ജോലിയിൽ തിളങ്ങണോ; അഞ്ച് കാര്യങ്ങൾ

പുതിയ ജോലി കിട്ടിയാൽ പിന്നെ മൊത്തം അടിച്ചു പൊളിയാണ്. എന്നാൽ നിങ്ങളുടെ കരിയറിനെ തന്നെ തകർക്കാൻ കഴിയുന്ന പല കാര്യങ്ങളും നിങ്ങൾ അറിയാതെ തന്നെ ചെയ്യുന്നുണ്ട്. അത് എന്തെല്ലാമാണെന്ന് നോക്കൂ...

സമയം/ കൃത്യനിഷ്ഠത

കൃത്യനിഷ്ഠത എല്ലാ കാര്യത്തിലും അത്യാവശ്യമാണ്. ജോലിക്കാര്യത്തിൽ പ്രത്യേകിച്ചും. ഓഫീസിലെ സമയം അനുസരിച്ച് ജോലിക്ക് വരേണ്ടത് നിങ്ങളുടെ ഉത്തരവാദിത്വമാണെന്ന് മനസ്സിലാക്കുക.

ഓഫീസിലെ ചില നിയമങ്ങൾ

വാട്ട്സാപ്പ്, ഫേസ്ബുക്ക്, യൂടൂബ് ഇവയെല്ലാം നിങ്ങൾ ഉപയോഗിക്കാറുണ്ടാകും. പക്ഷേ, ഓഫീസിൽ വെച്ച് ഇതിനെല്ലാം പരമാവധി നിയന്ത്രണം ഏ‌ർപ്പെടുത്തുന്നതാണ് നല്ലത്. നിങ്ങളെ കുറിച്ച് മോശം ധാരണയുണ്ടാകാൻ ഇവയുടെ അമിതോപയോഗം കാരണമായേക്കാം.

ഔദ്യോഗികമായുള്ള ആശയവിനിമയം

ഓഫീഷ്യൽ മെയിൽ പരിശോധിക്കാൻ എപ്പോഴും സമയം കണ്ടെത്തണം. അതിലെ സന്ദേശങ്ങൾക്ക് മറുപടി അയയ്ക്കാനും വിട്ടു പോകരുത്. നിങ്ങൾ ചെയ്യുന്ന പ്രവൃത്തികളുടെ ഒരു റെക്കോർഡാണ് മെയിലുകൾ എന്ന കാര്യം പ്രത്യേകം ശ്രദ്ധിക്കുക.

പണത്തിന്റെ പുറകെ ഓടരുത്

പണത്തിന്റെ പുറകെ പോകരുത്. കൂടുതൽ ശമ്പളം വാഗ്ദാനം ചെയ്ത് ഏത് ജോലി വന്നാലും ഉടനെ അതിന്റെ പുറകെ പോകരുത്. നിങ്ങളുടെ കമ്പനി, ബോസ്, പദവി എന്നിവയെല്ലാം പണത്തിനേക്കാൾ നിങ്ങളുടെ കരിയറിനെ നല്ല രീതിയിൽ തുണയ്ക്കുന്ന ചില കാര്യങ്ങളാണ്.

Things you should be doing at office