പരീക്ഷയ്ക്ക് തോറ്റു, കാമുകിയോട് നഷ്ടപരിഹാരം ആവശ്യപ്പെട്ട് കാമുകൻ

ഔറംഗാബാദ്: പരീക്ഷയിൽ പരാജയപ്പെട്ടതിന് കാമുകിയോട് നഷ്ട പരിഹാരം ആവശ്യപ്പെട്ട് യുവാവ്. മഹാരാഷ്ട്ര ഔറംഗാബാദ് സ്വദേശിയായ യുവാവാണ് പരീക്ഷയിൽ പരാജയപ്പെട്ടത്. പരീക്ഷാക്കാലത്ത് തന്നെ ശല്യം ചെയ്തതിനാലാണ് പരീക്ഷയിൽ പരാജയപ്പെട്ടതെന്ന് കാണിച്ച് ഇയാൾ കാമുകിയെ ഭീഷണിപ്പെടുത്തിയിരുന്നു. പണം തട്ടാനായി ഭീഷണിപ്പെടുത്തിയെന്ന് കുറ്റത്തിന് യുവാവ് അറസ്റ്റിലുമാണ്. ഹോമിയോപ്പതിക് മെഡിസിൻ ഒന്നാം വ‍ർഷം വിദ്യാ‍ർഥിയുടെ സഹപാഠിയാണ് പെൺകുട്ടിയും. പാഴായ തൻ്റെ ഒന്നാം വ‍ർഷത്തെ ഫീസ് തരാൻ ആവശ്യപ്പെട്ട് ഇയാൾ പെൺകുട്ടിയെ ഭീഷണിപ്പെടുത്തുകയായിരുന്നു.

സോഷ്യൽ മീഡിയ വഴി ചിത്രങ്ങൾ പ്രചരിപ്പിക്കുമെന്നായിരുന്നു ഭീഷണി. ഇതിനെത്തുടർന്ന് യുവതി പോലീസിൽ പരാതിപ്പെടുകയുമായിരുന്നു