ദമ്പതികൾ തമ്മിൽ പരസ്പരം സന്തോഷകരമായ ഒരു അത്മബന്ധം കെട്ടിപ്പടുത്തിയാൽ മാത്രമേ കലഹങ്ങളും വിഷമങ്ങളും ഉണ്ടെങ്കിൽ കൂടി എന്നേക്കും നിലനിൽക്കുന്ന കുടുംബ ജീവിതം സാധ്യമാകുകയുള്ളൂ. തമ്മിലുള്ള സ്നേഹ ബന്ധത്തിന്റെ നിലനിൽപ്പിനു വേണ്ടി നിങ്ങൾ ചെയ്യുന്ന ചെറുതും വലുതുമായ ഓരോ കാര്യങ്ങളും നിങ്ങളുടെ പങ്കാളിയെ സ്വാധീനിക്കുന്നുണ്ട് എന്ന് ഓർമ്മിക്കുക. നിങ്ങളുടെ കുടുംബ ജീവിതം മുന്നോട്ടു കൊണ്ടു പോകാനായി നിങ്ങളുടെ മുന്നിൽ രണ്ട് വഴികളാണ് ഉള്ളത്. ഒന്നുകിൽ ക്രമാനുസൃതമായി വലിയ പ്രത്യേകതകൾ ഒന്നുമില്ലാതെ നിങ്ങൾ പങ്കാളികൾ തമ്മിലുള്ള ദൈനംദിന കാര്യങ്ങൾ ചർച്ച ചെയ്തുകൊണ്ട് ഒരോ ദിവസവും തള്ളി നീക്കി ജീവിക്കുക. മറ്റൊന്ന്, നിങ്ങളുടെ പങ്കാളിയുടെ പ്രത്യേകതകളും സ്നേഹവുമെല്ലാം തിരിച്ചറിഞ്ഞ് കുടുംബ ജീവിതത്തിൽ പ്രണയവും ആവേശവും നിറച്ചു കൊണ്ട് ജീവിതത്തെ മുന്നോട്ട് നയിക്കുക. പല പ്രശ്നങ്ങൾ കൊണ്ടും ഇതിൽ ആദ്യത്തേതിൽ പെട്ടു പോകുന്നവരാണ് കൂടുതൽ ദമ്പതികളും.
ഒരുപാട് നാളുകൾ ഒരുമിച്ച് ജീവിതം പങ്കിട്ട ശേഷവും പങ്കാളിയെ പൂർണമായും മനസ്സിലാക്കാൻ കഴിയാതെ വരുന്നത് കുടുംബ ജീവിതത്തിൽ സംഭവിക്കുന്ന ഏറ്റവും വലിയ പാളിച്ചകളിൽ ഒന്നാണ്. പങ്കാളികൾക്കിടയിലുള്ള സ്നേഹ ബന്ധത്തിൽ വിള്ളൽ വീഴാനും കുടുംബ ബന്ധങ്ങളെ വേരോടെ പിഴിതു കളയാനുമൊക്കെ ഇത് കാരണമായേക്കാം. പങ്കാളികളുടെ ഇഷ്ടാനിഷ്ടങ്ങൾക്ക് വില നൽകാതിരിക്കുമ്പോഴും അവയെല്ലാം നിസ്സാരമായി തളളി കളയുമ്പോഴുമെല്ലാം നാമവരെ വീണ്ടും വീണ്ടും ആഴത്തിൽ കുത്തി നോവിക്കുകയാണ് എന്ന കാര്യം പലരും ചിന്തിക്കാറില്ല. പലപ്പോഴും ജീവതപങ്കാളിക്ക് നിങ്ങളുടെ മേലുള്ള വിശ്വാസവും സ്നേഹവുമെല്ലാം നഷ്ടപ്പെടുത്തുന്ന ഒന്നായി മാറുന്നു ഇത്തരം അവസ്ഥകൾ.
Also read: സ്ത്രീകൾക്കൊരു സന്തോഷവാർത്ത! ഇനി പങ്കാളിയുടെ വസ്ത്രം ധൈര്യമായി ധരിച്ചോളൂ...
