ആലപ്പുഴ: ജില്ലയില്‍ ഇന്ന് 2353 പേര്‍ക്ക് കൊവിഡ് സ്ഥിരീകരിച്ചു. 2331 പേര്‍ക്കും സമ്പര്‍ക്കത്തിലൂടെയാണ് രഗബാധ. രോഗബാധിതരില്‍ 3 പേര്‍ ഇതര സംസ്ഥാനത്ത് നിന്നും ഒരാള്‍ വിദേശത്ത് നിന്നും എത്തിയതാണ്. 18 പേരുടെ രോഗ ഉറവിടം വ്യക്തമല്ല. 1020 പേരാണ് ജില്ലയില്‍ ചൊവ്വാഴ്ച രോഗമുക്തരായത്. ഇതോടെ ആകെ രോഗമുക്തരായവരുടെ എണ്ണം 126579 ആയി. 21593 പേരാണ് ഇപ്പോള്‍ ആകെ ചികിത്സയില്‍ കഴിയുന്നത്. 24.18 ആണ് ജില്ലയിലെ ടെസ്റ്റ് പോസിറ്റിവിറ്റി നിരക്ക്.
അതേ സമയം ജില്ലയിലെ രണ്ട് പഞ്ചായത്തുകള്‍ പൂര്‍ണമായും കണ്ടൈന്‍മെന്റ് സോണാക്കി. അരൂര്‍, പുന്നപ്ര തെക്ക് പഞ്ചായത്തുകളാണ് പൂര്‍ണമായും കണ്ടൈന്‍മെന്റ് സോണാക്കി പ്രഖ്യാപിച്ചത്. തഴക്കര പഞ്ചായത്തിലെ എട്ടാം വാര്‍ഡ്, കുത്തിയതോട്ടില്‍ 3,6,9,13 വാര്‍ഡുകള്‍, പാലമേലില്‍ 13-ാം വാര്‍ഡ്, വീയപുരം, തലവടി പഞ്ചായത്തുകളിലെ ഒന്നാം വാര്‍ഡുമാണ് കണ്ടൈന്‍മെന്റ് സോണാക്കിയത്