പങ്കാളിയുടെ കൈ പിടിക്കുന്നതിൽ അറിയാം ബന്ധത്തിൻെറ ആഴം

പ്രണയത്തിലും സ്നേഹബന്ധത്തിലും കൈ ചേർത്ത് പിടിക്കുന്നതിലുമുണ്ട് ചില കാര്യങ്ങൾ. പങ്കാളിയുടെ കൈ പിടിക്കുന്നതിൽ സ്നേഹബന്ധത്തിൻെറ ആഴമറിയാം. ബന്ധത്തിൽ നിങ്ങൾക്കുള്ള ആത്മാർഥത ഇങ്ങനെയും മനസ്സിലാക്കുന്നവരുണ്ട്. അതിനാൽ ഇക്കാര്യവും ഒന്ന് സൂക്ഷിച്ചോളൂ.

പങ്കാളിയുടെ കൈ പിടിക്കുമ്പോൾ എന്ത് കൊണ്ട് ശ്രദ്ധിക്കണം ?

കൈ പിടിക്കുന്നതും നിങ്ങളുടെ മന:ശാസ്ത്രവും തമ്മിൽ വളരെയേറെ ബന്ധമുണ്ടെന്നാണ് പഠനങ്ങൾ സൂചിപ്പിക്കുന്നത്. അത് കൊണ്ട് തന്നെ നിങ്ങൾ കൈ ചേർത്ത് പിടിക്കുന്നതിലൂടെ ബന്ധത്തിൽ നിങ്ങളുടെ ആത്മാർഥത എത്രയുണ്ടെന്ന് മനസ്സിലാക്കാം.

ഒരു വിരൽ ചേർത്ത് പിടിക്കുമ്പോൾ

സ്നേഹബന്ധത്തിൻെറ തുടക്കത്തിലാണ് ഒരു വിരൽ ചേർത്ത് പിടിക്കുന്നത്. നിങ്ങൾ പ്രണയം തുടങ്ങിയിട്ട് അധികകാലം ആയിട്ടില്ലെന്നാണ് ഇത് സൂചിപ്പിക്കുന്നത്. നിങ്ങളും പങ്കാളിയും തമ്മിലുള്ള ബന്ധം ഇനിയും ഒരുപാട് മുന്നോട്ട് പോവാനുണ്ടെന്നാണ് ഇത് വ്യക്തമാക്കുന്നത്.

കൈകൾ വളരെ സാവധാനം ചേർത്ത് പിടിക്കുന്നതിൻെറ അർഥം

വളരെ അപ്രതീക്ഷിതമായി നിങ്ങളുടെ പങ്കാളി കൈകൾ ചേർത്ത് പിടിക്കാറുണ്ടോ ? സാവധാനം ആയിരിക്കും ആ സമയത്ത് കൈ പിടിക്കുക. പങ്കാളിക്ക് നിങ്ങളോട് അൽപം സഹതാപം കൂടുതലാണെന്നാണ് ഇത് തെളിയിക്കുന്നത്. നിങ്ങൾക്കിടയിൽ പ്രണയത്തേക്കാൾ കൂടുതൽ സൗഹൃദത്തിൻെറ ഊഷ്മളതയാണ് ഉള്ളതെന്ന് ഇത് സൂചിപ്പിക്കുന്നു.

വിരലുകളെല്ലാം വിരലുകളോട് ചേർത്ത് പിടിക്കുന്നതിലുമുണ്ട് കാര്യങ്ങൾ

കൈകൾ പിടിക്കുമ്പോൾ വിരലുകളെല്ലാം വിരലുകളോട് ചേർത്ത് പിടിക്കുന്നവരാണ് പല കാമുകീ കാമുകൻമാരും. ആരോഗ്യകരമായ ഏറെ അടുപ്പമുള്ളവരാണ് ഇങ്ങനെ ചെയ്യുന്നത്. ബന്ധത്തിൽ അത്രയേറെ ആത്മാർഥതയും സ്നേഹവും ഉണ്ടെന്ന് തന്നെയാണ് ഇത് സൂചിപ്പിക്കുന്നതെന്ന് പഠനങ്ങൾ പറയുന്നു.

കെട്ടുപിണച്ച് കൈകൾ പിടിക്കുന്നതിലെ മന:ശാസ്ത്രം

നിങ്ങളുടെ കാമുകി/കാമുകൻ ഇരുകൈകളും കെട്ടുപിണച്ച് ചേർത്ത് പിടിക്കുന്നുണ്ടോ ? എങ്കിൽ ഉറപ്പിച്ചോളൂ നിങ്ങൾ തമ്മിലുള്ള അപാര സ്നേഹത്തിൻെറ അടയാളമാണിത്. ശാരീരികമായി മാത്രമുള്ള ആകർഷണമല്ല ഇത്തരക്കാർ തമ്മിലുള്ളത്. മാനസികമായി വലിയ അടുപ്പം തന്നെ ഉള്ളവരാണ് ഇത്തരത്തിൽ കൈകൾ കെട്ടുപിണച്ച് ചേർത്ത് പിടിക്കുന്നത്.

ഇരു കൈകളും കൊണ്ട് കൈ ചേർത്ത് വെക്കുമ്പോൾ


ഇരു കൈകളും കൊണ്ട് കൈ ചേർത്ത് വെക്കുന്നവർ പരസ്പരം ഏറെ സപ്പോർട്ട് നൽകുന്നവരാണ്. ഒരാൾക്ക് മറ്റൊരാളിലുള്ള വിശ്വാസമാണ് ഇത് സൂചിപ്പിക്കുന്നത്.