നിങ്ങൾ നിങ്ങളുടെ പങ്കാളിയെ മറ്റാരേക്കാൾ കൂടുതൽ സ്നേഹിക്കുന്നുണ്ടെന്നും അവരെ ഏറ്റവുമധികം ശ്രദ്ധിക്കുന്നുണ്ടെന്നും ബോധ്യപ്പെടുത്തുവാനായി നിങ്ങളെ സഹായിക്കുന്ന ചില വഴികൾ ഇതാ. അവരുടെ സ്നേഹവും ശ്രദ്ധയും പിടിച്ചു പറ്റാനും മനസ്സ് കീഴടക്കാനുമായി ഈ മൂന്ന് കാര്യങ്ങൾ ഒന്നു പരിക്ഷിച്ചു നോക്കൂ.....
Also read: വിവാഹമോചനം നേടിയ പെണ്ണേ... ഈ ലോകം നിന്റേത് കൂടിയാണ്!
1. അവർ സംസാരിക്കുമ്പോഴെല്ലാം ശ്രദ്ധയോടെ കേൾക്കുക
ഏറ്റവും എളുപ്പവും ലളിതവുമായ ഒന്നാണ് ഇത്. നിങ്ങളുടെ പങ്കാളി എന്തെങ്കിലും വിഷമങ്ങളും സന്തോഷങ്ങളും ഒക്കെ പറയുമ്പോൾ അവയെല്ലാം ഏറ്റവും സൗമ്യതയുടെയും ശ്രദ്ധയോടെയും കേട്ടിരിക്കുക. അതിപ്പോൾ പരാതിയോ പരിഭവമോ എന്തുതന്നെ ആയിക്കൊള്ളട്ടെ! തന്റെ വിഷമങ്ങളും സന്തോഷവുമെല്ലാം ഒരു ആത്മ മിത്രത്തോട് എന്ന പോലെ നിങ്ങളോട് സംസാരിക്കാനുള്ള സ്വാതന്ത്യം അവർക്കുണ്ട് എന്ന് ബോധ്യപ്പെട്ടാൽ, സംസാരിച്ച് കഴിയുമ്പോൾ കഴിയുമ്പോൾ അവർക്ക് എന്തെന്നില്ലാത്ത ആശ്വാസവും സംതൃപ്തിയുമൊക്കെ ലഭ്യമാകും. അതുകൊണ്ട് എല്ലായിപ്പോഴും നല്ലൊരു കേൾവിക്കാരനോ കേൾവിക്കാരിയോ ആകാൻ ശ്രമിക്കുക.
പങ്കാളി എന്തെങ്കിലും കാര്യങ്ങൾ നിങ്ങളോട് പറഞ്ഞുകൊണ്ടിരിക്കുമ്പോൾ അവയെ അവഗണിക്കുന്ന രീതിയിൽ പെരുമാറുന്നതും ശ്രദ്ധയില്ലാതെ ഇരിക്കുന്നതുമെല്ലാം അവരെ ആഴത്തിൽ വേദനിപ്പിക്കാനും അവരുടെ സന്തോഷം കവർന്നെടുക്കാനും കാരണമായേക്കാം.
Also read: പ്രണയിക്കുന്നവർ തമ്മിൽ ചോദിക്കാൻ പാടില്ലാത്ത കാര്യങ്ങൾ ഇവയാണ്!
അവർ പറയുന്ന ഓരോ ചെറിയ കാര്യങ്ങളും നിങ്ങളിൽ താൽപ്പര്യമില്ലായ്മ ഉണ്ടാക്കുന്നുണ്ട് എന്ന തോന്നൽ അവരെ ചൊടിപ്പിക്കുകയും തമ്മിലുള്ള പരസ്പര ബന്ധത്തിന്റെ ആഴം നഷ്ടപ്പെടാൻ അവസരം ഒരുക്കുകയും ചെയ്തേക്കാം. ഒരു പക്ഷേ നിങ്ങൾ അറിഞ്ഞുകൊണ്ട് ആയിരിക്കില്ല ഇങ്ങനെ ചെയ്യുന്നത്. എങ്കിൽ കൂടി വേണ്ട ശ്രദ്ധ കൊടുത്ത പക്ഷം അവരെ കൂടുതൽ വിഷമിപ്പിച്ചേക്കാൻ നിങ്ങൾ ഒരു കാരണമാവുകയും പങ്കാളിയും നിങ്ങളും തമ്മിലുള്ള ബന്ധത്തിൽ അനിശ്ചിതത്വം കടന്നു വരാനുമൊക്കെ കാരണമായേക്കാം.
