പല ദാമ്പത്യ ജീവിതത്തിലുമുള്ള പ്രശ്നങ്ങളിൽ ഒന്നാണ് ഭർത്താവിന് ഭാര്യയുടെ കുടുംബത്തോടുള്ള കലിപ്പ്. പലരും കല്യാണ ശേഷം പറയുന്നത് കേട്ടിട്ടുണ്ടാകും. എന്നും എന്റെ ഭർത്താവിന് എന്റെ വീട്ടുകാരെ കുറ്റം പറയാൻ മാത്രമേ നേരമുള്ളു എന്ന്. ചിലപ്പോൾ കല്യാണ ദിവസം എന്തെങ്കിലും ഭാര്യ വീട്ടുകാർ കാണിച്ച അബദ്ധമായിരിക്കാം പല ഭർത്താക്കന്മാരുടെ പ്രശ്നം. അതല്ലെങ്കിൽ ഭർത്താവിനെ ഭാര്യ വീട്ടുകാർ പരിഗണിക്കുന്നില്ലെന്ന് കാരണമായിരിക്കാം.
പലപ്പോഴും പല ഭർത്താക്കന്മാരുടെയും പരാതികൾ എന്താണെന്ന് വെച്ചാൽ ഭാര്യ വീട്ടുകാർ തന്നെ വേണ്ട വിധത്തിൽ പരിഗണിക്കുന്നില്ല എന്നതായിരിക്കും. അത് കൊണ്ട് തന്നെ ഭാര്യയെ അവളുടെ വീട്ടിലേക്ക് അയക്കാതിരിക്കുക, അവളുടെ വീട്ടുകാരെ തെറി വിളിക്കുക, അതല്ലെങ്കിൽ അവരോട് പക പോക്കുന്ന രീതിയിൽ പെരുമാറുക തുടങ്ങിയ രീതിയൊക്കെയാണ് പല ഭർത്താക്കന്മാരും ഭാര്യ വീട്ടുകാർ പെരുമാറുന്നത്. ഇതൊക്കെയും സഹിച്ച് കണ്ണീരും പിഴിച്ചിലുമായി പലരും മുറികളിൽ ഒതുങ്ങിക്കൂടിയിരിക്കുന്നും ഉണ്ടാകും. ഇത്തരം ഭർത്താക്കന്മാർ ഭാര്യ വീട്ടുകാരുടെ കുറ്റം വീട്ടിൽ മാത്രമല്ല ദേഷ്യം തീർക്കാൻ നാട് മൊത്തം പറഞ്ഞു നടക്കുകയും ചെയ്യും. ' നിന്റെ വീട്ടുകാർ അങ്ങനെയല്ലെടി,' 'നിന്റെ വീട്ടുകാർ ഇങ്ങനെയുള്ളവരാണല്ലെടീ' തുടങ്ങിയ കുത്തു വാക്കുകൾ ഇത്തരക്കാർ എന്നും പറഞ്ഞു കൊണ്ടേയിരിക്കും. അവരെ എത്രത്തോളം അതിൽ നിന്ന് പിന്തിരിപ്പിക്കാൻ നോക്കിയാലും അവര് വഴങ്ങുകയില്ല.
പല ഭാര്യമാരും ഇത്തരം കുത്തു വാക്കുകൾ കേട്ട് കേട്ട് മടുത്ത് കടുത്ത മാനസിക സംഘർഷത്തിന് അടിമപ്പെട്ടവരായി തീർന്നിരിക്കും. സഹിക്കാവുന്നതിലും അപ്പുറമായിരിക്കും ഇത്തരത്തിലുള്ള ഭർത്താക്കന്മാരുടെ ശല്യം എന്ന് വേണമെങ്കിൽ പറയാം.
Also read: 'എനിക്കും ഒരു സഹോദരനുണ്ടായിരുന്നെങ്കിൽ' എന്ന് നിങ്ങൾക്ക് തോന്നിയിട്ടുണ്ടോ?
ഇത്തരം പരാതികളുള്ള നിരവധി സ്ത്രീകൾ സമൂഹത്തിലുണ്ട്. പല പുരുഷന്മാരും ഭാര്യമാരുമായി വഴക്കുണ്ടാക്കി ഒടുവിൽ കലഹത്തിനിടയിൽ ജയിക്കാൻ വേണ്ടി ഭാര്യയുടെ വീട്ടുകാരെ തരംതാഴ്ത്തി സംസാരിക്കുന്നവരും കുറവല്ല. എന്നാൽ അവസരം കിട്ടുമ്പോഴെല്ലാം അപമാനിച്ച് സന്തോഷം കണ്ടെത്തുന്നവരും ഉണ്ട്.
