ജീവിതത്തിൽ എന്തൊക്കെ ചെയ്തിട്ടും സന്തോഷം കിട്ടുന്നില്ലെന്ന് പരാതിക്കാരായിരിക്കും നമ്മളിൽ ഭൂരിഭാഗം പേരും. ജോലി വീട് ബന്ധങ്ങൾ, അല്ലെങ്കിൽ പഠിത്തം വീട് കറക്കം ബന്ധങ്ങൾ എന്നിട്ടും പലരും സന്തോഷവാന്മാരല്ലെന്നാണ് പറയാറ്. എന്ത് കൊണ്ടായിരിക്കാം കൂടുതൽ പേരും ഇത്തരത്തിൽ ജീവിതത്തിൽ നിരാശ ബാധിച്ചിരിക്കുന്നതെന്ന് ആലോചിച്ച് നോക്കിയിട്ടുണ്ടോ?
നമ്മളിൽ പലരുടെയും കാര്യം എടുത്തു നോക്കിയാൽ പുറമെ കാണുന്ന സന്തോഷമായിരിക്കില്ല അകത്ത് കാണുന്നത്. പല വിഷമങ്ങളും നമ്മളെ അലട്ടുന്നുണ്ടാകും. എന്നാൽ അതൊന്നും നമ്മൾ പുറത്ത് കാണിക്കാറില്ല. എന്ത് കൊണ്ടായിരിക്കാം ഇത്രത്തോളം വിഷമങ്ങൾ നമ്മളെ അലട്ടുന്നത് എന്ന് ആലോചിച്ച് നോക്കിയിട്ടുണ്ടോ?
Also read: പ്രണയം തകര്ന്നതിന് ശേഷം വീണ്ടും ഒരവസരം ലഭിച്ചാല്!
പലരും മനസ്സമാധാനത്തിനെന്നും പറഞ്ഞ് പല യാത്രകളും പോകുന്നത് കണ്ടിട്ടില്ലേ. എന്നിട്ടും അവര് സമാധാനമായി ഇരിക്കുന്നത് കണ്ടിട്ടുണ്ടോ? ഇല്ല ഈത്തരത്തിലുള്ള സമാധാനം താൽക്കാലികം മാത്രമായിരിക്കും. പിന്നെ എങ്ങനെയാണ് മനസ്സിലുള്ള വിഷമങ്ങളെ ഇല്ലാതാക്കാന സാധിക്കുന്നത്? അതിന് ആദ്യം ചെയ്യേണ്ട കാര്യം എന്താണെന്ന് വെച്ചാൽ നമ്മുടെ മനസ്സിലുള്ള വിഷമങ്ങൾ എന്തൊക്കെയാണെന്ന് തിരിച്ചറിയുകയാണ്. അത് തിരിച്ചറിഞ്ഞ ശേഷം അതിനുള്ള പരിഹാരമാണ് കാണേണ്ടത്. അതിന് ശേഷമാണ് നിങ്ങൾ ബാക്കിയുള്ള കാര്യങ്ങളിലേക്ക് കടക്കേണ്ടത്. അല്ലാത്ത പക്ഷം നിങ്ങളുടെ വിഷമങ്ങൾ നിങ്ങളെ അലട്ടിക്കൊണ്ടേയിരിക്കും.
ആദ്യം തന്നെ പറഞ്ഞുവല്ലോ പലപ്പോഴും നിരാശയാണ് പലരുടെയും മനസ്സിലുള്ളത്. ഈ അവസ്ഥയിലൂടെ കടന്ന് പോകാനുള്ള പൊതുവായ ചില കാരണങ്ങളുണ്ടാകും. ആ കാരണങ്ങൾ എന്തൊക്കെയാണെന്ന് നോക്കാം.
