സുഖമാണോ?
ഏറ്റവും ലളിതമായ ഒരു ചോദ്യമാണിത്. ആ വ്യക്തി നിങ്ങള്ക്ക് മറുപടി നല്കിയില്ലെങ്കില് അവരോട് ചോദിക്കാനുള്ള ഏറ്റവും പ്രധാനപ്പെട്ട കാര്യം ഇതാണ്. അവരുടെ നിലവിലെ മാനസികാവസ്ഥയെക്കുറിച്ച് അവരോട് ചോദിക്കുന്നത്, സാഹചര്യം എന്തായാലും അവരോട് സംസാരിക്കാന് നിങ്ങള് ആഗ്രഹിക്കുന്നുവെന്ന് അവരെ അറിയിക്കും. ഈ ലളിതമായ ചോദ്യം ആളുകളെ ആളുകളുടെ മനസില് വേഗത്തില് ആഴ്ന്ന് ചെല്ലാന് സാധ്യതയുണ്ട്.
'ഞാന് ഇവിടെ തന്നെയുണ്ട്'
പലപ്പോഴും പലതരത്തിലുള്ള പ്രശ്നങ്ങളാണ് ആളുകളുടെ ഉള്ളിലൂടെ കടന്ന് പോകുന്നത്. ചിലതൊക്കെ മറ്റുള്ളവരുമായി പങ്കുവെയ്ക്കും എന്നാല് മറ്റ് ചിലത് ചിലപ്പോള് പങ്കുവെയ്ക്കാനാകില്ല. എതിര്വശത്ത് ഇരിക്കുന്നയാള് ഏത് മാനസികാവസ്ഥയിലാണെന്ന് നമുക്ക് പറയാന് സാധിക്കില്ല. ആ ഒരു സാഹചര്യത്തില് ആളുകളോട് സംസാരിക്കാതിരിക്കാനായിരിക്കും ചിലര് ശ്രമിക്കുന്നത്. നിങ്ങളുടെ സുഹൃത്ത് ഒരു പ്രശ്നം നേരിടുന്നുണ്ടോ എന്ന് നിങ്ങള്ക്ക് ഉറപ്പില്ലെങ്കില്, അവര് സംസാരിക്കാന് ആഗ്രഹിക്കുന്നില്ലെന്ന് ഉടനടി കരുതരുത്. നിങ്ങള് അവര്ക്കായി ഇവിടെയുണ്ടെന്ന് അവരെ അറിയിക്കാന് സഹായിക്കുന്ന ഒരു സന്ദേശം അയയ്ക്കുക.
മനസിലുള്ളത് പറയുക
നിങ്ങളുടെ സുഹൃത്തുമായി സംഭാഷണം പുനരാരംഭിക്കണമെന്ന് നിങ്ങള് ആഗ്രഹിക്കുന്നുവെങ്കില്, നിങ്ങളുടെ വികാരങ്ങള് മറ്റൊരാളോട് പ്രകടിപ്പിക്കുന്നത് ഫലപ്രദമായിരിക്കും. ആത്മാര്ത്ഥമായി പ്രകടിപ്പിക്കുകയാണെങ്കില് ഇത് ബന്ധത്തിലെ അകലം കുറയ്ക്കുകയും നിങ്ങള് അവരെ ശരിക്കും ശ്രദ്ധിക്കുന്നുണ്ടെന്ന് ആ വ്യക്തിയെ അറിയിക്കുകയും ചെയ്യും.
എന്തെങ്കിലും സംഭവം അറിയിക്കാം
ദിവസങ്ങളോളം സംസാരിക്കാതിരുന്ന ശേഷം പെട്ടെന്ന് ഒരു സുഹൃത്തിനോട് സംസാരിക്കാന് പറ്റിയ മാര്ഗമാണിത്. എന്തെങ്കിലും രസകരമായ സംഭവമോ അല്ലെങ്കില് നിങ്ങള്ക്ക് പറ്റിയൊരു അബദ്ധമോ അവര്ക്ക് അയച്ച് അവരോട് വീണ്ടും സംസാരം തുടങ്ങാവുന്നതാണ്.
ക്ഷമ ചോദിക്കുന്നതില് തെറ്റില്ല
നിങ്ങളുടെ ഏതെങ്കിലും പ്രവൃത്തി മറ്റൊരാളെ വേദനിപ്പിച്ചിട്ടുണ്ടെങ്കില്, ക്ഷമ ചോദിക്കുന്നതാണ് കാര്യങ്ങള് ശരിയാക്കാനുള്ള പ്രധാന മാര്ഗം. 'ക്ഷമിക്കണം' എന്ന വാക്ക് പല ആഘാതങ്ങളെയും മയപ്പെടുത്താൻ സഹായിക്കും. കൂടാതെ സംസാരിക്കാതിരിക്കാനുള്ള അവരുടെ തീരുമാനത്തെ മാനിക്കുന്ന ഒരു വാചകം നിങ്ങള് ആരംഭിക്കുമ്പോൾ അത് അവരുടെ അതിരുകളെ നിങ്ങള് ബഹുമാനിക്കുന്നതിനെക്കുറിച്ച് അവര്ക്ക് നല്ല മതിപ്പ് നല്കും. അത് എല്ലായ്പ്പോഴും ഫലപ്രദമായ മാര്ഗമാണ്.