ആലപ്പുഴ: തല്ലെന്നുപറഞ്ഞാൽ നല്ല ഒന്നാന്തരം നാടൻ തല്ല്.. പറഞ്ഞുവരുന്നത് ആറാട്ടുപുഴയിൽ നടന്ന നല്ല നാടൻ തല്ലിനെപ്പറ്റിയാണ്. സമൂഹ്യമാധ്യമങ്ങളിൽ ഇതിനോടകം വൈറലായ നാടൻ തല്ലിന്റെ ദൃശ്യങ്ങൾ പകർത്തിയത് ഒരു കോച്ച് മിടുക്കനാണ്. പെരുമ്പള്ളി സ്വദേശിയായ അർജുൻ എന്ന ഒൻപതാംക്ലാസുകാരനാണ്.
Also Read: ഗാനം എഴുതി 26 വർഷങ്ങൾക്ക് ശേഷം അംഗീകാരം; പെയിന്റിങ്ങ് തൊഴിലാളിയിൽ നിന്ന് നാടന്പാട്ട് കലാകാരനായി വളർന്ന ജിതേഷ് ഓർമയാകുമ്പോൾ
ഫോണിൽ ഗെയിം കളിച്ചുകൊണ്ടിരിക്കെ ഒരു ബഹളം കേട്ട് ഓടിയെത്തിയപ്പോഴാണ് വഴിത്തർക്കത്തെ തുടർന്ന് ഉണ്ടായ കൂട്ടയടി കാണുന്നത്. വീഡിയോ ചിത്രീകരണത്തിൽ ഏറെ തത്പരനായ അർജുൻ സമീപം അടി കണ്ടുകൊണ്ട് നിന്നയാളുടെ ഫോണിൽ ദൃശ്യങ്ങൾ പകർത്തി. ദൃശ്യം പകർത്തുന്നതിനിടെ വീണ് അർജുന്റെ നെറ്റിക്ക് സാരമായി പരിക്കേൽക്കുകയും ചെയ്തു. ഈ ദൃശ്യങ്ങൾ ഇതിനോടകം സമൂഹ്യമാധ്യമങ്ങളിൽ വൈറലാകുകയും കേരളത്തിന് അകത്തും പുറത്തുമുള്ള മാധ്യമങ്ങളിൽ ഇത് വാർത്തയാവുകയും ചെയ്തിരുന്നു. കൊവിഡ് കാലത്തെ ഇത്തരം രീതികൾക്കെതിരെ വിമർശനങ്ങളും ഉയർന്നിരുന്നു.