Also read: ഈ സ്വഭാവം നിങ്ങളുടെ ദാമ്പത്യം തകർക്കും
ഭാവി ഭൂതം: പലരും ഭാവിയെ കുറിച്ച് ചിന്തിക്കുന്നവരാണ്. ഭാവിയിൽ എന്താകും ഭാവിയിലേക്കുള്ള പണം ഉണ്ടാക്കണം, ഭാവി... ഭാവി.. ഭാവി അങ്ങനെ ഭാവിയെക്കുറിച്ചുള്ള ചിന്തകളിൽ മുഴുകി വർത്തമാനത്തിൽ ജീവിക്കാൻ അവർ മറന്നു പോകുന്നു. മാത്രമല്ല കഴിഞ്ഞ കാര്യത്തെ കുറിച്ച് നിരാശപ്പെടുന്നവരും നമുക്കിടയിൽ ഏറെയുണ്ട്. കഴിഞ്ഞ ദിവസം ഇന്നത് ചെയ്തിരുന്നെങ്കിൽ, അന്ന് അങ്ങനെ ചെയ്തിരുന്നെങ്കിൽ തുടങ്ങി ഒരുപാട് നിരാശകൾ. ഇത്തരക്കാർക്ക് ഒരിക്കലും സന്തോഷം ലഭിക്കുകയില്ല എന്ന് മാത്രമല്ല അത്തരക്കാർ ജീവിതത്തിൽ പരാജയമായി മാറുകയും ചെയ്യുന്നു. കഴിഞ്ഞ കാര്യങ്ങളെക്കുറിച്ച് എത്രയൊക്കെ ചിന്തിച്ചിട്ടും കാര്യമില്ല. ഇപ്പോൾ എന്താണോ അത് ചെയ്യാൻ ശ്രമിക്കുക. അല്ലാതെ കഴിഞ്ഞതും കഴിയാൻ പോകുന്നതുമായ കാര്യങ്ങളെക്കുറിച്ച് ഓർത്ത് വിഷമിച്ച് ജീവിതം തുലാസിലാക്കാതിരിക്കാൻ ശ്രമിക്കുക. ഇത്തരം ചിന്തകൾ മാത്രമായിരിക്കും അവരുടെ ജീവിതത്തിൽ ഉണ്ടാകുക. പിന്നെ എങ്ങനെ സന്തോഷം കിട്ടാനാണ്.
സ്വയം ഇരയാകുന്നവർ: ദൈവമേ എനിക്ക് മാത്രമെന്താ ഇങ്ങനെ, എപ്പോഴും ദുഖം മാത്രമാണല്ലോ. തുടങ്ങി സ്വയം ഇരയായി കാണുന്നവരാണ് പലരും. എപ്പോഴും സ്വയം പരാജയം മാത്രമാണ് എന്നൊക്കെ ഇത്തരക്കാർ പരിതപിച്ച് കൊണ്ടിരിക്കുന്നത് കാണാം. നമ്മുടെ കൂട്ടുകാർക്കിടയിലും കാണും ഇത്തരക്കാർ. 'ടാ എനിക്ക് മാത്രമെന്താ ഇങ്ങനെ ദൈവം ചെയ്യുന്നത്' എന്നൊക്കെ ചോദിച്ച് കൊണ്ടിരിക്കുന്നവർ. ഇത്തരക്കാർ വിധിയെ പഴിച്ച് കൊണ്ട് ജീവിതം തള്ളി നീക്കാറാണ് പതിവ്. ഇത്തരക്കാർക്ക് ഒരിക്കലും സന്തോഷം ലഭിക്കില്ല എന്ന് മാത്രമല്ല പരിതപിക്കാൻ മാത്രമെ ഇത്തരക്കാർക്ക് നേരം കാണു. അത് കൊണ്ട് ഇത്തരം കാര്യങ്ങൾ നിങ്ങളിൽ ഉണ്ടെങ്കിൽ അതൊക്കെയും മാറ്റാനുള്ള സമയമായെന്ന് കരുതുക. അല്ലാത്തപക്ഷം നിങ്ങളുടെ ജീവിതം എത്രത്തോളം വിജയകരമായിരിക്കുമെന്ന് പറയാൻ സാധിക്കില്ല.
