ബോസ്സിനൊപ്പം സെക്സ്: ഡിലമ്മയില്‍ നിന്ന് രക്ഷ നേടാം

കോര്‍പ്പറേറ്റ് ലോകത്ത് ഓഫ് സൈറ്റ് മീറ്റിങ്ങുകളും ഒഫീഷ്യല്‍ ടൂറുകളുമെല്ലാം ഒഴിച്ചു കൂടാനാവാത്തതാണ്. വിദൂരമായ സ്ഥലത്ത് മറ്റൊരാളോടൊപ്പം അടുത്ത് ഇടപഴകുന്നതും പരസ്പരം പല കാര്യങ്ങളും പങ്കു വെയ്ക്കുന്നതും ചിലപ്പോഴെല്ലാം ലൈംഗീക ബന്ധത്തിലേക്ക് വഴി തുറക്കാറുണ്ട്. പ്രത്യേകിച്ച് സ്വന്തം മേലധികാരികളില്‍ നിന്നാവുമ്പോൾ അതിനെ എങ്ങനെ അഭിമുഖീകരിക്കണം എന്നതും സങ്കീര്‍ണമാകുന്നു.

മേലധികാരിയുമായി പൂര്‍ണ സമ്മതത്തോടെ സെക്സില്‍ ഏര്‍പ്പെടുകയും എന്നാല്‍ പിന്നീട് വേണ്ടായിരുന്നു എന്നു കരുതുകയും ചെയ്യുന്നവരുമുണ്ട്. എന്നാല്‍ അത് ബോസ്സിനെ എങ്ങനെ അറിയിക്കും, ജോലി നഷ്ടപ്പെടുമോ എന്നിങ്ങനെയുള്ള ആശങ്കകളും ഗൗരവമേറിയതാണ്. അത്തരം സാഹചര്യങ്ങളെ എങ്ങനെ നേരിടാമെന്ന് നിര്‍ദ്ദേശിക്കുകയാണ് പ്രമുഖ ക്ലിനിക്കല്‍ സൈക്കോളജിസ്റ്റായ സീമ ഹിംഗോറനി.

ബോസ്സിനോട് തുറന്നു സംസാരിക്കുകയാണ് വേണ്ടത്. എന്നാല്‍ അയാളെ അവരെ കുറ്റപ്പെടുത്തി സംസാരിക്കരുത്. എന്തെന്നാല്‍ നിങ്ങളുടെ സമ്മതത്തോടെയാണ് അത് സംഭവിച്ചത്. അതിനാല്‍ത്തന്നെ ഒരാളെ മാത്രം പഴി ചാരുന്നത് തികച്ചും സ്വാര്‍ത്ഥതയാണ്. അന്ന് അങ്ങനെ സംഭവിച്ചുവെങ്കിലും വേണ്ടിയിരുന്നില്ല എന്ന് പിന്നീട് കുറ്റബോധം തോന്നുന്നു എന്ന തുറന്നു പറയുക. ഇനി അങ്ങനെ ഒരു ബന്ധത്തിന് പെട്ടെന്ന് എന്തായാലും നിങ്ങളെക്കൊണ്ട് സാധിക്കില്ല എന്നു പറയുക. സാധാരണ ഗതിയില്‍ അത് മനസ്സിലാക്കി പെരുമാറാന്‍ സഹപ്രവര്‍ത്തകന് കഴിയും.


എന്നാല്‍ ഇക്കാര്യം ഒരിക്കലും മറ്റ് സഹപ്രവര്‍ത്തകരുമായി പങ്കുവെയ്ക്കാതിരിക്കാന്‍ ശ്രദ്ധിക്കുക. നിങ്ങളുടെ ജോലിയെ ബാധിക്കാന്‍ അത് കാരണമായേക്കാം. എന്നാല്‍ തുറന്നു സംസാരിക്കുന്നത് ഗുണം ചെയ്യുന്നില്ലെങ്കിലോ മനപ്രയാസത്തില്‍ നിന്ന് കരകയറാനാവുന്നില്ലെങ്കിലോ സൈക്കോളജിസ്റ്റിന്‍റെ സഹായം തേടുക തന്നെ ചെയ്യണം.

I slept with my boss. How should I deal with this?
Many women go through feelings of guilt, self-blame and heightened anxiety about how they will handle such situations in the future