പ്രണയിച്ച് തുടങ്ങാം, പക്ഷെ ഈ കാര്യങ്ങൾ ചെയ്യരുത്!

രണ്ടുപേർ തമ്മിലുള്ള ഏറ്റവും പ്രധാനവും സന്തോഷകരവുമായ നിമിഷങ്ങളിൽ ഒന്നാണ് പ്രണയ ജീവിതം. മാത്രമല്ല ജീവിതത്തിലേക്ക് മറ്റൊരാൾ കടന്നു വരുന്ന ഏറ്റവും സന്തോഷകരമായ മുഹൂർത്തമാണ് വിവാഹം. പ്രണയമായാലും ലിവിങ് റിലേഷനായാലും ഇതുതന്നെയാണ് സംഭവിക്കുന്നത്. നിങ്ങളുടെ നല്ല നിമിഷങ്ങൾ രണ്ടു പേർ തമ്മിൽ ഒപ്പം ആഘോഷിച്ച് നടക്കുന്ന കാലഘട്ടം. നിങ്ങൾ ഒറ്റക്കല്ലെന്നും സന്തോഷവും ദുഖവും പങ്കുവെക്കാൻ ഒരാൾ കൂടിയുണ്ടെന്നും പറയുന്ന നിമിഷം. എത്ര സുന്ദരമാണ് അല്ലെ?

നാളുകളോളം ഒറ്റപ്പെട്ടായിരിക്കും നിങ്ങൾ ജീവിച്ചിരുന്നത്. അങ്ങനെയുള്ള അവസരങ്ങളിലാണ് നിങ്ങളെ പ്രണയം അല്ലെങ്കിൽ പുതിയൊരു ബന്ധം തേടി വരുന്നെങ്കിൽ ഒന്നോർത്തു നോക്കു, നിങ്ങളുടെ സന്തോഷം എത്രത്തോളം ആയിരിക്കും എന്ന്. പലപ്പോഴും പലരും പറയാറുള്ളത് പോലെ മരുഭൂമിയിൽ മഴ പെയ്ത കുളിരായിരിക്കും അല്ലെ. അങ്ങനെയുള്ള ബന്ധങ്ങളിൽ നിർബന്ധമായും പിന്തുടരേണ്ട ഒരു നിയമമുണ്ട്. നിങ്ങൾ ഒറ്റയ്ക്കു ജീവിക്കുമ്പോൾ ശീലിച്ച ചില ജീവിത ശൈലികളിൽ മാറ്റം വരുത്തുക എന്നതാണ് അത്. കാരണം വേറൊന്നും കൊണ്ടല്ല. നിങ്ങളുടെ സന്തോഷങ്ങളും സങ്കടങ്ങളും പങ്കു വെക്കാൻ ഇപ്പോൾ നിങ്ങളോടൊപ്പം വേറൊരാൾ കൂടിയുണ്ടെന്ന് ഓർക്കുക. നിങ്ങൾ പ്രണയത്തിലാകുമ്പോൾ നിർബന്ധമായും അറിഞ്ഞിരിക്കേണ്ട ചില കാര്യങ്ങൾ പറയാം.

Also read: 'നീണ്ടു കിടക്കുന്ന റോഡല്ലേ, നമുക്കങ്ങ് പോകാം': സോളോ ട്രിപ്പ് വേണ്ട, പങ്കാളിയോടൊപ്പമുള്ള ട്രിപ്പ് മതി!

ഒറ്റയ്ക്കിരിക്കുന്നത് ഒരു ശീലമാക്കുന്ന പലരും നമുക്കിടയിലുണ്ട്. എന്നാൽ നിങ്ങൾ പ്രണയത്തിലായതിന് ശേഷം അത് വേണ്ട. നിങ്ങൾ കണ്ടിട്ടില്ലേ പല കാര്യങ്ങളും ചിന്തിച്ച് സ്വയം സമയം ചിലവഴിക്കുന്നവര്‍ ചിലപ്പോൾ വെറുതെ ഒറ്റക്കിരുന്ന് സ്വപ്നങ്ങൾ കാണും, മറ്റു ചിലപ്പോൾ സ്വയം വിലയിരുത്തും അങ്ങനെയുള്ളവർ നമുക്കിടയിൽ ധാരാളം ഉണ്ടാകും. എന്നാൽ പ്രണയത്തിലായതിന് ശേഷം അത്തരത്തിലുള്ള സ്വഭാവം മാറ്റിവെച്ച് നിങ്ങളും നിങ്ങളുടെ പങ്കാളിയുമായി കഴിയുക. ഒറ്റക്കുള്ള ജീവിതത്തിലുള്ള പലതും പ്രണയത്തിലായതിന് ശേഷവും പലരും കൂടെ കൂട്ടാറുണ്ട്. എന്നാൽ അത് നിങ്ങളുടെ ബന്ധത്തെ ദോഷകരമായി ബാധിക്കും എന്ന് അറിഞ്ഞിരിക്കുക.

