പ്രണയം വിരസതയിലേക്ക് നീങ്ങുന്നുവോ?
കാലാകാലങ്ങളായി പരസ്പരം വാദപ്രതിവാദങ്ങൾ നടത്തുന്നതും തല്ലു കൂടുകയും ചെയ്യുന്നതൊക്കെ സ്വാഭാവികമായതും ഓരോരുത്തരുടെയും ജീവിതത്തിൽ ഒഴിവാക്കാനാകാത്തതുമായ കാര്യങ്ങളാണ് എന്ന് വേണമെങ്കിൽ പറയാം. നിങ്ങളൊരു വ്യക്തിയെ അല്ലെങ്കിൽ നിങ്ങളുടെ പങ്കാളിയെ അഗാധമായി സ്നേഹിക്കുന്നുണ്ടെങ്കിൽ, അവരുമായി അഭിപ്രായവ്യത്യാസങ്ങളുണ്ടാകുമ്പോൾ അവരുടെ ഭാഗം കൂടി കണക്കിലെടുത്തുകൊണ്ട് തിരിച്ചറിവോടെയായിരിക്കണം പെരുമാറേണ്ടത്. പ്രണയത്തിലാണെങ്കിലും ബന്ധങ്ങൾക്കിടയിലാണെങ്കിലും രണ്ടു പേർ തമ്മിൽ പരസ്പരം സംസാരിച്ചൊടുവിൽ ഇനി ഒന്നും സംസാരിക്കാനില്ല എന്ന രീതിയിലേക്ക് എത്തിച്ചേരാറുണ്ട്. ഇത്തരം അവസരങ്ങളാണ് പതിയെ നിങ്ങളെ വിരസതയിലേക്ക് തള്ളി വിടുന്നത് എന്ന് അറിഞ്ഞിരിക്കുക.
നിങ്ങളെപ്പോലെത്തന്നെ നിങ്ങളുടെ പങ്കാളിയേയും!
നിങ്ങൾ നിങ്ങളുട ഭാഗം മാത്രം ന്യായീകരിക്കുന്ന ഒരു പങ്കാളി ആകരുത്. നിങ്ങളുടെ കാഴ്ചപ്പാടുകളെ പോലെത്തന്നെ നിങ്ങളുടെ പങ്കാളികൾക്കും കാഴ്ചപ്പാടുകൾ ഉണ്ടാകും. നിങ്ങൾക്ക് ഉണ്ടാകുന്ന സ്വപ്നങ്ങളെ പോലെത്തന്നെ നിങ്ങളുടെ പങ്കാളിക്കും ഉണ്ടാകും ഒരുപാട് സ്വപ്രനങ്ങൾ. നിങ്ങളുടെ കാഴ്ചപ്പാടുകളെ പോലെത്തന്നെ, നിങ്ങളുടെ സ്വപ്നങ്ങളെ പോലെത്തന്നെ, നിങ്ങളുടെ ആഗ്രഹങ്ങളെ പോലെത്തന്നെ നിങ്ങളുടെ പങ്കാളിയുടെ കാഴ്ചപ്പാടുകളെയും അവരുടെ ആഗ്രഹങ്ങളെയും മനസ്സിലാക്കി ബഹുമാനിക്കുകയും ചെയ്യണമെന്നുള്ളത് വളരെയധികം പ്രാധാന്യമേറിയ ഒരു കാര്യമാണ് എന്ന് പറയേണ്ടതില്ലാല്ലോ.
ബന്ധങ്ങൾക്കിടയിലെ ആശയ വിനിമയം
ബന്ധങ്ങൾക്കിടയിലുണ്ടാകുന്ന ആശയവിനിമയത്തെക്കുറിച്ച് നാം അറിഞ്ഞിരിക്കേണ്ടതാണ്. ബന്ധങ്ങൾക്കിടയിൽ നാം തിരിച്ചറിയേണ്ട ഏറ്റവും പ്രധാനപ്പെട്ട കാര്യം എന്തെന്നാൽ നിങ്ങളുടെ പങ്കാളിയുമായി നിങ്ങൾ എത്രത്തോളം നന്നായി ആശയവിനിമയം നടത്തുന്നുവോ അത്രത്തോളം ദൃഢമായിരിക്കും നിങ്ങളുടെ ബന്ധം എന്നതാണ്. വിവാഹ ജീവിതങ്ങളിൽ കടന്നുവരുന്ന പലതരം പ്രശ്നങ്ങളെ നേരിടുന്നതിനായി ഓരോ ദമ്പതിമാരും അറിഞ്ഞിരിക്കേണ്ട പല കാര്യങ്ങൾ ഉണ്ട്. അവ ഏതൊക്കെയാണെന്ന് നോക്കാം.
Also read: 'എനിക്കും ഒരു സഹോദരനുണ്ടായിരുന്നെങ്കിൽ' എന്ന് നിങ്ങൾക്ക് തോന്നിയിട്ടുണ്ടോ?