2. നിങ്ങളുടെ പദ്ധതികളിൽ അവരെ കൂടി ഉൾപ്പെടുത്തുക
നമ്മുടെ ബന്ധുക്കളോടും കൂട്ടുകാരോടൊപ്പം കുറച്ചു നല്ല സമയം ചെലവിടാൻ ആഗ്രഹിക്കുന്നവരാണ് നമ്മളെല്ലാവരും. ഇത്തരം അവസരങ്ങളിലും അതിനു വേണ്ടിയുള്ള തയ്യാറെടുപ്പുകളിലും എല്ലാം പങ്കാളിയെ ഒഴിച്ചു മാറ്റി നിർത്തുന്നത് സ്വീകാര്യമായ ഒരു നടപടിയല്ല. നിങ്ങൾ നിങ്ങളുടെ പങ്കാളിയെ ഒഴിവാക്കിക്കൊണ്ട് സുഹൃത്തുക്കളോടൊപ്പം പുറത്തുപോകാൻ ആഗ്രഹിക്കുമ്പോൾ, അവർക്കുണ്ടാകുന്ന മാനസിക അവസ്ഥ എന്തായിരിക്കുമെന്ന് എപ്പോഴെങ്കിലും ആലോചിച്ചു നോക്കായിട്ടുണ്ടോ? ഒരു പക്ഷേ ഇത്തരം ഒരു പ്രവൃത്തി പങ്കാളികൾക്ക് ഇടയിൽ ഒരു വലിയ അകൽച്ച തന്നെ സൃഷ്ടിക്കാൻ കാരണമായേക്കാം.
നിങ്ങൾക്ക് അവരോട് ഒന്നും തന്നെ മറച്ചുവയ്ക്കാൻ ഇല്ലെങ്കിൽ, കഴിവതും നിങ്ങളുടെ ഓരോ പദ്ധതികളും അവരുമായി ചർച്ച ചെയ്യാം. അവരുടെ അഭിപ്രായങ്ങൾ ചോദിച്ച് അറിയുകയും അവരുടെ നിർദ്ദേശങ്ങൾ കണക്കിലെടുക്കുകയും ചെയ്യുക. നിങ്ങൾ അവരെ മറ്റുള്ളവരുമായി താരതമ്യപ്പെടുത്തുന്നതും ഏറ്റവും അസഹ്യമായൊരു കാര്യമാണ്.
നിങ്ങൾക്ക് എന്തെങ്കിലും ഒരു പ്രത്യേക കാര്യം ചെയ്യാൻ താല്പര്യമില്ലെങ്കിലോ അല്ലെങ്കിൽ നിങ്ങൾക്ക് ഒരു കാര്യം ഇഷ്ടമല്ലെങ്കിലോ, നിങ്ങളുടെ പങ്കാളിക്കും അതിനോട് താല്പര്യ കുറവ് ഉണ്ടാകണം എന്ന് ചിന്തിക്കുന്നതും വാശി പിടിക്കുന്നതും തെറ്റായ ഒരു പ്രവണതയാണ്. അവർ ആസ്വദിക്കുന്നതും ചെയ്യാൻ ഇഷ്ടപ്പെടുന്നതുമായ കാര്യങ്ങൾ എന്തുതന്നെയായാലും അവർ അത് ചെയ്യട്ടെ. നിങ്ങൾക്ക് ഇഷ്ടമില്ലാത്ത കാര്യമാണ് അതെങ്കിൽ കൂടി അവർക്കായി അല്പം വിട്ടുവീഴ്ച ചെയ്യുന്നത് അവരുടെ ഉള്ളിൽ നിങ്ങൾക്ക് ഉയർന്ന സ്ഥാനം നൽകാൻ സഹായിക്കും. പങ്കാളികൾക്ക് ഇടയിൽ വിട്ടുവീഴ്ച ചെയ്യുന്നു എന്നതിന് അർത്ഥം ഒരാൾ തോറ്റു കൊടുക്കുന്നു എന്നല്ല. അല്ലെങ്കിൽ തന്നെ ഒരു മനസ്സും ശരീരവുമായവരുടെ ഇടയിൽ തോൽവിക്കും വിജയത്തിനുമൊക്കെ എന്ത് സ്ഥാനം! തങ്ങളുടെ കാഴ്ചപ്പാടുകളെ അംഗീകരിക്കാനും കൊച്ചു കൊച്ചു സന്തോഷങ്ങളിൽ അവരോടൊപ്പം പങ്കുകൊള്ളാനും കഴിയുമെങ്കിൽ അതിനേക്കാൾ മികച്ചതായി അവർക്ക് നിൽകാവുന്ന മറ്റൊരു സമ്മാനമില്ല.