Chocolate Day Quotes: ചോക്ക്ലേറ്റ് വാങ്ങിയോ?; മറക്കാതെ നൽകാം ഈ ചോക്ക്ലേറ്റ് ദിനത്തിൽ

ഈ ആഴ്ച പ്രണയിക്കുന്നവരുടേതാണ്. അവരുടേത് മാത്രം. ഓരോ നാളുകളും അവര്‍ക്കായി മാത്രം പിറവിയെടുത്തവ. അവരാൽ ആഘോഷമാക്കപ്പെടുന്ന ദിനങ്ങളാണ് ഓരോന്നും. പ്രണയത്തിന് വിവിധ ഭാവ തലങ്ങൾ കൊടുക്കുന്ന അവരുടെ ദിനങ്ങൾ. ഫെബ്രുവരി മാസം ഏഴാം തീയതിയാണ് പ്രണയിക്കുന്നവരുടെ ആഘോഷങ്ങൾ തുടങ്ങുന്നതെങ്കിലും ഫെബ്രുവരിയുടെ തുടക്കം മുതലേ അവര്‍ തിരക്കിട്ട പണികളിലായിരിക്കും. സ്നേഹിക്കുന്നവരുടെ മനം നിറയ്ക്കാനുള്ള മാര്‍ഗ്ഗങ്ങൾ മെനയുകയാവും അവര്‍. ഫെബ്രുവരി ഒൻപതിന് കമിതാക്കൾക്ക് ചോക്കലേറ്റ് ഡേ ആണ്.


പ്രണയിക്കുന്നവര്‍ പരസ്പരം മധുരം കൈമാറുന്ന ദിനം. പരസ്പരം നൽകുന്ന മധുരം നുണഞ്ഞ് രണ്ട് മനസുകൾ ഒന്നാകുന്ന ദിനം. പ്രണയവും ചോക്ലേറ്റുകളും തമ്മില്‍ എന്നും അസാമാന്യ കെമിസ്ട്രിയുണ്ടെന്നാണല്ലോ വെപ്പ്. അത് തന്നെയാണ് ഇവിടെ പ്രധാനം.


കാമുകി-കാമുകന്‍മാര്‍ പരസ്പരം രുചിയേറുന്ന പ്രണയാര്‍ദ്രമായ ചോക്ലേറ്റുകൾ കൈമാറുന്നത് അവര്‍ ഹൃദയം കൈമാറുന്നതിന് സമമാണ്. പ്രണയ സിനിമകളിലെ നായകന്‍മാര്‍ക്ക് ചോക്ലേറ്റ് പയ്യന്‍സ് എന്ന പേരുപോലും വന്നത് ഇക്കാരണം കൊണ്ട് തന്നെയാണോ എന്നത് ഇന്നും ഒരു ചോദ്യമാണ്.


ചോക്ലേറ്റ് പോലെ മധുരം നിറഞ്ഞ ജീവിതത്തിലെ മോശം സമയങ്ങളെയും രീതികളെയും മാറ്റുമെന്ന പ്രതീക്ഷയാണ് ഈ മധുരം പ്രദാനം ചെയ്യുന്നത്. ചോക്ലേറ്റ് കഴിക്കുമ്പോൾ സിറോടോണിൻ, ഡോപ്പോമിൻ എന്നീ ഹോർമോണുകളാണ് ശരീരം ഉദ്‌പാദിപ്പിക്കുന്നത്. ഇത് നമ്മുടെ ഡിപ്രഷൻ അകറ്റി മനസിന് ശാന്തമായ ഒരു അന്തരീക്ഷവും സന്തോഷവും പ്രദാനം ചെയ്യുന്നു.

ചോക്കലേറ്റ് ദിന സന്ദേശങ്ങൾ

1) നിനക്കുള്ള മികച്ച ചോക്ക്ലേറ്റ് വാങ്ങാനായി ഒരുപാട് കടകൾ കയറിയിറങ്ങി. പക്ഷേ നിന്നെക്കാളും, നിൻ്റെ ചിരിയേക്കാളും മധുരമുള്ള ഒരു ചോക്ക്ലേറ്റും എനിക്ക് കണ്ടെത്താനായില്ല. ഹാപ്പി ചോക്ക്ലേറ്റ് ഡേ.

2) ഹേയ്, ഇന്ന് ചോക്ക്ലേറ്റ് ദിനമാണ്. അതിനാൽ നിനക്ക് ഞാൻ അയക്കുന്നു ചോക്ക്ലേറ്റിൽ മുക്കി സ്നേഹം വിതറിയ ഒരു ആശംസ. നിനക്കെപ്പോഴും പുഞ്ചിരിക്കാൻ സാധിക്കട്ടെ. ഹാപ്പി ചോക്ക്ലേറ്റ് ഡേ 2019

3) ചോക്ക്ലേറ്റ് ബോക്സ് പോലെയാണ് ജീവിതം. അത് നീയുമായി എനിക്ക് പങ്കുവെക്കണം. നിനക്ക് അടുത്തതായി എന്താണ് കിട്ടുക എന്ന് പോലും നിനക്ക് അറിയില്ല. പക്ഷേ അതിൽ എനിക്കും പങ്കാളിയാകണം. ഹാപ്പി ചോക്ക്ലേറ്റ് ഡേ 2019

4) ഇതൊരു ചോക്ക്ലേറ്റ് സന്ദേശമാണ്
ഒരു 'ഫൈവ് സ്റ്റാർ' സുഹൃത്തിന് വേണ്ടി
ഒരു 'മെലഡി' കാരണത്തിന് വേണ്ടി
പിന്നൊരു 'കിറ്റ്കാറ്റ് 'സമയത്ത്
ഒരു 'മഞ്ച്' ദിനത്തിൽ
ഒരു 'പെർക്ക്' മൂഡിൽ
പറയാനുണ്ട്
ഹാപ്പി ചോക്ക്ലേറ്റ് ഡേ

5) ജീവിതം ഒരു ചോക്ക്ലേറ്റ് പെട്ടി പോലെയാണ്
അതിൽ ഓരോ ചോക്ക്ലേറ്റും ജീവിതത്തിലെ ഓരോ ഭാഗങ്ങളാണ്.
ചിലത് ക്രഞ്ചിയാണ്, ചിലത് നട്ടിയാണ്.
ചിലവ വളരെ മൃദുലമാണ്, ചിലതിന് അസാധ്യ രുചിയാണ്
എൻ്റെ പ്രണയത്തിന് ഹാപ്പി ചോക്ക്ലേറ്റ് ഡേ!