മറ്റുള്ളവരുടെ മുന്നില് വച്ചു ഭാര്യയുടെ കുറ്റം പറയരുതെന്നത്
ഇതല്ലാതെ ദാമ്പത്യത്തില് പ്രധാനപ്പെട്ട മറ്റു ചില കാര്യങ്ങളുണ്ട്. ഇതിലൊന്നാണ് ഒരിക്കലും ചെയ്യരുതാത്ത ചില കാര്യങ്ങള്. ഇതില് ഭാര്യയ്ക്കും ഭര്ത്താവിനും അരുതുകളുണ്ട്. ഭര്ത്താവിന്റെ കാര്യമെടുക്കാം. ഒരു ദാമ്പത്യത്തില് യാതൊരു കാരണവശാലും ഒരു ഭര്ത്താവ് ചെയ്യാന് പാടില്ലാത്ത പ്രധാനപ്പെട്ട അഞ്ചു കാര്യങ്ങളുണ്ട്. ഇതില് ഒന്നാണ് മറ്റുള്ളവരുടെ മുന്നില് വച്ചു ഭാര്യയുടെ കുറ്റം പറയരുതെന്നത്. ഭാര്യയ്ക്കു കുറ്റവും കുറവുമുണ്ടാകാം. ഇതു തനിച്ചുള്ളപ്പോള് ചൂണ്ടിക്കാട്ടാം. അല്ലാതെ യാതൊരു കാരണവശാലും മറ്റുള്ളവരുടെ മുന്നില് വച്ചു ഭാര്യയെ വിമര്ശിയ്ക്കുകയോ പരിഹസിയ്ക്കുകയോ കളിയാക്കുകയോ അരുത്. ഇത് അവളുടെ ആത്മാഭിമാനത്തിനു മുറിവേല്പ്പിയ്ക്കുന്ന ഒന്നാണ്.
ഇതുപോലെയാണ് താരതമ്യം
ഇതുപോലെയാണ് താരതമ്യം. ഭാര്യയെ, ഭാര്യ ചെയ്യുന്ന കാര്യങ്ങളെ മറ്റുള്ളവരുമായി താരതമ്യം ചെയ്യരുത്. ഉദാഹരണമായി ഭാര്യയൊരു കറിയുണ്ടാക്കിയാല് ഇതിങ്ങനെയെല്ല, അമ്മയുണ്ടാക്കിയതിന് കൂടുതല് രുചിയുണ്ടായിരുന്നു എന്നതു പോലെയുള്ള കാര്യങ്ങള്. ഇതിപ്പോള് സ്വന്തം അമ്മയുമായിട്ടായാലും മറ്റുള്ള സ്ത്രീകളായിട്ടായാലും താരതമ്യം ഒരു സ്ത്രീകളും ഇഷ്ടപ്പെടില്ല. പ്രത്യേകിച്ചും താഴ്ത്തിപ്പറയുവാനാണെങ്കില്. ഇത് ദാമ്പത്യത്തില് ഭര്ത്താവ് ഒഴിവാക്കേണ്ട ഒന്നാണ്.
പുകഴ്ത്തിപ്പറയുന്നത്
മറ്റൊന്നാണ് ഭാര്യയുടെ മുന്നില് വച്ചു മറ്റു സ്ത്രീകളെ പുകഴ്ത്തിപ്പറയുന്നത്. ഇത് ടിവിയിലെ ഒരു നടിയെക്കുറിച്ചാണെങ്കില് പോലും. പൊതുവേ സ്ത്രീകള് ഇഷ്ടപ്പെടാത്ത കാര്യമാണിത്. അന്യ സ്ത്രീകളെ ഭര്ത്താവ് ഭാര്യയുടെ മുന്നില് വച്ചു പുകഴ്ത്തിപ്പറയുന്നത് തങ്ങളെ പോരാഞ്ഞിട്ടാണെന്ന തോന്നലുണ്ടാക്കാന്, ഇതു പോലെയുള്ള സ്ത്രീയേയാണ് ഭര്ത്താവ് ആഗ്രഹിച്ചതെന്ന തോന്നലുണ്ടാക്കാന് കാരണമാകും. ഇത്തരം ശീലം, ഇത്തരം കാര്യം ഭര്ത്താവ് ദാമ്പത്യത്തില് ഒഴിവാക്കുന്നതാണ് കല്ലുകടികള് ഒഴിവാക്കാന് നല്ലത്.
ഭാര്യയുടെ ബന്ധുക്കളെ
ഇതുപോലെയാണ് ഭാര്യയുടെ ബന്ധുക്കളെ ഭാര്യയുടെ മുന്നില് വച്ചു മറ്റുള്ളവരോടോ അല്ലെങ്കില് ഭാര്യയോടോ തന്നെ കുററം പറയുന്ന രീതി. സ്വന്തം ബന്ധുജനങ്ങളെ, ഇത് കുറ്റമുണ്ടെങ്കില് തന്നെ പറയുന്നത് ഭാര്യമാര് ഇഷ്ടപ്പെടില്ല. ഇതൊഴിവാക്കുക. ഭര്ത്താവ് കരുതും, താനും ഭാര്യയും ഒരു കുടംബമല്ലേ, പിന്നെ കുറ്റം കണ്ടാല് പറഞ്ഞാല് എന്താണെന്നത്. എന്നാല് സ്വന്തം കുടുംബാംഗങ്ങളെ ഭര്ത്താവ് കുറ്റപ്പെടുത്തുന്നത് ഭാര്യമാര്ക്കു പൊതുവേ ഇഷ്ടമില്ലാത്ത കാര്യമാണ്. മുടി രാത്രിയില് കെട്ടി വച്ചാലോ അഴിച്ചിട്ടാലോ വളരുക?
ഭാര്യയോട് കണക്കു പറയുന്നത്
മറ്റൊന്നാണ് ഭാര്യയോട് കണക്കു പറയുന്നത്. അതായത് അവള്ക്കായി ചെയ്തു കൊടുത്ത കാര്യങ്ങള്. ഞാന് ഇതു ചെയ്തില്ലേ, അതു ചെയ്തില്ലേ, ഇത്ര ചെലവാക്കിയില്ലേ നിനക്കായി തുടങ്ങിയ കാര്യങ്ങള്. പൊതുവേ ജോലിയ്ക്കു പോകാന് കഴിവുണ്ടെങ്കില് പോലും കുടുംബത്തിനായി ജോലിയുപേക്ഷിയ്ക്കുന്നതില് സ്ത്രീകള് തന്നെയാണ് മുന്പന്തിയില്. അപ്പോള് സ്വാഭാവികമായും കുടുംബത്തിനു വേണ്ടി സ്വന്തം വരുമാനം വേണ്ടെന്നു വയ്ക്കുന്ന സ്ത്രീയ്ക്കായി ചെലവാക്കുകയെന്നത് ഭര്ത്താവിന്റെ കടമ തന്നെയാണ്. ഇതില് കണക്കു പറഞ്ഞാല് ആ ചെയ്തു കൊടുത്തതിനു പോലും വിലയില്ലാതാക്കുന്ന പ്രവൃത്തിയാണെന്നു തിരിച്ചറിയുക. Also read: ചിരട്ട വെന്ത വെളളം മൂത്ത പ്രമേഹവും കുറയ്ക്കും