ആലപ്പുഴ(Alappuzha): സിൽവർ ലൈനുമായി ബന്ധപ്പെട്ട് കോടതിയുടെ ചോദ്യങ്ങൾക്കുള്ള മറുപടി നൽകുമെന്ന് കെ-റെയിൽ മാനേജിംഗ് ഡയറക്ടർ വി അജിത്ത് കുമാർ. ചോദ്യങ്ങൾ സ്വാഭാവികമാണ്. അവയ്ക്ക് കൃത്യവും വ്യക്തവുമായ മറുപടി നൽകും. ഇതും വളരെ സ്വാഭാവികമായ പ്രക്രിയയാണ്. ഇതെല്ലായിടത്തും നടക്കുന്നത് തന്നെയാണ്. അവയെ ആ രീതിയിൽ തന്നെയാണ് കാണുന്നത്. അതുകൊണ്ട് തന്നെ ചോദ്യങ്ങൾക്ക് ബന്ധപ്പെട്ട അധികൃതർ മറുപടി നൽകുമെന്നും വി അജിത് കുമാർ ആലപ്പുഴയിൽ വ്യക്തമാക്കി.
ദേശീയ റെയിൽ പദ്ധതിയുടെ ഭാഗമായ എല്ലാ പദ്ധതികളും 2030ൽ പൂർത്തിയാക്കുമെന്ന് കേന്ദ്ര ബഡ്ജറ്റിൽ ധനകാര്യ വകുപ്പ് തന്നെ പറഞ്ഞിട്ടുള്ളതാണെന്നും പിന്നെ എന്തിനാണ് ഇതിനെതിരെ ചിന്തിക്കുന്നതെന്നും അദ്ദേഹം ചോദിച്ചു. പദ്ധതിയുമായി ബന്ധപ്പെട്ട് എത്ര വീടുകൾ നഷ്ടമാകുമെന്ന് സാമൂഹിക ആഘാത പഠനത്തിന് ശേഷമേ ബോധ്യമാകൂയെന്നും കെ-റെയിൽ എംഡി ആലപ്പുഴയിൽ പറഞ്ഞു.
Topic: Alappuzha, K-Rail, silver line