ബന്ധങ്ങളിലെ വിരസത
പലപ്പോഴും രണ്ടു പേർ തമ്മിലുള്ള ബന്ധത്തിൽ ഒരു പ്രത്യേക ജീവിതഘട്ടത്തിനുശേഷം നിങ്ങളിൽ വിരസത അനുഭവപ്പെട്ടേക്കാം. നിങ്ങളുടെ ബന്ധത്തിൽ പ്രണയം ഇല്ലാതായിത്തുടങ്ങുന്ന എന്ന തോന്നലുകളാണ് ഇത്തരത്തിലുള്ള വിരസതകൾക്ക് കാരണമാകുന്നത് എന്ന് വേണമെങ്കിൽ പറയാം. ഇത്തരം സന്ദർഭങ്ങളിൽ ഓർക്കേണ്ട ഒരു കാര്യം എന്തെന്നാൽ ഇത് ജീവിതത്തിന്റെ ഒരു ഭാഗം മാത്രമാണെന്നും ഇത് എത്രയും പെട്ടെന്ന് കടന്ന് പോകും എന്നതാണ്. അതിനുപകരം നിഷേധാത്മകതാ മനോഭാവത്തിന്റെ പിടിയിലകപ്പെട്ടാൽ ബന്ധങ്ങൾ പെട്ടെന്ന് തന്നെ ഇല്ലാതായിപ്പോകാൻ സാധ്യതയുണ്ട്. അത് കൊണ്ട് ബന്ധങ്ങളിലുണ്ടാകുന്ന വിരസത നിങ്ങൾ കൈകാര്യം ചെയ്യുന്ന രീതി പോലെ ഉണ്ടാകും നിങ്ങളുടെ ബന്ധത്തിന്റെ ദൃഢത.
മുൻവിധിയുമായി കുടുംബ ബന്ധത്തെ സമീപിക്കരുത്
നിങ്ങൾ ഒരിക്കലും മുൻവിധിയുള്ള ഒരു മനസ്സുമായി കുടുംബ ബന്ധങ്ങളെ സമീപിക്കാൻ ശ്രമിക്കരുത്. ഇത്തരത്തിൽ നിങ്ങൾ മുൻവിധിയുമായി ഒരു കുടുംബ ബന്ധത്തെ സമീപ്പിക്കുമ്പോൾ ഒരു പക്ഷെ നിങ്ങൾ വിചാരിച്ച രീതിയിലായിരിക്കില്ല ബന്ധം മുന്നോട്ട് പോകുന്നതെങ്കിൽ നിങ്ങളെ വളരെ പെട്ടെന്ന് തന്നെ അത് വിരസതയിലേക്കും മടുപ്പിലേക്കും തള്ളി വിടും. അത് കൊണ്ട് തന്നെ ഒരിക്കലും നിങ്ങൾ മുൻവിധിയോടെ ഒരു കുടുംബ ബന്ധത്തെ സമീപിക്കരുത്.
Also read: സ്ത്രീകൾക്ക് അത്യാവശ്യം സ്വാതന്ത്ര്യം കൊടുക്കുന്ന 'മോഡേൺ' ഫാമിലിയിലാണോ നിങ്ങൾ?
ബന്ധങ്ങളിലുണ്ടാകുന്ന സംശയം
നിങ്ങളുടെ ബന്ധങ്ങൾക്കിടയിൽ നിങ്ങൾക്ക് നിങ്ങളുടെ പങ്കാളിയെ സംശയം തോന്നിത്തുടങ്ങിയെങ്കിൽ നിങ്ങളുടെ ബന്ധങ്ങൾ വളരെ പെട്ടെന്ന് തന്നെ ഇല്ലാതാകും എന്ന് പ്രത്യേകം പറയേണ്ടതില്ലാല്ലോ. ഒരിക്കലും നിങ്ങളും ബന്ധങ്ങൾക്കിടയിൽ അവിശ്വാസക്കുറവ് ഇല്ലാതിരിക്കാന ശ്രദ്ധിക്കുക. സംശയത്തിന്റെ നിഴലിൽ നാം മറ്റുള്ളവരെ നിരന്തരം വിധിക്കുമ്പോൾ അത് നമ്മുടെ ബന്ധത്തിൽ വരുത്തിവെക്കുന്ന ദോഷങ്ങൾ കുറച്ചൊന്നുമല്ല എന്ന് ഓർക്കുന്നത് നല്ലതാണ്.
വിഷയങ്ങൾ തീർന്നു പോയോ?
ബന്ധങ്ങൾക്കിടയിൽ സംസാരിച്ച് സംസാരിച്ച് വിഷയങ്ങൾ തീർന്നു പോകുന്ന അവസ്ഥ ഉണ്ടാകുന്നുണ്ടോ. 'ഇനി നീ പറ... ഇനി നീ പറ..' എന്ന് രണ്ടാളുകളും പരസ്പരം പറഞ്ഞ് നേരം പോക്കുന്ന അവസ്ഥ ഉണ്ടാകാറുണ്ടോ നിങ്ങളുടെ ബന്ധത്തിൽ? സംസാരിക്കാനുള്ള വിഷയങ്ങളെല്ലാം തീർന്നുപോയന്ന് അനുഭവപ്പെടുമ്പോൾ പല ബന്ധങ്ങൾക്കിടയിലും ഒരുപാട് പ്രശ്നങ്ങളും നേരിടുന്നുണ്ട്. എന്നാൽ ഇത്തരത്തിലുള്ള അവസ്ഥകളിൽ വേണ്ടതിലധികം സ്നേഹവും പരിലാളനകളും ഒക്കെ കൊടുത്തുകൊണ്ട് അവരെ നമുക്ക് നമ്മുടെ വരുതിയിൽ വരുത്താൻ സാധിക്കും. അതുവരെ ഈ പുതുമയേറിയ മനോഭാവത്തെ രസത്തോടെ നോക്കിക്കാണാൻ ശ്രമിക്കുകയാണ് ഈ അവസരങ്ങളിൽ ചെയ്യേണ്ടത്. കൂടുതൽ സാഹസികതകളും മനോഹരമായ ജീവിതമുഹൂർത്തങ്ങളും ഇനിയും നിങ്ങളുടെ വഴിയിൽ കാത്തിരിക്കുന്നുണ്ടെന്ന് രണ്ടു പേരും വിശ്വസിക്കുക. സംസാരം തീർന്നു പോയി എന്ന് വെച്ച് മിണ്ടാതിരിക്കലല്ല വേണ്ടത് എന്ന് അറിയുക.