കാസര്കോട് നിന്നും കാണാതായ 18കാരി ആലപ്പുഴയില്; ഒപ്പം വിവാഹിതനായ 26കാരനും
കാസര്കോട് നിന്നും കാണാതായ 18കാരിയെ ആലപ്പുഴയില് നിന്നും കണ്ടെത്തി. 26കാരനായ യുവാവിനൊപ്പമാണ് പെണ്കുട്ടിയെ കണ്ടെത്തിയത്. കഴിഞ്ഞ വെള്ളിയാഴ്ചയാണ് കാസര്കോട് നിന്നും പെണ്കുട്ടിയെ കാണാതാകുന്നത്. തുടര്ന്ന് പെണ്കുട്ടിയുടെ മാതാപിതാക്കള് യുവാവിനെതിരെ കാസര്കോട് പോലീസിന് പരാതി നല്കിയിരുന്നു. ഇരുവരും ആലപ്പുഴയലുണ്ടെന്ന വിവരം ലഭിച്ചതിനെ തുടര്ന്ന് കാസര്കോട് പോലീസ് ആലപ്പുഴ പോലീസിന് വിവരം കൈമാറുകയായിരുന്നു.
Lipi 23 Mar 2022, 12:56 pm
ഹൈലൈറ്റ്:
- കാസര്കോട് നിന്നും കാണാതായ 18കാരിയെ കണ്ടെത്തി
- ആലപ്പുഴയില് നിന്നാണ് 26കാരനൊപ്പം പെണ്കുട്ടിയെ കാണാതാകുന്നത്
- റെയില്വേ സ്റ്റേഷനില്വെച്ച് ആലപ്പുഴ പോലീസ് ഇവരെ കസ്റ്റഡിയിലെടുക്കുകയായിരുന്നു
ആലപ്പുഴ(Alappuzha): കാസര്കോട്ട് നിന്നും കഴിഞ്ഞ ദിവസം കാണാതായ 18കാരിയെ ആലപ്പുഴയില് നിന്നും കണ്ടെത്തി. ആലപ്പുഴ ടൂറിസം പോലീസാണ് 26കാരനായ യുവാവിനൊപ്പം പെണ്കുട്ടിയെ കണ്ടത്. വിവാഹിതനും രണ്ടുകുട്ടികളുടെ പിതാവുമായ യുവാവിനൊപ്പമാണ് കാസര്കോട് സ്വദേശിനിയായ യുവതി ആലപ്പുഴയില് എത്തിയത്. റെയില്വേ പോലീസ് സ്റ്റേഷനില്നിന്നും പിടികൂടിയ ഇരുവരെയും കാസര്കോട് പോലീസിന് കൈമാറി.
കഴിഞ്ഞ വെള്ളിയാഴ്ചയാണ് പെണ്കുട്ടിയെ കാസര്കോട് നിന്നും കാണാതാകുന്നത്. പെണ്കുട്ടിയുടെ മാതാപിതാക്കള് ഇത് സംബന്ധിച്ച് കാസര്കോട് പോലീസില് പരാതി നല്കിയിരുന്നു. പരാതിയിന്മേല് കേസെടുത്ത് അന്വേഷണം ആരംഭിച്ച കാസര്കോട് പോലീസ് ഇവരെ നിരീക്ഷിച്ച് വരികയായിരുന്നു.
Alappuzha: ആദ്യം കൃഷിക്കാര്യം പിന്നെ പഠനം; സ്കൂള് വളപ്പിലെ പച്ചക്കറി കൃഷി സൂപ്പര്ഹിറ്റ്, വീഡിയോ
പെണ്കുട്ടിയും യുവാവും ആലപ്പുഴയിലുണ്ടെന്ന സൂചന ലഭിച്ചതിനെ തുടര്ന്ന് കാസര്കോട് പോലീസ് ആലപ്പുഴ പോലീസിനെ വിവരം അറിയിക്കുകയായിരുന്നു. കായല് സഞ്ചാരത്തിന് ശേഷം ഇവര് റെയില്വേ സ്റ്റേഷനിലെത്തിയ വിവരം ടൂറിസം പോലീസിന് ലഭിക്കുകയായിരുന്നു. റെയില്വേ സ്റ്റേഷനിലെ വിശ്രമമുറിയില് നിന്നും ഇവരെ കസ്റ്റഡിയിലെടുത്ത ആലപ്പുഴ ടൂറിസം പോലീസ് കാസര്കോട് പോലീസിന് കൈമാറുകയായിരുന്നു. ടൂറിസം എസ്ഐ പി ജയറാം, പോലീസ് ഉദ്യോഗസ്ഥരായ രഞ്ജിത, സീമ, കോസ്റ്റല് വാര്ഡന് രഞ്ജിത്ത് എന്നിവര് ചേര്ന്നാണ് ഇരുവരെയും കണ്ടെത്തിയത്.
Topic: Alappuzha news, Woman missing from Kasargod, Woman missing case