വരൻ്റെ സുഹൃത്തുക്കൾ രണ്ടാമതും പപ്പടം ചോദിച്ചു, നൽകില്ലെന്ന് വിളമ്പുകാർ, കൂട്ടയടി, സംഭവം ആലപ്പുഴയിൽ

ആലപ്പുഴ: രണ്ടാമതും പപ്പടം നൽകാത്തതിനെ ചൊല്ലിയുണ്ടായ തർക്കം കൂട്ടത്തല്ലിൽ കലാശിച്ചു. ആലപ്പുഴ ഹരിപ്പാട് സ്വകാര്യ ഓഡിറ്റോറിയത്തിൽ കഴിഞ്ഞ ദിവസം നടന്ന വിവാഹ ചടങ്ങിലാണ് സംഘർഷമുണ്ടായത്. ചക്രവാതച്ചുഴി; 9 ജില്ലകളിൽ മഴ ഇന്ന് കനത്തേക്കും, യെല്ലോ അലേർട്ട്, മുന്നറിയിപ്പ്
ഇരു വിഭാഗങ്ങളും തമ്മിലുള്ള സംഘർഷത്തിൽ മുരളീധരൻ (65), ജോഹൻ (24) ഹരി (21) എന്നിവർക്ക് പരിക്കേറ്റു. സംഭവത്തിൽ കരീലകുളങ്ങര പോലീസ് കേസെടുത്ത് അന്വേഷണം ആരംഭിച്ചു.

ഹരിപ്പാട് മുട്ടത്തെ സ്വകാര്യ ഓഡിറ്റോറിയത്തിൽ കഴിഞ്ഞ ദിവസം നടന്ന വിവാഹത്തിടെയാണ് പപ്പടത്തെ ചൊല്ലി തർക്കമുണ്ടായത്. വരൻ്റെ സുഹൃത്തുക്കളിൽ ചിലർ പപ്പം ആവശ്യപ്പെട്ടു. പപ്പടം രണ്ടാമതും നൽകാൻ കഴിയില്ലെന്ന് വിളമ്പുന്നവർ അറിയിച്ചതോടെ വാക്കുതർക്കമുണ്ടായി.

കൊച്ചുമക്കളോടൊത്ത് കോടിയേരി; 'പ്രിയ സഖാവ് എത്രയും വേഗം തിരിച്ചെത്തട്ടെ'; രാഷ്ട്രീയം മറന്ന് ആശംസകളുമായി നേതാക്കൾ
തർക്കം രൂക്ഷമായതോടെ ഇരു വിഭാഗവും തമ്മിൽ ഏറ്റുമുട്ടുകയായിരുന്നു. സംഘർഷത്തിനിടെ ഓഡിറ്റോറിയത്തിനെ കസേരകളും മേശകളും ഉപയോഗിച്ച് മർദിക്കുകയും ചെയ്തു.

ആലപ്പുഴ ജില്ലയിലെ മുഴുവൻ വാ‍ര്‍ത്തകളും ഒറ്റ ക്ലിക്കിൽ ഇവിടെ വായിക്കാം