ആലപ്പുഴ: കുമ്പളങ്ങി നൈറ്റ്സിലൂടെ കലാസംവിധായകനുള്ള ചലച്ചിത്ര പുരസ്കാരം നേടി കുട്ടനാട്ടുകാരൻ.
കുട്ടനാട് തലവടി സ്വദേശി ജ്യോതിഷ് ശങ്കറാണ് സംസ്ഥാന പുരസ്കാരം കുട്ടനാട്ടിലേക്ക്എത്തിച്ചത്.
ആൻഡ്രോയിഡ് കുഞ്ഞപ്പൻ, വൈറസ് എന്നീ സിനിമകളുടെ കലാസംവിധായകനായിരുന്നു.
കുമ്പളങ്ങി നൈറ്റ്സിന്റെ കലാസംവിധാനത്തിനാണ് ഇപ്പോൾ പുരസ്കാരം തേടിയെത്തിയിരിക്കുന്നത്. ജ്യോതിഷ് 35 സിനിമകളിൽ കലാസംവിധാനം നിർവഹിച്ചിട്ടുണ്ട്. മാവേലിക്കര രവിവർമ കോളേജിൽനിന്ന് ഫൈൻ ആർട്സിൽ ഡിപ്ലോമ നേടിയശേഷമാണ് സിനിമയിലേക്കു തിരിഞ്ഞത്.
Also Read: വസ്ത്രാലങ്കാരത്തിലെ അവാര്ഡുകാരന് ഇവിടെ പെയിന്റ് പണിയിലാണേ....
സാലു കെ. ജോർജിന്റെ സിനിമകളിൽ സഹ കലാസംവിധായകനായി തുടങ്ങിയ ജ്യോതിഷ് ‘ആദാമിന്റെ മകൻ അബു’ എന്ന സിനിമയിലൂടെയാണ് സ്വതന്ത്ര കലാസംവിധായകനാകുന്നത്.
ടൊവീനോ നായകനായ ‘കള’-യുടെ കലാസംവിധാനത്തിനിടെയാണ് അവാർഡ് ലഭിച്ചത്. തലവടി പഞ്ചായത്ത് പൗരാവലിയുടെ നേതൃത്വത്തിൽ ജ്യോതിഷിന് ഇന്ന് ജന്മനാട്ടിