ഓടിക്കൊണ്ടിരുന്ന വാഹനം കത്തിച്ചാമ്പലായി! സംഭവം ആലപ്പുഴ ബൈപ്പാസിൽ, വീഡിയോ കാണാം

ആലപ്പുഴ: ആലപ്പുഴ ബൈപ്പാസിൽ വാഹനത്തിന് തീപിടിച്ചു. ഫ്ലൈ ഓവറിൻ്റെ മധ്യഭാഗത്തു വെച്ച് മാരുതി ഓമ്‍നി വാനിനാണ് തീപിടിച്ചത്. ഫയർ ഫോഴ്സെത്തി തീയണച്ചു. വാഹനം പൂർണമായും കത്തിച്ചാമ്പലായി. ഫാൻ, വാഷിങ് മെഷീൻ എന്നിവ മാർക്കറ്റ് ചെയ്യുന്ന ആലപ്പുഴ വഴിച്ചേരിയിലെ മാർക്കറ്റിങ് സ്ഥാപനത്തിലെ വാഹനത്തിനാണ് തീപിടിച്ചത്.
അരൂക്കുറ്റി പെട്രോൾ പമ്പിൽ ആക്രമണം; 2 യുവാക്കൾക്ക് പരിക്ക്, വീഡിയോ കാണാം

ഇരവുകാട് സ്വദേശിയും സ്ഥാപനത്തിലെ ജീവനക്കാരനുമായ ജിഷ്ണുവാണ് വാഹനം ഓടിച്ചിരുന്നത്. ബൈപ്പാസ് ഫ്ലൈ ഓവറിൻ്റെ മധ്യഭാഗത്ത് ഉച്ചയ്ക്ക് 12.45 നാണ് സംഭവം. വാഹനത്തിൻ്റെ ബാറ്ററി വെച്ചിരുന്ന പിൻഭാഗത്ത് നിന്നും ചൂട് വന്നതിനെ തുടർന്ന് വാഹനം നിർത്തി. ഈ സമയം പിൻഭാഗത്തു നിന്നും തീ ആളിപ്പടരുകയായിരുന്നു. ഫയർ ഫോഴ്സ് എത്തിയാണ് തീ അണച്ചത്. വാഹനം പൂർണമായും കത്തിനശിച്ചു. വേഗത്തിൽ രക്ഷാപ്രവർത്തനം നടത്തിയതിനാൽ പെട്രോൾ ടാങ്കിലേയ്ക്ക് തീ പടർന്നില്ല. ആലപ്പുഴയിൽ നിന്നും ചങ്ങനാശേരിയിലേക്ക് പോകുകയായിരുന്നു ഓമ്നി വാൻ. സംഭവത്തെ തുടർന്ന് ബൈപ്പാസിൽ കുറച്ചുനേരം ഗതാഗത തടസം ഉണ്ടായി.

കയറ്റി അയക്കുന്നത് ഒരു കോടി രൂപയുടെ നൂല്‍... വീണ്ടും ചരിത്രം സൃഷ്ടിച്ച് ആലപ്പുഴ സഹകരണ സ്പിന്നിംഗ് മിൽ, വീഡിയോ കാണാം






ആലപ്പുഴ ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ

ആലപ്പുഴ ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