ഇന്ന് ലോക സൗഹൃദദിനം; ഹൃദയബന്ധങ്ങളെ ചേ‍ർത്തു പിടിച്ച് മുന്നേറാം

ഇന്ന് ഹൃദയബന്ധങ്ങളെ ചേര്‍ത്ത് പിടിച്ച് മുന്നേറാൻ ലോകം മാറ്റിവച്ചിരിക്കുന്ന ഒരു സുദിനം. ഓഗസ്റ്റ്‌ മാസത്തിലെ ആദ്യത്തെ ഞായറാഴ്ച അന്താരാഷ്ട്ര സൗഹൃദ ദിനമായാണ് ആചരിക്കുന്നത്. 2011 ഏപ്രിൽ 27നു യു.എൻ. ജനറൽ അസ്സംബ്ലിയാണ് അന്താരാഷ്ട്ര സൗഹൃദ ദിനമായി ആചരിക്കാൻ ആഹ്വാനം ചെയ്തത്. അന്നുമുതൽ സൗഹൃദങ്ങള്‍ക്ക് ഒരു ദിനം വന്നു.

ഫ്രണ്ട്ഷിപ്പ് ബാന്‍ഡുകളിലും കൊച്ചു സമ്മാനങ്ങളിലുമായി പലപ്പോഴും സൗഹൃദങ്ങള്‍ ബാഹ്യജാഡകള്‍ക്കുള്ളിലെ മിഥ്യയായി മാറാറുണ്ടെങ്കിലും ജീവനുള്ള സൗഹൃദങ്ങള്‍ മനസ്സില്‍ സൂക്ഷിയ്ക്കുന്ന കൂട്ടുകാര്‍ എന്നുമുണ്ട്. 1958ൽ പരാഗ്വേയിലാണ് ലോകത്ത് ആദ്യമായി സൗഹൃദദിനം ആഘോഷിക്കപ്പെട്ടത്. പിണക്കങ്ങളും പരാതികളും നീക്കി നമുക്കും ഈ സൗഹൃദദിനം ആഘോഷമാക്കാം.

സൗഹൃദദിനം; പ്രമുഖരുടെ അഞ്ച് വാചകങ്ങൾ

''എൻെറ മുന്നിൽ നടക്കരുത്. ഞാൻ നിന്നെ പിന്തുടർന്നെന്ന് വരില്ല. എൻെറ പിന്നാലെയും നടക്കരുത്. ഞാൻ നിന്നെ നയിച്ചെന്ന് വരില്ല. എൻെറ അരികിൽ നടക്കൂ. എൻെറ സുഹൃത്താവൂ'': ആൽബർട്ട് കാമ്യു

''വാക്കുകൾ കാറ്റ് പോലെ എളുപ്പമുള്ളതാണ്. പക്ഷേ വിശ്വസിക്കാവുന്ന ആത്മാർഥ സുഹൃത്തിനെ കണ്ടെത്തുക എന്നത് എളുപ്പമുള്ള കാര്യമല്ല'' : വില്യം ഷേക്സപിയർ

''ഞാൻ എൻെറ ഏറ്റവും നല്ല സുഹൃത്തുക്കൾക്കായി പ്രത്യേകിച്ച് ഒന്നും ചെയ്യാറില്ല. അവർക്ക് വേണ്ടി ഞാൻ എല്ലാം പങ്കുവെക്കാറില്ല. അങ്ങനെ ചെയ്യേണ്ടതില്ലെന്ന് എനിക്കറിയാം. അതല്ല എൻെറ രീതി'': ജെയ്ൻ ഓസ്റ്റൻ

''സത്യസന്ധതയുള്ള ആത്മാർഥതയുള്ള സുഹൃത്തിന് മാത്രമേ നിങ്ങളെ ശത്രുക്കളിൽ നിന്ന് രക്ഷിക്കാനാവൂ'': റിഷേല്ലേ മീഡ്

''നിങ്ങളെ കുറിച്ച് എല്ലാം അറിഞ്ഞിട്ടും നിങ്ങളെ സ്നേഹിക്കുന്നവനായിരിക്കും ആത്മാർഥ സുഹൃത്ത്'': എൽബർട്ട് ഹബ്ബാർഡ്

ചിത്രങ്ങൾ