കായംകുളത്ത് ആന്‍റീജൻ പരിശോധനയിലൂടെ ഒരാൾക്ക് കൂടി കൊവിഡ്; സമ്പര്‍ക്കത്തിലൂടെ ശനിയാഴ്ച 4 പേര്‍ക്ക് രോഗം സ്ഥിരീകരിച്ചു

ആലപ്പുഴ: കായംകുളത്ത് ആന്‍റീജൻ പരിശോധനയിലൂടെ ഒരാൾക്ക് കൂടി കൊവിഡ് സ്ഥിരീകരിച്ചു. സമ്പർക്കപ്പട്ടികയിലുള്ള മുപ്പതോളം പേരുടെ ആന്‍റിജൻ പരിശോധന നടത്തിയതിലാണ് ഇയാൾക്ക് രോഗം സ്ഥിരീകരിച്ചത്. സമ്പർക്കത്തിലൂടെ ആകെ 4 പേർക്കാണ് കായംകുളത്ത് ശനിയാഴ്ച കൊവിഡ് സ്ഥിരീകരിച്ചത്. ഇതിൽ ഒരാൾക്ക് ആന്‍റീജൻ പരിശോധനയിലൂടെ രോഗം സ്ഥിരീകരിക്കുകയായിരുന്നു.

Also Read: കോഴിക്കോട്ട് നാലായിരത്തോളം രോഗികള്‍ ഉണ്ടായേക്കാമെന്ന് റിപ്പോര്‍ട്ട്; നിരീക്ഷണം കര്‍ശനമാക്കും... മുന്നൊരുക്കങ്ങളുമായി ജില്ലാ ഭരണകൂടം

നഗരസഭാ ഒമ്പതാം വാർഡിലുള്ളയാൾക്കാണ് രോഗം സ്ഥിരീകരിച്ചത്. അഞ്ചാം വാർഡിലുള്ളവരാണ് ബാക്കി മൂന്ന് പേര്‍. കായംകുളത്തെ മത്സ്യ മൊത്തവ്യാപാര കേന്ദ്രവുമായി ബന്ധപ്പെട്ട ഒരാൾക്കും മത്സ്യ മൊത്തവ്യാപാര കേന്ദ്രവുമായിബന്ധപ്പെട്ടവരുടെ സമ്പർക്കത്തിലുള്ള 6 വയസും 2 വയസും ഉള്ള കുട്ടികൾക്കുമാണ് രോഗം സ്ഥിരീകരിച്ചത്. ഇതുവരെയും സമ്പർക്കത്തിലൂടെ രോഗം സ്ഥിരീകരിച്ചത് അധികവും മൊത്ത മത്സ്യവ്യാപാര കേന്ദ്രവുമായി ബന്ധപ്പെട്ടാണ്.

Also Read: കോഴിക്കോട് 32 പേര്‍ക്ക് കൂടി കൊവിഡ്; ആൻ്റിജന്‍ ടെസ്റ്റില്‍ 17 പേര്‍ക്ക് രോഗബാധ

അതേസമയം ഇന്ന് കായംകുളം മണ്ഡലത്തിലെ 11 പേർക്കാണ് കൊവിഡ് സ്ഥിതീകരിച്ചത്. കായംകുളം നഗരസഭക്ക് പുറമെ ചെട്ടികുളങ്ങര, കൃഷ്ണപുരം പഞ്ചായത്തുകളിൽ രണ്ട് കേസ് വീതവും. കണ്ടല്ലൂർ, ദേവികുളങ്ങര പഞ്ചായത്തുകളിൽ ഒന്നും വീതവും ആണ് കൊവിഡ് സ്ഥിരീകരിച്ചത്. ഇന്ന് മണ്ഡലത്തിൽ 5 പേർക്കാണ് രോഗം ഭേദമായത് കായംകുളം നഗരസഭയിൽ നാല് പേർക്കും, ഭരണിക്കാവ് പഞ്ചായത്തിൽ ഒന്നും ആണ് രോഗം ഭേദമായവരുടെ പഞ്ചായത്ത് തിരിച്ചുള്ള കണക്ക്. ഇതുവരെ 182 പേർക്കാണ് കായംകുളം മണ്ഡലത്തിൽ കൊവിഡ് സ്ഥിതീകരിച്ചത് അതിൽ 87 പേർക്ക് ഇതുവരെ രോഗം ഭേദമായിട്ടുണ്ട്, ഇപ്പോൾ ചികിത്സയിലുള്ളത് 95 പേരാണ്.