ഫ്രണ്ടില്‍ നിന്ന് ബെസ്റ്റ് ഫ്രണ്ടിലേക്ക് ദൂരമേറെയുണ്ട്

എല്ലാ ഫ്രണ്ട്സും ബെസ്റ്റ് ഫ്രണ്ട്സ് ആവില്ല. എന്നാല്‍ ചിലപ്പോഴെല്ലാം നമ്മുടെ സുഹൃത്തിനുള്ളിലെ ആ ബെസ്റ്റ് ഫ്രണ്ടിനെ നമ്മള്‍ കാണാതെ പോയേക്കാം. ഇവ വായിച്ചു നോക്കൂ. വായിക്കുമ്പോഴും വായിച്ച് അവസാനിപ്പിക്കുമ്പോഴും നിങ്ങളുടെ മനസ്സില് ആരെങ്കിലും കടന്നു വരുന്നുണ്ടെങ്കില്‍, സംശയിക്കേണ്ട. അവര്‍ തന്നെയാണ് നിങ്ങളുടെ ബെസ്റ്റ് ഫ്രണ്ട്.

*നിങ്ങള്‍ നിങ്ങളാകുന്നു:

പലപ്പോഴും മറ്റുള്ളവരുടെ മുന്നില്‍ നമ്മള്‍ അഭിനയിക്കുകയാണ്. അല്ലെങ്കില്‍ മനപൂര്‍വം പെരുമാറുകയാണ്. എന്നാല് ഈ സുഹൃത്തിനൊപ്പം നമ്മള്‍ നമ്മുടെ തനി സ്വരൂപം പുറത്തെടുക്കും. നല്ല സ്വഭാവം മാത്രമല്ല, അസൂയ, കുശുമ്പ്, ഈഗോ എന്നിവയെല്ലാം നമ്മള്‍ ഇവരുമായി പങ്കുവെയ്ക്കും. കാരണം ഇവര്‍ നമ്മളെ ഒരിക്കലും മോശമായി വിലയിരുത്തുകയില്ല എന്ന് നമുക്ക് ഉറപ്പുണ്ട്.

*വിമര്‍ശിക്കാം ധൈര്യമായി:

സുഹൃത്തിന്‍റെ കാഴ്ച്ചപ്പാടിനോടോ നിലപാടുകളോടോ രാഷ്ട്രീയത്തോടോ വ്യക്തിപരമായ തീരുമാനങ്ങളോടോ യോജിക്കാന്‍ കഴിയുന്നില്ല എങ്കില്‍ മിക്കവാറും പേരോടും നമ്മള്‍ മറച്ചു വെയ്ക്കുകയാണ് പതിവ്. എന്നാല്‍ ചിലരോട് നമ്മള്‍ അത് തുറന്നു പറയും. കാരണം അവര്‍ അതിനെ അതേ സെന്‍സിലെടുക്കും എന്ന് നമുക്കറിയാം.

*മണിക്കൂറുകളോളം സംസാരിക്കാം:

പ്രത്യേകിച്ച് വിഷയങ്ങളൊന്നുമില്ലെങ്കില്‍ പോലും ഇവരോട് മണിക്കൂറുകളോളം സംസാരിച്ചിരിക്കാന്‍ കഴിയും. ഒരല്‍പ്പം പോലും ബോറടിക്കാതെ.

*നിശബ്ദതയും വാചാലം:

ഒന്നും പറയാതെ മണിക്കൂറുകളോളം അടുത്തിരിക്കാനും അതില്‍ സമാധാനം കണ്ടെത്താനും കഴിയും. പറയാതെ പറയുന്ന വികാരങ്ങള്‍ മനസ്സിലാക്കാന്‍ കഴിയുന്നവരുമുണ്ട് ഇത്തരത്തില്‍.

*പരസ്പരം അഭിമാനിക്കുമ്പോള്‍:

സുഹൃത്തിന്‍റെ ജീവിതത്തില് എന്തെങ്കിലും നല്ല കാര്യം സംഭവിക്കുമ്പോള്‍ മനസ്സാ നിങ്ങള്‍ സന്തോഷിക്കുന്നുണ്ടോ. അവരുടെയും നിങ്ങളുടെയും സങ്കടങ്ങള്‍ പരസ്പരം ഉള്ളില്‍ തട്ടുന്നുണ്ടോ. എങ്കില്‍ വിട്ടുകളയരുത് ആ സുഹൃത്തിനെ.




*ഫുള്‍ പാക്കേജ്:

അവര്‍ക്ക് നിങ്ങളെ മാത്രമല്ല, നിങ്ങളുടെ ഫുള്‍ ഫാമിലിയെയും നന്നായറിയാം. ബന്ധുക്കളുടെ നെഗറ്റീവുകളും വീട്ടിലെ പ്രശ്നങ്ങളും സന്തോഷങ്ങളും എല്ലാം അറിയാം. പ്രശ്നങ്ങള്‍ പറയാതെ തന്നെ അവര്‍ മനസ്സിലാക്കുകയും ചെയ്യും.



*കുറിക്ക് കൊള്ളുന്ന ഉപദേശങ്ങള്‍:

പ്രശ്നമേതുമായിക്കോട്ടെ, നിങ്ങള്‍ക്ക് വേണ്ട ഉപദേശം കൃത്യമായി നല്‍കാനും അവര്‍ക്ക് കഴിയും. നിങ്ങളുടെ നെഗറ്റീവ്സും പോസിറ്റീവ്സും നന്നായറിയാം ഇവര്‍ക്ക്.

*കേട്ടില്ലെങ്കിലും നോ പ്രോബ്ലം:

പറയാനുള്ളത് പറയും എന്നാല്‍ നിങ്ങള്‍ അതിന്‍റെ നേരെ വിപരീതമാണ് ചെയ്യുന്നതെങ്കിലും നിങ്ങളുടെ കൂടെ നില്‍ക്കും. അതു തന്നെയാണ് ബെസ്റ്റ് ഫ്രണ്ട്.



*എന്നും കാണുന്നവര്‍ മാത്രമല്ല:

എന്നും കാണുകയും വിളിക്കുകയും സംസാരിക്കുകയും ചെയ്യുന്നവര്‍ മാത്രമല്ല സുഹൃത്തുക്കള്‍. ആഴ്ച്ചകളോ മാസങ്ങളോ ചിലപ്പോള്‍ ഒരു കോണ്‍ടാക്റ്റും ഉണ്ടാവില്ല. എന്നാല്‍ ഏത് ആവശ്യത്തിനും ഓടിയെത്തുകയും മാസങ്ങള്‍ക്ക് ശേഷം കാണുകയാണെങ്കിലും പത്തു മിനുട്ട് മുമ്പ് കണ്ടതുപോലെ തോന്നിക്കുകയും ചെയ്യും.

ഇത്രയും വായിച്ചപ്പോള്‍ മനസ്സിലേക്ക് ഒരു സുഹൃത്തിന്‍റെ മുഖം കടന്നു വന്നില്ലേ.. അതു തന്നെയാണ് നിങ്ങളുടെ ബെസ്റ്റ്ഫ്രണ്ട്.