ദിവസേന സ്വയംഭോഗം ചെയ്യാറുണ്ടോ നിങ്ങൾ?

നിങ്ങൾ ദിവസേന സ്വയംഭോഗം ചെയ്യാറുണ്ടോ?. എല്ലാവര്‍ക്കും സ്വയംഭോഗത്തെക്കുറിച്ച് ലഭിച്ചിരിക്കുന്ന വിവരങ്ങൾ അപൂര്‍ണവും ചിലത് അവാസ്തവവുമാണ്. ഇത് ഭാവിയിൽ വലിയ പ്രശ്നങ്ങളുണ്ടാകുമെന്ന തരത്തിലുള്ള വിവരങ്ങളെ തച്ചുടച്ച് വാര്‍ക്കുന്നതാണ് പുതിയ പഠന ഫലങ്ങൾ. പുരുഷന്മാരുടെ ലൈംഗികാരോഗ്യത്തെ ഇത് ബാധിക്കുമെന്ന വ്യാപകമായ തെറ്റിദ്ധാരണയെ തിരുത്തിയെഴുതുകയാണ് പുതിയ പഠനങ്ങൾ.

മിതമായ തോതില്‍ ദിവസേന സ്വയംഭോഗം ചെയ്യുന്നത് ഉത്തമമാണെന്നാണ്‌ പുതിയ പഠനങ്ങള്‍ തെളിയിക്കുന്നത്‌. മിതവും ആരോഗ്യകരമായതുമാകണം എന്നത് അവരവര്‍ തന്നെ ശ്രദ്ധിക്കേണ്ടതുണ്ട്. സ്‌ട്രെസ്‌ ഹോര്‍മോണായ കോര്‍ട്ടിസോള്‍ കുറയ്ക്കാൻ സ്വയംഭോഗത്തിന് കഴിയും. സ്വയംഭോഗം ഡോപമൈന്‍, ഓക്‌സിടോസിന്‍, എന്‍ഡോര്‍ഫിന്‍ തുടങ്ങിയ ഹോര്‍മോണ്‍ ഉല്‍പാദനം കൂട്ടും, ഇതാണ് കോര്‍ട്ടിസോള്‍ കുറയ്ക്കാൻ സഹായകമാകുന്നത്. സ്വയംഭോഗം വഴിയുണ്ടാകുന്ന ഓര്‍ഗാസം ശരീരത്തിലെ രക്തപ്രവാഹം വര്‍ദ്ധിപ്പിയ്‌ക്കും. പ്രത്യുല്‍പാദന അവയവങ്ങളുടെ ആരോഗ്യം കാത്തു സംരക്ഷിയ്‌ക്കാനും ഉത്കണ്ഠ കുറയ്ക്കാനും സ്വയംഭോഗം ഉത്തമമാണ്.

കൂടാതെ ഓക്‌സിടോസിന്‍ ഭക്ഷണത്തോടുള്ള ആര്‍ത്തിയും കറയ്ക്കുന്നതിന് സഹായകമാണ്. പുരുഷന്മാരിൽ സ്വയംഭോഗം ബീജാരോഗ്യം കൂട്ടുമെന്നാണ് പുതിയ പഠനങ്ങളും വ്യക്തമാക്കുന്നത്. സ്വയംഭോഗം ചെയ്യുന്ന സ്‌ത്രീകള്‍ ശരീരത്തെക്കുറിച്ച്‌ പൊസിറ്റീവായ സമീപനം വച്ചു പുലര്‍ത്തുന്നെന്നും പുതിയ പഠനം പറയുന്നു. ഇത്‌ സ്‌ത്രീകളില്‍ ഹോര്‍മോണ്‍ ഉല്‍പാദനങ്ങള്‍ കൃത്യമായി നടക്കാനും സെക്‌സ്‌ താല്‍പര്യങ്ങള്‍ വര്‍ദ്ധിപ്പിയ്‌ക്കാനും സഹായിക്കും. കൂടാതെ ആര്‍ത്തവം കൃത്യമായി നടക്കാനും ഇത് സഹായകമാണ്. മാസമുറയുടെ വേദന ഓര്‍ഗാസത്തിന് കുറയ്ക്കാനാകും.