Also read: 'എനിക്കും ഒരു സഹോദരനുണ്ടായിരുന്നെങ്കിൽ' എന്ന് നിങ്ങൾക്ക് തോന്നിയിട്ടുണ്ടോ?

യാത്ര ഇഷ്ടപ്പെടാത്തവരായിട്ട് ആരും ഉണ്ടാകില്ല. എന്നാൽ പ്രണയത്തിലായതിന് ശേഷവും യാത്രകളാകാം. പക്ഷെ ഒറ്റക്കുള്ള യാത്രകൾ വേണ്ട. ഒറ്റയ്ക്കു ശീലിച്ച ഈ യാത്രകൾ ചിലപ്പോൾ ഒരു ലഹരിയായി മാറിയിട്ടുണ്ടാകും എന്നതിൽ യാതൊരു സംശയവുമില്ല. ജീവിതത്തിൽ മറ്റൊരാൾ വന്നാലും ഈ ലഹരി ഒഴിവാക്കാൻ ചിലർക്കു സാധിക്കാതെ വരും. എന്നാൽ ഇതു മാറ്റിവെച്ചേ പറ്റു. കാരണം നിങ്ങളുടെ പങ്കാളിയോടൊപ്പമുള്ള യാത്രകൾക്ക് പ്രാധാന്യം നൽകേണ്ട സമയമാണ്. പതിയെ അതിനെയൊരു ലഹരിയാക്കി മാറ്റാൻ ശ്രദ്ധിക്കുക.

പങ്കാളികൾ ജീവിതത്തിൽ വന്നാലും എല്ലാ കാര്യങ്ങളും ഒറ്റക്ക് ചെയ്യുന്നവരുണ്ടാകും. എന്നാൽ ഇത് അത്ര നല്ലതല്ല. ജീവിതത്തിൽ പങ്കാളിയോടൊപ്പമുള്ള എല്ലാ കാര്യങ്ങളും കൂട്ടമായിത്തന്നെ ചെയ്യാൻ ശ്രദ്ധിക്കുക. നിങ്ങളുടെ ജീവിതത്തിലേക്ക് വന്നപങ്കാളിയെ ആശ്രയിക്കുകയും സഹായിക്കുകയും ചെയ്യണം. ബന്ധങ്ങള്‍ ശക്തമാകാൻ ഇത് അനിവാര്യമാണ്. മാത്രമല്ല അവരുടെ കരുതലിനായിരിക്കണം നിങ്ങൾ പ്രാധാന്യം കൽപ്പിക്കേണ്ടത്. തന്റെ സ്വാതന്ത്ര്യം പങ്കാളി ഇല്ലാതാക്കും എന്ന ഭയം ഒരിക്കലും നിങ്ങൾക്ക് ഉണ്ടാകാൻ പാടില്ല. അങ്ങനെ അടിമ ഉടമ ബന്ധമല്ല പ്രണയവും വിഹാവും എന്ന് ആദ്യം തന്നെ നിങ്ങൾ തിരിച്ചറിയുക. പ്രണയത്തിൽ അരുതുകളും അരുതായ്മകളും ഇല്ലാതെ നോക്കാൻ ശ്രദ്ധിക്കുക. നിങ്ങൾ എത്രമാത്രം സ്വാതന്ത്ര്യം അനുഭവിക്കുന്നുണ്ടോ അത്രത്തോളം സ്വാതന്ത്ര്യം നിങ്ങളുടെ പങ്കാളിക്കും നൽകുക.

Also read: സ്ത്രീകൾക്ക് അത്യാവശ്യം സ്വാതന്ത്ര്യം കൊടുക്കുന്ന 'മോഡേൺ' ഫാമിലിയിലാണോ നിങ്ങൾ?

ഒറ്റപ്പെട്ട ജീവിതത്തിന് ഒരു ബ്രേക്ക് നൽകി ജീവിതത്തിലേക്ക് ഒരു പങ്കാളിയെ കൂടി നിങ്ങൾ ചേർക്കുമ്പോൾ നിങ്ങളുടെ ജീവിതം കൂടതൽ വർണാഭമാകുകയാണ് ചെയ്യുന്നത്. സന്തോഷവും സങ്കടവും എല്ലാം പങ്കുവെക്കാനും കരുതലിനും ആശ്വാസത്തിനും ഒരു ഇടമായി നിൽക്കാനും ഒരാളുണ്ടാകുക എന്നതിനേക്കാൾ വലുതായി വേറെന്താണ് നമുക്ക് ജീവിതത്തിൽ വേണ്ടത്. നിങ്ങൾ നിങ്ങളുടെ സന്തോഷവും സങ്കടങ്ങളും പങ്കുവെക്കാനായി പ്രണയിച്ചു തുടങ്ങിക്കൊള്ളു. പരാതികളും പരിഭവങ്ങളും ഇല്ലാത്ത ഒരു ജിവിതം തുടങ്ങാൻ നേരമായി.