നിങ്ങളുടെ പ്രണയം നീണ്ടു നിൽക്കുമോ എന്നറിയണമെന്നുണ്ടോ?

പ്രണയം എല്ലാവ‍ർക്കും ആവേശകരമായ കാലഘട്ടമാണ്. എന്നാൽ വളരെ കുറഞ്ഞ നാളത്തേക്കുള്ള പ്രണയമാണ് അധികവും. മിക്കവരും ബ്രേക്കപ്പിൻ്റെ പാതയിലേക്കാണ് നീങ്ങുക. ബ്രേക്കപ്പ് എപ്പോഴും ഒരാളുടെ വേദനയാണ്. എന്നാൽ അധികം വേദനിക്കാതെ തന്നെ പ്രണയിതാവ് തന്നെ സ്നേഹിക്കുന്നുണ്ടോ, തങ്ങളുടെ ബന്ധം ശാശ്വതമായി നില നിൽക്കുമോ എന്നെല്ലാം അറിയാം

കൂട്ടുകാരുടെയും വീട്ടുകാരുടെയും ഒപ്പം സമയം ചിലവഴിക്കുന്നതിൻ്റെ പകുതി സമയം പോലും നിങ്ങൾ പങ്കാളിക്കൊപ്പമാകാൻ ആഗ്രഹിക്കുന്നില്ലെങ്കിൽ പങ്കാളിയോടുള്ള വിരക്തി കൊണ്ടാകാം.

പങ്കാളിയുടെ ഫോൺ ഇടക്ക് ചെക്ക് ചെയ്യാറുണ്ടോ അതും നിങ്ങൾക്ക് ആ ബന്ധത്തിൽ നിന്നും പുറത്ത് കടക്കാറായെന്നാണ സൂചിപ്പിക്കുന്നത്. സംശയ രോഗം ബന്ധം ഇല്ലാതാക്കുന്ന ഒരു ഘ്ടകമാണ്. പങ്കാളിയുടെ വികാരങ്ങളും വിചാരങ്ങളും മനസ്സിലാക്കാനും സാന്ത്വനിപ്പിക്കാനും ഒരു വിശാല ഹൃദയമുണ്ടെന്ന് ഉറപ്പുണ്ടെങ്കില്‍ മാത്രമേ പ്രണയിക്കാവൂ.

പങ്കാളിയുടെ കോളുകളോ മെസ്സേജുകളോ നിങ്ങളെ പഴയ പോലെ ആവേശം കൊള്ളിക്കില്ല. അതിനു വേണ്ടി കാത്തിരുന്ന നിങ്ങള്‍ ഇപ്പോഴത്തെ നിങ്ങളില്‍ നിന്നും വളരെ ദൂരെയാണെന്നു മനസിലാക്കാം. ഒരുമിച്ച് ചെയ്ത പല രസകരമായ കാര്യങ്ങള്‍ പോലും ഇന്ന് നിങ്ങള്‍ ഓര്‍ക്കാനിഷ്ടപ്പെടാത്ത കാര്യങ്ങളായി മാറും. ഇവള്‍ക്ക് പെട്ടന്ന് എന്ത് പറ്റി, എന്താണിങ്ങനെ എന്ന് ചിന്തിച്ച് തുടങ്ങുന്നിടത്ത് പൊരുത്തക്കേടുകളും തുടങ്ങുകയായി.