വഞ്ചനയും അവിശ്വാസവും ദാമ്പത്യജീവിതത്തിൽ ഒരിക്കലും ക്ഷമിക്കാനാവുന്ന തെറ്റല്ല. നിങ്ങളുടെ പങ്കാളിയെ വഞ്ചിക്കുന്നത് ഒരുപക്ഷേ, ദാമ്പത്യ ജീവിതത്തിൽ സംഭവിക്കുന്ന ഏറ്റവും വലിയ പാളിച്ചയാണ്. അത് മൂലം ഇരു പങ്കാളികൾക്കും ഉണ്ടാകുന്ന വേദന ഏറ്റവും ഭയാനകവും ഒട്ടും തന്നെ ഒഴിവാക്കാൻ കഴിയാത്തതുമാണ്. മിക്ക ദമ്പതികളും ഇത്തരം അവസരങ്ങളിൽ ഉടൻ തന്നെ പിരിയാൻ തീരുമാനമെടുക്കുമ്പോൾ, ചിലരെങ്കിലും അവരുടെ ദാമ്പത്യ ജീവിത ബന്ധം പാതിവഴിയിൽ ഉപേക്ഷിക്കാൻ തയ്യാറാകുന്നില്ല. രണ്ടാമതൊരു തവണ കൂടി എല്ലാം തിരുത്താനായി അവസരം ലഭിച്ചെങ്കിലെന്ന് അവർ ആഗ്രഹിക്കുന്നു.
1. ക്ഷമാപണം ആത്മാർത്ഥമായിരിക്കണം
ഒന്നാമതായി, ഈ സാഹചര്യത്തിൽ നിന്ന് എളുപ്പത്തിൽ രക്ഷപ്പെടാനായി വെറുതെയങ്ങ് ക്ഷമ ചോദിച്ചാൽ മാത്രം പോരാ. ക്ഷമ പറയുന്നുണ്ടെങ്കിൽ അത് ഏറ്റവും ആത്മാർത്ഥമായി തന്നെയായിരിക്കണം. അതിന്റെ ഓരോ കണികയും അർത്ഥമാക്കുന്ന രീതിയിലായിരിക്കണം ക്ഷമ ചോദിക്കേണ്ടത്. കാരണം നിങ്ങൾ ആത്മാർത്ഥമായി ക്ഷമ ചോദിക്കുന്നുണ്ടോ ഇല്ലയോ എന്ന് അത് കേൾക്കുന്ന വ്യക്തിക്ക് നിങ്ങളുടെ നോട്ടത്തിൽ നിന്നും സംസാരത്തിൽ നിന്നുമൊക്കെ എളുപ്പത്തിൽ വായിച്ചെടുക്കാൻ സാധിക്കും. നിങ്ങൾ ഒരിക്കൽ പറഞ്ഞതോ ചെയ്തതോ ആയ കാര്യങ്ങൾ തിരിച്ചെടുക്കാൻ കഴിയില്ല. എങ്കിലും ഒരുപക്ഷേ ആത്മാർത്ഥമായി ക്ഷമ ചോദിച്ചുകൊണ്ട് എല്ലായ്പ്പോഴും അവ പരിഹരിക്കാൻ സാധിച്ചേക്കും.
Also read: സ്നേഹിച്ച ആളെ വഞ്ചിക്കാൻ എങ്ങനെ തോന്നുന്നു?
