ചോദ്യം: കഴിഞ്ഞ 8 വര്ഷമായി ഞാന് ഒരു പെണ്കുട്ടിയുമായി പ്രണയത്തിലാണ്. എന്നാല് ഇത്ര നാളായിട്ടും അവളോട് പ്രത്യേകമായ ഒരടുപ്പം തോന്നിയിട്ടില്ല. ഇതിനിടെ കഴിഞ്ഞ കുറച്ചു മാസങ്ങളായി അവളുടെ അടുത്ത കൂട്ടുകാരിയോട് സംസാരിച്ചു തുടങ്ങി, അറിഞ്ഞോ അറിയാതെയോ മാനസികമായി വല്ലാത്തൊരു അടുപ്പം ഞങ്ങള്ക്കിടയില് രൂപപ്പെട്ടു. ഇടയ്ക്കിടെ സുഹൃത്തുക്കള്ക്കൊപ്പം ഞങ്ങള് ഒത്തുചേരാറുണ്ടായിരുന്നെങ്കിലും കഴിഞ്ഞയാഴ്ച മാറ്റാരുമില്ലാതെ ഞങ്ങള് രണ്ടും മാത്രമായുള്ള ഒരു സാഹചര്യമൊരുക്കി എല്ലാ തരത്തിലും ഞങ്ങള് അടുത്തു. എന്നാല് ഇപ്പോള് അതിനെക്കുറിച്ച് ചിന്തിക്കുമ്പോള് എനിക്ക് വല്ലാത്ത കുറ്റബോധം തോന്നുന്നു. കഴിഞ്ഞ 8 വര്ഷമായി എന്റെ കൂടെയുള്ളവളോട് ഞാന് വലിയ തെറ്റാണ് ചെയ്തതെന്ന ചിന്ത എന്നെ വല്ലാതെ അലട്ടുകയാണ്. എങ്ങനെയാണ് അവളോട് ഇക്കാര്യം പറയേണ്ടത് എന്നെനിക്കറിയില്ല, അഥവാ പറഞ്ഞാല് അവള് തകര്ന്നു പോകുമെന്ന് ഉറപ്പാണ്. ഞാന് ആകെ ആശയക്കുഴപ്പത്തിലാണ്, അവളോട് എല്ലാം തുറന്നുപറയണോ അതോ ബ്രേക്ക് അപ്പ് ചെയ്യണോ?
മറുപടി (ഡോ. രചന ഖന്ന സിംഗ്, ഗുരുഗ്രാം ആർട്ടെമിസ് ആശുപത്രി സൈക്കോളജി വിഭാഗം മേധാവി): ഏറെനാളായി തുടരുന്ന ഏതൊരു ബന്ധത്തിലും ഉയര്ച്ചതാഴ്ചകള് ഉണ്ടാവുക സ്വാഭാവികമാണ്. നിലവില് പ്രണയിക്കുന്ന പെണ്കുട്ടിയെ അവളുടെ അടുത്ത കൂട്ടുകാരിയുമായി ചേര്ന്ന് വഞ്ചിച്ചുവെന്നതാണ് താങ്കളുടെ മനസ് മുഴുവന്. കുറ്റബോധമാണ് നിങ്ങളെ അലട്ടുന്നത്, സംഭവിച്ച കാര്യങ്ങള് സ്നേഹിക്കുന്ന പെണ്കുട്ടിയോട് പറയണമോ വേണ്ടയോ എന്ന ചിന്തയാണ് നിങ്ങളെ അലട്ടുന്നത്. വാസ്തവത്തില് ഇക്കാര്യം തുറന്നു പറയണമോ എന്ന കാര്യത്തില് തീരുമാനമെടുക്കേണ്ടത് നിങ്ങള് തന്നെയാണ്.
തുറന്നു പറഞ്ഞാല് വലിയ പ്രത്യാഘാതങ്ങള് ഉണ്ടായേക്കാം, അതുപോലെ തന്നെ തുറന്നു പറഞ്ഞില്ലെങ്കില് എപ്പോഴെങ്കിലും അവള് ഇക്കാര്യം അറിയുമോ എന്ന ഭയം നിങ്ങളെ അലട്ടുകയും ചെയ്യും. രണ്ടാണെങ്കിലും അല്പം വെല്ലുവിളി നിറഞ്ഞ സാഹചര്യമാണ്. നിങ്ങളുടെ പ്രണയിനിയോട് നിങ്ങള്ക്കുള്ള അടുപ്പവും പ്രതീക്ഷയും തിരിച്ചറിഞ്ഞുകൊണ്ട് മാത്രം ഈ സാഹചര്യത്തെ നേരിടുക.