എപ്പോഴും തർക്കിക്കുന്നവരറിയാൻ....
എപ്പോഴും പരസ്പരം കലഹിച്ച് ഇത്തരത്തിലുള്ള കുത്തു വാക്കുകൾ കൊണ്ട് മുറിപ്പെടുത്തുന്നവരറിഞ്ഞിരിക്കേണ്ട കാര്യം എന്താണെന്ന് വെച്ചാൽ പരസ്പര ബഹുമാനത്തിലൂടെ മാത്രമേ ജീവിതം മുന്നോട്ടു കൊണ്ടു പോകാൻ സാധിക്കൂ എന്നതാണ്. പുരുഷ മേല്കോയ്മയിൽ ഊറ്റം കൊള്ളുന്ന ഭർത്താവിൽ നിന്ന് സ്ത്രീക്ക് ബഹുമാനം കിട്ടണമെന്നില്ല. അതിന്റെ ഭാഗമാണ് ഇതുപോലെയുള്ള അവഹേളനം. ഭാര്യയുടെ കുടുംബാംഗങ്ങളെ കുറിച്ച് എന്തും പറയാനുള്ള അധികാരം ഉണ്ട് എന്ന തോന്നലാണ് പല പുരുഷന്മാരിലും ഉള്ളത്.
Also read: "നീ പറ... നീ പറ.. നിനക്കൊന്നും പറയാനില്ലേ?": പ്രണയം വിരസമായിത്തുടങ്ങിയോ?
എന്നാൽ, ഇതൊക്കെ തെറ്റാണെന്നു ബോധ്യത്തോടെ അതിനെതിരെ ശബ്ദിക്കാൻ മനസ്സിനെ പറഞ്ഞു പഠിപ്പിക്കുകയാണ് സ്ത്രീകൾ ആദ്യം ചെയ്യേണ്ടത്. ജീവിതക്കാലം മുഴുവൻ വീട്ടുകാരെ അപമാനിക്കുകയും നിങ്ങളെ ബഹുമാനിക്കുകയും ചെയ്യാത്ത ഒരാളുമായി ജീവിക്കുന്നത് എങ്ങനെയാണെന്ന് നിങ്ങൾ നിങ്ങളോട് തന്നെ ചോദിക്കകു. അതിനാൽ കാര്യങ്ങൾ തുറന്നു പറയാന് തയ്യാറാകണം. നമുക്കിടയിലുള്ള പ്രശ്നത്തിൽ വീട്ടുകാരെ കുറിച്ച് പറയേണ്ട ആവശ്യമില്ലെന്നു വ്യക്തമാക്കുക. രണ്ടു പേർക്കിടയിലെ കാര്യങ്ങൾ നിങ്ങൾ രണ്ടു പേർ തന്നെ പറഞ്ഞു തീർക്കുകയും മറ്റും ചെയ്താൽ മതി. അല്ലാതെ ഒരിക്കലും നിങ്ങളുടെ വഴക്കിനിടയിലേക്ക് നിങ്ങളുടെ വീട്ടുകാരെയും മറ്റും വലിച്ചിഴക്കാതിരിക്കാൻ ശ്രദ്ധിക്കുക.
Also read: 'നീണ്ടു കിടക്കുന്ന റോഡല്ലേ, നമുക്കങ്ങ് പോകാം': സോളോ ട്രിപ്പ് വേണ്ട, പങ്കാളിയോടൊപ്പമുള്ള ട്രിപ്പ് മതി!
പലപ്പോഴും പല സ്ത്രീകളുടെ ബലഹീനത എന്ന് പറയുന്നത് ഒന്നും തുറന്നു പറയാനുള്ള കരുത്തില്ല എന്ന് കരുതുന്നതാണ്. എന്നാൽ അങ്ങനെയല്ല, പറയേണ്ട കാര്യങ്ങൾ പറയേണ്ട പോലെ ചിലയിടങ്ങളിലെങ്കിലും പറയേണ്ടി വരും എന്ന കാര്യം അറിഞ്ഞിരിക്കുക. നിങ്ങളുടെ പരിധികളും ഭയവും മികച്ചൊരു ജീവിതം കെട്ടിപ്പടുക്കുന്നതിന് ഒരിക്കലും തടസ്സമാകരുത്. ഇതിനു വേണ്ടി കൗൺസിലറെ സമീപിക്കുന്നതും നല്ലതാണ്. ഇത്തരത്തിൽ കൌൺസിലിങ് ചെയ്യുന്നതിലൂടെ ഭർത്താവിനെ കാര്യങ്ങൾ പറഞ്ഞു മനസ്സിലാക്കാനും സാധിക്കും എന്ന് അറിഞ്ഞിരിക്കുക.