ഇത്തരം അവസരങ്ങളിൽ എല്ലാവരും ചെയ്യുന്ന ഒരു വലിയ മണ്ടത്തരം മറ്റൊരാളെ കുറ്റപ്പെടുത്തുക എന്നതാണ്. നിങ്ങൾ രണ്ടുപേരും കടന്നുപോകുന്ന ഈയൊരു സാഹചര്യത്തെ കൂടുതൽ വഷളാക്കാനേ ഇത് കാരണം ആകുകയുള്ളൂ. നിങ്ങളുടെ തെറ്റ് അംഗീകരിക്കുക. ഒഴിവുകഴിവുകൾ കണ്ടെത്തി പങ്കാളിയെ അല്ലെങ്കിൽ സാഹചര്യങ്ങളെ പഴി പറയുന്നതിനു പകരം സ്വയം ഏറ്റുപറയുക. നിങ്ങൾ ചെയ്ത എല്ലാ തെറ്റുകളുടേയും പൂർണ്ണ ഉത്തരവാദിത്തം ഏറ്റെടുക്കുക. നിങ്ങളുടെ ബന്ധം ഇനിയും ഫലപ്രദമാക്കി മാറ്റാനായി നിങ്ങൾക്ക് പാലിക്കാൻ കഴിയുന്ന വാഗ്ദാനങ്ങൾ അവർക്ക് നൽകുക.
3. അവർക്ക് പറയാനുള്ളത് ക്ഷമയോടെ കേട്ടു നിൽക്കാം
പറ്റിപ്പോയ തെറ്റ് വെളിപ്പെടുത്തുന്ന വേളയിൽ നിങ്ങളുടെ പങ്കാളിയുടെ മുൻപിൽ തീർച്ചയായും നിങ്ങളവരെ അവരെ വഞ്ചിച്ച ഒരു വ്യക്തിയായി മാറുന്നു. അതവരെ തീർച്ചയായും പ്രകോപിപ്പിക്കുകയും പെട്ടെന്നുണ്ടാവുന്ന ദേഷ്യത്താൽ നിങ്ങളെ കുറ്റപ്പെടുത്താനും ആക്രോശിക്കാനും ഒക്കെ കാരണമാകുകയും ചെയ്യുന്നു. ഇത്തരം അവസരങ്ങളിൽ തിരിച്ച് പ്രതികരിക്കാനുള്ള അവസരം നിങ്ങൾക്ക് ലഭിക്കില്ല. നിങ്ങൾ സ്വയം ശാന്തമാവുകയും എല്ലാം ക്ഷമയോടെ കേട്ടു നിൽക്കുകയും ചെയ്യേണ്ടത് അത്യാവശ്യമാണ്. നിങ്ങളുടെ പരസ്പരബന്ധം നിലനിർത്താൻ നിങ്ങൾ ആത്മാർത്ഥമായി ആഗ്രഹിക്കുന്നുവെങ്കിൽ ഇതെല്ലാം മനസ്സാന്നിധ്യത്തോടെ ചെയ്യുക. ചില സമയങ്ങളിൽ, ക്ഷമ പറച്ചിൽ മാത്രം പോരാ! അവർ നിങ്ങളോട് ക്ഷമിക്കുന്നതിനായി ക്ഷമയോടെ കാത്തിരിക്കുകയും വേണം.
നിങ്ങൾ ഒരു വലിയ തെറ്റ് ചെയ്തു. അതിനുള്ള ശിക്ഷ എന്തായാലും നിങ്ങൾ അനുഭവിക്കേണ്ടി വരും. അതുകൊണ്ടു തന്നെ ഇത്തരം അവസരങ്ങളിൽ നിങ്ങളുടെ പങ്കാളി നിമിഷ നേരം കൊണ്ട് സാധാരണ നിലയിലാകുമെന്ന് നമുക്ക് പ്രതീക്ഷിക്കാനാവില്ല. നിങ്ങൾ അങ്ങനെ ചിന്തിക്കുകയാണെങ്കിൽ അത് അന്യായവും മനുഷ്യത്വരഹിതവുമായിപ്പോവും.