കൂടാതെ കഴിഞ്ഞ 8 വര്ഷമായി പ്രണയത്തിലായ പെണ്കുട്ടിയോട് പ്രത്യേകിച്ച് അടുപ്പം തോന്നിയിട്ടില്ലെന്ന കാര്യം പ്രത്യേകമായി പരിഗണിക്കണം. നിങ്ങളുടെ പ്രതീക്ഷയും ആഗ്രഹവും എന്താണെന്ന് തിരിച്ചറിയുന്നതിനുള്ള സമയമെടുക്കുക, സ്വയം കഴിയുന്നില്ലെങ്കില് ഒരു മികച്ച കൗണ്സിലറെ സമീപിക്കുക. നിങ്ങള് എന്താണ് ആഗ്രഹിക്കുന്നതെന്ന് തിരിച്ചറിഞ്ഞുകൊണ്ട് അക്കാര്യം അവളോട് പറയുക. ബന്ധം ആരോഗ്യകരമാകാന് ഇത് വളരെ അനിവാര്യമാണ്.
ഇംഗ്ലീഷിൽ വായിക്കാം
മറുപടി (ഡോ. രചന ഖന്ന സിംഗ്, ഗുരുഗ്രാം ആർട്ടെമിസ് ആശുപത്രി സൈക്കോളജി വിഭാഗം മേധാവി): ഏറെനാളായി തുടരുന്ന ഏതൊരു ബന്ധത്തിലും ഉയര്ച്ചതാഴ്ചകള് ഉണ്ടാവുക സ്വാഭാവികമാണ്. നിലവില് പ്രണയിക്കുന്ന പെണ്കുട്ടിയെ അവളുടെ അടുത്ത കൂട്ടുകാരിയുമായി ചേര്ന്ന് വഞ്ചിച്ചുവെന്നതാണ് താങ്കളുടെ മനസ് മുഴുവന്. കുറ്റബോധമാണ് നിങ്ങളെ അലട്ടുന്നത്, സംഭവിച്ച കാര്യങ്ങള് സ്നേഹിക്കുന്ന പെണ്കുട്ടിയോട് പറയണമോ വേണ്ടയോ എന്ന ചിന്തയാണ് നിങ്ങളെ അലട്ടുന്നത്. വാസ്തവത്തില് ഇക്കാര്യം തുറന്നു പറയണമോ എന്ന കാര്യത്തില് തീരുമാനമെടുക്കേണ്ടത് നിങ്ങള് തന്നെയാണ്.
തുറന്നു പറഞ്ഞാല് വലിയ പ്രത്യാഘാതങ്ങള് ഉണ്ടായേക്കാം, അതുപോലെ തന്നെ തുറന്നു പറഞ്ഞില്ലെങ്കില് എപ്പോഴെങ്കിലും അവള് ഇക്കാര്യം അറിയുമോ എന്ന ഭയം നിങ്ങളെ അലട്ടുകയും ചെയ്യും. രണ്ടാണെങ്കിലും അല്പം വെല്ലുവിളി നിറഞ്ഞ സാഹചര്യമാണ്. നിങ്ങളുടെ പ്രണയിനിയോട് നിങ്ങള്ക്കുള്ള അടുപ്പവും പ്രതീക്ഷയും തിരിച്ചറിഞ്ഞുകൊണ്ട് മാത്രം ഈ സാഹചര്യത്തെ നേരിടുക.
കൂടാതെ കഴിഞ്ഞ 8 വര്ഷമായി പ്രണയത്തിലായ പെണ്കുട്ടിയോട് പ്രത്യേകിച്ച് അടുപ്പം തോന്നിയിട്ടില്ലെന്ന കാര്യം പ്രത്യേകമായി പരിഗണിക്കണം. നിങ്ങളുടെ പ്രതീക്ഷയും ആഗ്രഹവും എന്താണെന്ന് തിരിച്ചറിയുന്നതിനുള്ള സമയമെടുക്കുക, സ്വയം കഴിയുന്നില്ലെങ്കില് ഒരു മികച്ച കൗണ്സിലറെ സമീപിക്കുക. നിങ്ങള് എന്താണ് ആഗ്രഹിക്കുന്നതെന്ന് തിരിച്ചറിഞ്ഞുകൊണ്ട് അക്കാര്യം അവളോട് പറയുക. ബന്ധം ആരോഗ്യകരമാകാന് ഇത് വളരെ അനിവാര്യമാണ്.
ഇംഗ്ലീഷിൽ വായിക്കാം