ഇവരുടെ പ്രണയ കഥകൾ അറിയേണ്ടേ...!

ഏറെ നാളത്തെ സൗഹൃദം പ്രണയത്തിലേക്ക് വഴിമാറി. അങ്ങനെ അവ‍ർ വിവാഹിതരായി മറ്റാരുമല്ല,നടൻ അനൂപും ഷേമയും. എന്റെ തിരക്കുകൾ മനസ്സിലാക്കുകയും ആ തിരക്കിൽ ഒപ്പം നിൽക്കുകയും ചെയ്യുന്ന ആളാണ് ഷേമ. എന്റെ യാത്രകളിൽ ഒക്കെ ഒപ്പം അവളുമുണ്ട്. കുറച്ചു കൂടി സന്തോഷമുളളതായി മാറി ജീവിതം. ഏറ്റവും സ്നേഹിക്കുന്ന ആൾ എപ്പോഴും കൂടെയുണ്ടെന്നത് വലിയ സന്തോഷം തരുന്നു - അനൂപ് പറയുന്നു.

ഇന്ത്യന്ടെന്നീസിലെ ഗ്ലാമര്‍ താരമെന്ന വിശേഷണത്തിന് അര്‍ഹയായ താരമാണ് സാനിയ മിര്‍സ. പ്രണയത്തിന് അതി‍ർത്തികളില്ലെന്ന് സാനിയ തെളിയിക്കുകയും ചെയ്തു. 2010ലാണ് സാനിയയുടെ വിവാഹം. പരസ്പരം മനസ്സിലാക്കിയും ബഹുമാനിച്ചുമാണ് ഞങ്ങള്‍ ജീവിക്കുന്നത്. സ്‌പോര്‍ട് താരങ്ങളായതിനാല്‍ ഇരുവര്‍ക്കും സഹകരിച്ച് മുന്നോട്ടുപോകാന്‍ കഴിയുന്നുണ്ട്. ഇന്ത്യ പാകിസ്ഥാന്‍ മത്സരത്തില്‍ ഷൂഐബ് സെഞ്ച്വറി നേടണമെന്നും ഇന്ത്യ ജയിക്കണമെന്നുമാണ് ഞാന്‍ ആഗ്രഹിക്കുന്നത് – സാനിയ വിശദീകരിക്കുന്നു.


എം ജി ആറും ജയലളിതയുടേയും പ്രണയം ഇന്ത്യന്‍ തമിഴക രാഷ്ട്രീയ ചരിത്രത്തില്‍ പരസ്യമായ രഹസ്യമാണ്. ഒരിയ്ക്കല്‍പ്പോലും എം ജി ആറോ ജയലളിതയോ തുറന്ന് വെളിപ്പെടുത്താത്തതാണ് ആ ബന്ധം. മധുരപ്പതിനേഴിന്റെ നെറുകയില്‍ നില്‍ക്കുമ്പോഴാണ് ആയിരത്തില്‍ ഒരുവനില്‍ ജയലളിത എം.ജി.ആറിന്റെ നായികയായത്. അന്ന് എം.ജി.ആറിന്റെ പ്രായം 52. എം.ജി ആറുമായി ജയയ്ക്ക് ഉണ്ടായിരുന്ന ആത്മബന്ധം എല്ലാവര്‍ക്കും അറിയാവുന്നതാണ്. തന്റെ അച്ഛന്റെ പ്രായമുണ്ടായിരുന്ന എം.ജി ആറിനെ വിവാഹം കഴിച്ച്, സുഖമായി ജീവിക്കാന്‍ ജയലളിത ആഗ്രഹിച്ചിരുന്നു.

പക്ഷെ, ജയയുടെ പ്രേമം പക്വതയില്ലാത്ത പ്രായത്തില്‍ ഏതൊരു പെണ്ണിനും തോന്നുന്ന ഇന്‍ഫാക്ച്യുവേഷന്‍ ആണെന്നാണ് എം.ജി.ആര്‍ കരുതിയത്. എന്നാല്‍ ജയയുടെ മനസില്‍ അന്നും ഇന്നും പുരുഷനായി എം.ജി.ആര്‍ മാത്രമേ ഉണ്ടായിരുന്നുള്ളൂ. ഒരുതരത്തില്‍ പറഞ്ഞാല്‍ ജയലളിതയെ എം.ജി.ആര്‍ പറ്റിക്കുകയായിരുന്നു. പത്രപ്രവര്‍ത്തകയായ വാസന്തി ജയലളിതയെക്കുറിച്ച് എഴുതിയ ‘അമ്മ’ എന്ന പുസ്തകത്തിലും ഇക്കാര്യം വ്യക്തമാക്കുന്നുണ്ട്.