തീ ആളിപ്പടരുന്നത് കണ്ടത് പള്ളിയിൽ എത്തിയവർ; കായംകുളത്തെ പ്രിൻ്റിങ് സ്ഥാപനത്തിൽ വൻ നാശനഷ്ടം, കാരണം ഷോർട്ട് സർക്യൂട്ട്? വീഡിയോ

കായംകുളം (Alappuzha): കായംകുളത്തെ പ്രമുഖ പ്രിൻ്റിങ് ആൻഡ് അക്‌സസറീസ് സ്ഥാപനത്തിലെ തീപിടിത്തത്തിൽ വൻ നാശനഷ്ടം. കായംകുളം ഒഎൻകെ ജംഗ്ഷനിൽ റാണി ഗ്രൂപ്പിൻ്റെ ഉടമസ്ഥതയിലുള്ള സ്ഥാപനത്തിലാണ് തീപിടിത്തമുണ്ടായത്. കാർ ആക്സസറീസും ഡിജിറ്റൽ പ്രിൻ്റിങ്ങും അടക്കമുള്ള സ്ഥാപനത്തിലാണ് സംഭവം. എംഡിഎംഎയും സ്റ്റാമ്പുകളും... ആലപ്പുഴ ലഹരി പിടിയിലോ? വീഡിയോ കാണാം

ഇന്ന് പുലർച്ചെ 4. 30 ഓടെയാണ് സംഭവം. സമീപത്തെ മസ്ജിദിൽ നമസ്കാരത്തിനായി എത്തിയവരാണ് സ്ഥാപനത്തിൽ തീ ആളിപ്പടരുന്നത് കണ്ടത്. ഉടൻ തന്നെ കായംകുളം ഫയർ ഫോഴ്സിനെ വിവരം അറിയിക്കുകയും കായംകുളം, മാവേലിക്കര, ഹരിപ്പാട് എന്നിവിടങ്ങളിൽ നിന്ന് നാല് യൂണിറ്റ് ഫയർ ഫോഴ്സ് എത്തി തീ അണക്കുകയും ചെയ്തു.

അമ്പലങ്ങൾ കേന്ദ്രീകരിച്ച് മോഷണം: പൂവരണി ജോയിയും സംഘവും കുടുങ്ങി, വീഡിയോ കാണാം

കാർ ആക്സസറീസ് പൂർണമായും കത്തിനശിച്ചു. ഏതാനും പ്രിൻ്റിങ് ഉപകരണങ്ങളും നശിച്ചിട്ടുണ്ട്. കല്യാണക്കുറികൾ, പ്രിൻ്റിങ്ങിനായി ഉപയോഗിക്കുന്ന പേപ്പറുകൾ എന്നിവ പൂർണമായും നശിച്ചു. ഷോർട്ട് സർക്യൂട്ട് ആകാം തീപിടിത്തത്തിനു കാരണമെന്നാണ് പ്രാഥമിക നിഗമനം. കോടികളുടെ നാശനഷ്ടം ഉണ്ടായതായി സ്ഥാപന ഉടമകൾ പറഞ്ഞു.


ആലപ്പുഴ ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ

ആലപ്പുഴ ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ

Topic: Alappuzha News, Alappuzha Shop Fire, Kayamkulam Fire