പല തരത്തിലെ ചുംബങ്ങളുമുണ്ട്. നല്ല നാടന് ഉമ്മ മുതല് ഫ്രഞ്ച് കിസ് വരെ. ചുംബനത്തില് സംസ്കാരം നോക്കുന്നവരുണ്ട്, കാടന് രീതികള് അവലംബിയ്ക്കുന്നവരുമുണ്ട്.
ഒരു വാക്കു പോലും ഉരിയാടാതെ
ഒരു വാക്കു പോലും ഉരിയാടാതെ ഒരായിരം അര്ത്ഥങ്ങള് പകര്ന്നു കൊടുക്കുവാന് കഴിയുന്ന ഒന്നാണ് ചുംബനം. വിവിധ തരം ചുംബനങ്ങളുടെ അര്ത്ഥവും അര്ത്ഥ വ്യപ്തിയും നിസാരമല്ല. നിങ്ങളെ ചുംബിയ്ക്കുന്ന ഒരാളുടെ ചുംബന രീതിയില് നിന്നും ആ മനസറിയാം. മനസിലെ മോഹങ്ങളറിയാം. മനസിലെ വികാരം വെളിപ്പെടുത്തുവാനുള്ള പ്രധാനപ്പെട്ടൊരു വഴി കൂടിയാണിത്.
ഫ്രഞ്ച് കിസ്
ഫ്രഞ്ച് കിസ് പരസ്പരം നുകരുന്ന ചുംബനമെന്നു പറയാം. ചുണ്ടിലെ ചുംബനം തന്നെ വേറൊരു തലത്തില് എന്നു പറയാം.ചുംബനത്തില് തന്നെ ഏറ്റവും തീവ്രതയുള്ള ഒന്ന്. മോഡേണ് ചുംബനമെന്ന ഒരു വാക്കു കൂടിയുണ്ട്, ഇതിന്.
ചുണ്ടുകളും നാവും ഉള്പ്പെടുന്നു. ശാരീരിക അടുപ്പത്തിലേയ്ക്കു വഴി തെളിയ്ക്കാവുന്ന ഒന്ന്.
കവിളിലെ ചുംബനം
കവിളിലെ ചുംബനം ഇത് നല്കുന്നയാളെയും ലഭിയ്ക്കുന്നയാളെയും ആശ്രയിച്ചിരിയ്ക്കും. വാല്സല്യം, കരുതല്, സ്നേഹപ്രകടനം എന്നിങ്ങളെ ആശ്രയിച്ചിരിയ്ക്കും ഇത്.എന്നിങ്ങനെ പല ഭാഷ്യങ്ങളുണ്ട്, ഈ ചുംബന രീതിയ്ക്ക്.
നെറ്റിയിലെ ചുംബനം
നെറ്റിയിലെ ചുംബനം കരുതല്, വാല്സല്യം ,സാന്ത്വനം എന്നിവ കാണിയ്ക്കുന്ന ഒന്നാണ്. മറ്റെയാളെ അംഗീകരിയ്ക്കുന്നു എന്ന രീതിയിലും ഇതു പെടുന്നു.
Also read: യോനീവേദന നിസാരമാക്കരുത്, കാരണം
ചുംബനത്തിന്റെ ദീര്ഘമായ ഭാഷയാണ് ചുണ്ടിലെ ചുംബനം
ചുംബനത്തിന്റെ ദീര്ഘമായ ഭാഷയാണ് ചുണ്ടിലെ ചുംബനം. അടുപ്പമേറെ വര്ദ്ധിപ്പിയ്ക്കുന്ന, അടുപ്പമുള്ള ചുംബനമെന്നു പറയാം. കമിതാക്കളോ ദമ്പതിമാരോ മാത്രം അനുവര്ത്തിയ്ക്കുന്ന ചുംബന രീതി. ചുണ്ടില് ചുംബിയ്ക്കുമ്പോള് കണ്ണുകളടയക്കുമെന്നതാണ് പൊതുവായ പ്രമാണം. കണ്ണു തുറന്നുള്ള ഇത്തരം ചുംബനം ചുംബിയ്ക്കുമ്പോള് ഒരാള് മറ്റേയാളെ നിരീക്ഷിയ്ക്കുന്നുവെന്നാണ് കാണിയ്ക്കുന്നത്.
എയര് കിസ്
എയര് കിസ് നിങ്ങളുടെ കവിളിനോ ചെവിയ്ക്കോ അടുത്തു വന്ന് സ്പര്ശിയ്ക്കാതെ തന്നെ ചുംബനസ്വരം പുറപ്പെടുവിയ്ക്കുന്നതാണ് എന്നറിയപ്പെടുന്നത്. ഇത് അധികം അടുപ്പം കാണിയ്ക്കുന്ന ഒന്നല്ല. ചുംബനമില്ലാതെ ചുംബനം സൂചിപ്പിയ്ക്കുന്ന ഒന്നാണിത്.
ചെവിയ്ക്കു പുറകിലെ ചുംബനം
ചെവിയ്ക്കു പുറകിലെ ചുംബനം, ഇയര്ലോബ് കിസ് എന്നറിയപ്പെടുന്ന ഇത്തരം ചുംബനം നിങ്ങള് ശാരീരിക അടുപ്പത്തിന് തയ്യാറാണെന്നു സൂചിപ്പിയ്ക്കുന്ന ഒന്നാണ്.സ്ത്രീയേയും പുരുഷനേയും വികാരം കൊള്ളിയ്ക്കുവാന് സാധിയ്ക്കുന്ന ഒരു ചുംബന രീതിയാണിത്.
പങ്കാളിയുടെ കഴുത്തില് ചുംബിയ്ക്കുന്നവരുണ്ട്
പങ്കാളിയുടെ കഴുത്തില് ചുംബിയ്ക്കുന്നവരുണ്ട് .പങ്കാളിയുടെ കഴുത്തില് നല്കുന്ന ദീര്ഘമായ ചുംബനം വാംപയര് ചുംബനമെന്ന് അറിയപ്പെടുന്നു. സ്നേഹത്തോടെ നല്കുന്ന ചുംബനത്തിനൊപ്പം ചെറിയൊരു കടിയും കൂടി നല്കുന്ന ഈ ചുംബനത്തില് നിങ്ങളുടെ ശാരീരിക താല്പര്യം കാണിയ്ക്കുന്ന ഒന്നു കൂടിയാണ്.
കയ്യില് ചുംബിയ്ക്കുന്നത് കരുതല്, ദയ, ബഹുമാനം എന്നിവ തെളിയ്ക്കുന്ന ഒന്നാണ്. ഒഫീഷ്യല് ചുംബനം എന്ന ഗണത്തില് പെടുത്താവുന്ന ഒന്ന്. ഒരുപാടു സ്വാതന്ത്ര്യം ഇല്ലാത്തൊരു ചുംബനം കൂടിയാണ്.