചോദിക്കില്ല.അവര്‍ ദേവികളാണല്ലോ എന്ന് രോഷത്തോടെ മെലാനി ചോദിക്കുന്നു. നിങ്ങള്‍ക്ക് താത്പര്യമുളളപ്പോഴെല്ലാം സെക്സിനു റെഡിയായി നില്‍ക്കുന്നവരാണ് വിദേശ വനിതകളെന്ന് നിങ്ങളെ പഠിപ്പിച്ചതാരാണ്.

ഇത്തരം ചോദ്യങ്ങളുടെ ഉദ്ദേശ ശുദ്ധിയെ ചോദ്യം ചെയ്യേണ്ടിയിരിക്കുന്നു. തന്‍റെ എല്ലാ ഇന്ത്യന്‍ സുഹൃത്തുക്കളും ഇത്തരക്കാരല്ലെന്നും മെലാനി കൂട്ടിച്ചേര്‍ക്കുന്നു. ഒട്ടേറ വിഷമ ഘട്ടങ്ങളില്‍ തനിക്ക് പിന്തുണയും സഹായവും വാഗ്ദാനം ചെയ്ത ഒട്ടേറെ ഇന്ത്യന്‍ സുഹൃത്തുക്കളും തനിക്കുണ്ടെന്നും അവര്‍ വ്യക്തമാക്കുന്നു.

An American Woman Reveals Why No Girl Wants To Chat With Indian Men Online & It's Really Embarrassing

That there's a lot Indian men need to learn about the art of approaching women, impressing them, or even respecting them is a known fact. But an American women just revealed a truth about Indian men that's a real embarrassment