Also read: പരസ്പരം സ്നേഹിക്കാം, പരിധികളില്ലാതെ
പറ്റിപ്പോയ തെറ്റ് തിരുത്തിയ ശേഷം ദാമ്പത്യജീവിതം കൂടുതൽ സന്തോഷകരമാക്കാനായി പെട്ടെന്ന് തന്നെ എല്ലാം പഴയപടി ആകണമെന്നും, സാധാരണ രീതിയിൽ മുൻപത്തേ പോലെ പെരുമാറണമെന്നും അവരോട് ആവശ്യപ്പെടുന്നത് ബുദ്ധിശൂന്യമായ ഒരു കാര്യമായിരിക്കും. നിങ്ങളിലുള്ള വിശ്വാസം വീണ്ടെടുക്കാനും ദാമ്പത്യ ബന്ധത്തിൽ നിന്നും ഉണ്ടായ മുറിവുകൾ ഉണക്കുന്നതിനുമായി അവർക്ക് സമയവും സ്ഥലവുമെല്ലാം വേണ്ടുവോളം ആവശ്യമാണ്. നിങ്ങളിലുള്ള വിശ്വാസം വീണ്ടെടുക്കുന്നതിനും നിങ്ങൾ ആത്മാർത്ഥമായി ഖേദിക്കുന്നുണ്ടെന്നും ഭാവിയിൽ ഒരിക്കലും ഇത് ആവർത്തിക്കില്ലെന്നും മനസ്സിലാക്കിയെങ്കിൽ മാത്രമേ പൂർണ്ണ മനസ്സോടെ അവർക്ക് ദാമ്പത്യ ജീവിതത്തിലേക്ക് തിരിച്ചുവരാൻ സാധിക്കുകയുള്ളൂ. ഈ ഒരു കാര്യത്തിൽ നിങ്ങളവർക്ക് ആ ഉറപ്പ് നൽകുകയും, ആവശ്യമായ ക്ഷമ കാണിക്കുകയും വേണം.
Also read: പ്രണയിക്കുന്നവർ തമ്മിൽ ചോദിക്കാൻ പാടില്ലാത്ത കാര്യങ്ങൾ ഇവയാണ്!
5. വിഷയത്തെ അവഗണിക്കരുത്, തമ്മിൽ ചർച്ച ചെയ്ത് പരിഹാരം കണ്ടെത്തുക
ദാമ്പത്യത്തിൽ ഇത്തരത്തിലുള്ള ഏതെങ്കിലും പ്രശ്നപരമായ കാര്യങ്ങൾ കടന്നു വരുമ്പോൾ അതിനെ കൈകാര്യം ചെയ്യാനുള്ള ഏറ്റവും നല്ല മാർഗ്ഗം ഇതിനെ അവഗണിച്ചുകൊണ്ട് ഇതേക്കുറിച്ച് സംസാരിക്കാതിരിക്കുക എന്നതാണെന്ന് വിചാരിക്കരുത്. തികച്ചും തെറ്റായ ഒരു ധാരണയാണിത്. നിങ്ങൾ അങ്ങനെ ചെയ്യുകയാണെങ്കിൽ നിങ്ങളുടെ പങ്കാളിയിൽ എല്ലാ പകയും കുമിഞ്ഞു കൂടാൻ ഇടയാക്കും. നിങ്ങളുടെ പങ്കാളിക്ക് നിങ്ങളുമായി ബന്ധം തുടരുന്നതിൽ കുഴപ്പമുണ്ടോ ഇല്ലയോ എന്ന് ചോദിച്ചറിയുക. അവർക്ക് പറയാനുള്ള മുഴുവൻ കാര്യങ്ങളെയും ശ്രദ്ധയോടെ കേട്ട് മനസ്സിലാക്കുക. അവരുടെ ഭാഗത്തു നിന്ന് കൂടി ചിന്തിക്കാൻ ശ്രമിക്കുക. അവരുടെ അഭിപ്രായത്തെ മാനിക്കുകയും രണ്ടുപേരും ചേർന്ന് ഒരു പൊതു പരിഹാരത്തിൽ എത്തിച്ചേരുകയും ചെയ്യുക. നിങ്ങളുടെ പങ്കാളിക്ക് സാധാരണ നിലയിലേക്ക് മടങ്ങാൻ കഴിയുമോ എന്നും, പറ്റിപ്പോയ തെറ്റിനെ ക്ഷമിച്ചു കൊണ്ട് ഒരു പുതിയ തുടക്കത്തോടെ നിങ്ങൾക്ക് ഒരു അവസരം കൂടി നൽകാനാകുമോ എന്നും ചർച്ച ചെയ്യുക.