എന്തുകൊണ്ടാണ് നിങ്ങളെ ആരും പ്രണയിക്കാത്തത്?

സ്ത്രീകളെ ആകര്‍ഷിക്കാന്‍ പ്രത്യേക നിയമങ്ങളൊന്നുമില്ലെന്നാണ് പൊതുവെയുള്ള പറച്ചില്‍. ആര്‍ക്ക് ആരെയാണ് ഇഷ്‍ടമാകുന്നതെന്ന് പ്രവചിക്കാനാകില്ലല്ലോ. പക്ഷേ, ചിലപ്പോഴെങ്കിലും തോന്നാറുണ്ടോ, എന്തുകൊണ്ടാണ് നിങ്ങളെ ഒരു പെണ്‍കുട്ടിയും പ്രണയിക്കാത്തത് എന്ന്. ഇതൊക്കെയാകാം കാരണങ്ങള്‍

1. പെണ്‍കുട്ടികളോട് അടുപ്പം തീരെയില്ലേ. അവരോട് സംസാരിക്കാന്‍ ജാള്യത അനുഭവപ്പെടാറുണ്ടോ, പൊതുവെ ഇത്തരം സ്വഭാവം പ്രകടിപ്പിക്കുന്നവരോട് റൊമാന്‍സ് പ്രകടിപ്പിക്കുന്നത് ബുദ്ധിമുട്ടാണെന്നാണ് പെണ്‍കുട്ടികള്‍ കരുതുക.

2. അടയാളങ്ങള്‍ തിരിച്ചറിയാനാകുന്നില്ലേ. ചിലപ്പോള്‍ പെണ്‍കുട്ടികള്‍ അടുപ്പത്തോടെ സംസാരിക്കും. അത് ഒരു സൗഹൃദത്തിന്‍റെ അടയാളമാകാം. അത് തിരിച്ചറിയാതെ ഇടപെട്ടാല്‍ ആ ബന്ധം തകരും.

3. നിങ്ങള്‍ ഒരു സെക്സിസ്റ്റ് സ്വഭാവമുള്ളയാളാണോ. സെക്സിസ്റ്റ് എന്ന് വിളിക്കുന്നത് സ്ത്രീകളെ തരംതാഴ്‍ത്തുന്ന രീതിയില്‍ ഇടപെടുന്നവരെയാണ്. മറ്റൊരാളെ താഴ്ത്തിക്കെടുന്നവരെ ആര്‍ക്കും ഇഷ്‍ടപ്പെടമാകില്ല.

4. നിങ്ങളുടെ തമാശകള്‍ ശരിക്കും തമാശകള്‍ തന്നെയാണോ. ആളുകളെ മോശപ്പെടുത്തുന്ന തമാശകള്‍ പറയുന്നത് അവരെ ചൊടിപ്പിക്കും. കളിയാക്കലിന് ഒരു പരിധിയുണ്ട്. ഇതറിഞ്ഞ് പെരുമാറണം.

5. എപ്പോഴാണ് നിര്‍ത്തേണ്ടത് എന്ന് അറിയണം. നിങ്ങളുടെ പെരുമാറ്റം ശല്യമാണെന്ന് തോന്നിയാല്‍ പെണ്‍കുട്ടികള്‍ വഴുതി മാറും. ഈ സാഹചര്യങ്ങള്‍ മനസിലാക്കിവേണം പെരുമാറുന്നത്. വീണ്ടും വീണ്ടും ശല്യം ചെയ്‍താല്‍ നിങ്ങള്‍ക്ക് ഒരിക്കലും ആ ബന്ധം തുടരാന്‍ കഴിഞ്ഞേക്കില്ല.

6. ആരെയും സ്വീകരിക്കുമെന്ന നിലപാട് വേണോ. ആരായാലും വേണ്ടില്ല പ്രേമിച്ചാല്‍ മതിയെന്നതാണ് നിങ്ങളുടെ നിലപാടെങ്കില്‍ മിക്കവാറും ഒരാളോടും ആത്മാര്‍ഥത പുലര്‍ത്താന്‍ നിങ്ങള്‍ക്കാകില്ല.

വിവരങ്ങള്‍ക്ക് കടപ്പാട് - MensXP