പൂച്ചാക്കൽ: തൈക്കാട്ടുശ്ശേരി ബ്ലോക്ക് അതിർത്തിയിലെ കൊവിഡ് പ്രതിരോധ പ്രവർത്തന അവലോകനയോഗം നടത്തി. നിയുക്ത അരൂർ എംഎൽഎ. ദലീമ മുൻകൈ എടുത്താണ് യോഗം വിളിച്ചത്. ബ്ലോക്ക് പഞ്ചായത്തിന്റെ നേതൃത്വത്തിൽ ഫസ്റ്റ് ലൈൻ ട്രീറ്റ്മെൻറ് സെൻറർ തുടങ്ങുക, എല്ലാ പഞ്ചായത്തിലും അടിയന്തരമായി ജാഗ്രതാ സമിതി ചേരുക, കൊവിഡ് രോഗികളെ കൊണ്ടുപോകുന്നതിനു വാഹനങ്ങൾ ക്രമീകരിക്കുക, പെരുമ്പളം ദ്വീപിന്റെ പ്രത്യേക സാഹചര്യം കണക്കിലെടുത്ത്, സമ്പൂർണ അടച്ചിടലാണെങ്കിലും കൊവിഡ് നിയന്ത്രണമില്ലാത്ത ഉദ്യോഗസ്ഥർക്ക് ദ്വീപിലെത്താൻ ജങ്കാർ സംവിധാനം ഉറപ്പാക്കാൻ കളക്ടറോട് ശുപാർശ ചെയ്യുക തുടങ്ങിയ നിർദേശങ്ങൾ ദലീമ മുന്നോട്ടുവെച്ചു.
കൊവിഡ് പരിശോധനാ സാമഗ്രികളുടെ ലഭ്യത ഉറപ്പാക്കുക, അനാവശ്യയാത്രകൾ ഒഴിവാക്കുന്നതിനു പോലീസ് പട്രോളിങ് ഊർജിതമാക്കുക, ആരോഗ്യമേഖലയിലെ ഉദ്യോഗസ്ഥരുടെ കുറവ് പരിഹരിക്കുക, സാമൂഹിക അടുക്കള ആരംഭിക്കുക തുടങ്ങിയ നിർദേശങ്ങളും ഉണ്ടായി. ബ്ലോക്ക് കോൺഫ്രൻസ്ഹാളിൽ ചേർന്ന യോഗത്തിൽ ബ്ലോക്ക് പഞ്ചായത്ത് പ്രസിഡന്റ് പി.എം. പ്രമോദ് അധ്യഷനായി. ആരോഗ്യവകുപ്പ് ജീവനക്കാർ, ആശ പ്രവർത്തകർ തുടങ്ങിയവർ പങ്കെടുത്തു.
ആലപ്പുഴ ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ
കൊവിഡ് പരിശോധനാ സാമഗ്രികളുടെ ലഭ്യത ഉറപ്പാക്കുക, അനാവശ്യയാത്രകൾ ഒഴിവാക്കുന്നതിനു പോലീസ് പട്രോളിങ് ഊർജിതമാക്കുക, ആരോഗ്യമേഖലയിലെ ഉദ്യോഗസ്ഥരുടെ കുറവ് പരിഹരിക്കുക, സാമൂഹിക അടുക്കള ആരംഭിക്കുക തുടങ്ങിയ നിർദേശങ്ങളും ഉണ്ടായി. ബ്ലോക്ക് കോൺഫ്രൻസ്ഹാളിൽ ചേർന്ന യോഗത്തിൽ ബ്ലോക്ക് പഞ്ചായത്ത് പ്രസിഡന്റ് പി.എം. പ്രമോദ് അധ്യഷനായി. ആരോഗ്യവകുപ്പ് ജീവനക്കാർ, ആശ പ്രവർത്തകർ തുടങ്ങിയവർ പങ്കെടുത്തു.
ആലപ്പുഴ ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