ബന്ധങ്ങൾ പാളിയാൽ: പലപ്പോഴും പല ബന്ധങ്ങളും നിങ്ങളുടെ ജീവിതത്തെ പരാജയത്തിലേക്ക് നയിക്കാൻ സാധ്യതയുണ്ട്. കാരണം നിങ്ങൾക്ക് ഒറ്റപ്പെടൽ തോന്നുമ്പോൾ ആരെയെങ്കിലും ചെന്ന് കൂടെ കൂട്ടും. എന്നാൽ അത് എത്രത്തോളം അനുയോജ്യരായ കൂട്ടുകാരാണെന്ന് കൂടി മനസ്സിലാക്കി വേണം ചെയ്യാൻ. അല്ലാത്ത പക്ഷെ നിങ്ങളുടെ ജീവിതത്തിൽ ദുഖിക്കാൻ മാത്രമേ നേരം കാണൂ. അത് കൊണ്ട് തന്നെ ഏതൊരു ബന്ധവും തിരക്ക് പിടിച്ച് രൂപപ്പെടുത്തേണ്ടതില്ല. സമയമെടുത്ത് വേണം ബന്ധങ്ങൾ രൂപപ്പെടുത്താൽ.
Also read: പുരുഷന്മാരുടെ ശ്രദ്ധയ്ക്ക്: സ്ത്രീകൾ നിങ്ങളിൽ കാണാൻ ആഗ്രഹിക്കുന്നത് ഇതൊക്കെയാണ്
സ്വന്തം ശരീരത്തെ സ്നേഹിക്കുക: പലരും സ്വന്തം ആരോഗ്യത്തിൽ തീരെ ശ്രദ്ധിക്കാത്തവരാണ്. ഭക്ഷണമോ ഉറക്കമോ ഇല്ലാതെ ജോലിയും മറ്റും ചെയ്യുന്നവരും നമുക്കിടയിലുണ്ട്. എന്തിനാണ് ഇത്തരത്തിൽ വിശ്രമമില്ലാതെ ജീവിക്കുന്നതെന്ന് നമുക്ക് തന്നെ അറിയില്ല. എന്നാൽ ഇത്തരത്തിൽ വിശ്രമമില്ലാതെ ജീവിക്കുമ്പൾ നിങ്ങളുടെ സന്തോഷം ഇല്ലാതാകുകയാണ് ചെയ്യുന്നത്. ഇത് മാനസികമായും ശാരീരികമായും വളരെ പെട്ടെന്ന് തന്നെ ക്ഷീണിച്ച് തുടങ്ങും. അത് കൊണ്ട് ആദ്യം നിങ്ങൾ നിങ്ങളെത്തന്നെ സ്നേഹിക്കുക. എങ്കിൽ നിങ്ങൾ എന്നും സന്തോഷമായിരിക്കും.
വികാരങ്ങളെ നിയന്ത്രിക്കുക: വികാരങ്ങൾ വ്യക്തിയുടെ പ്രവർത്തികളെ ഒരിക്കലും ഗുണം ചെയ്യില്ല എന്ന് ആദ്യം തന്ന അറിഞ്ഞിരിക്കുക. പെട്ടെന്ന് വരുന്ന ദേഷ്യവും നിയന്ത്രിക്കാനാകാത്ത വികാരങ്ങളും പിടിച്ചു നിർത്താനാണ് ആദ്യം ശ്രദ്ധിക്കേണ്ടത്. അല്ലാത്ത പക്ഷം നിങ്ങൾ നിങ്ങളെത്തന്നെ മറന്ന് പ്രവർത്തിക്കാൻ തുടങ്ങും. ഇത് നിങ്ങൾക്ക് ദുഖങ്ങൾ മാത്രമേ നൽകുകയുള്ളു.