ആലപ്പുഴ: കൊവിഡ് ബാധിച്ച് ചികിത്സയിലായിരുന്ന സ്ത്രീ മരിച്ചു. വീയപുരം കാരിച്ചാൽ സ്വദേശിനി രാജം എസ് പിള്ള(74)യാണ് മരിച്ചത്. ക്യാൻസർ ചികിത്സക്കായി എറണാകുളം ലേക് ഷോർ ആശുപത്രിയിൽ പ്രവേശിപ്പിച്ച ഇവർക്ക് ആശുപത്രിയിൽ നിന്നാണ് രോഗം ബാധിച്ചത്.
Also Read: മഴ ശക്തം; കൊവിഡിനൊപ്പം വെള്ളപ്പൊക്കവും കടലാക്രമണവും ഉണ്ടാകാൻ സാധ്യതയെന്ന് മുന്നറിയിപ്പ്
രാജം ഉൾപ്പടെ സംസ്ഥാനത്ത് ഇന്ന് മൂന്ന് പേർ കൊവിഡ് ബാധിച്ച് മരിച്ചു. രാജത്തെ ആശുപത്രിയിൽ സന്ദർശിച്ച മൂന്ന് ബന്ധുക്കൾക്കും രോഗം സ്ഥിരീകരിച്ചിട്ടുണ്ട്. അതെ സമയം, പെരുമ്പാവൂരിന് സമീപം ലോറി അപകടത്തിൽ മരിച്ചയാളുടെ മൃതദേഹം മാറ്റിയ സംഘത്തിലെ ഗ്രേഡ് എസ്ഐക്ക് കൊവിഡ് സ്ഥിരീകരിച്ചു. അപകടത്തിൽ മരിച്ചയാൾക്ക് കൊവിഡ് സ്ഥിരീകരിച്ചിരുന്നു.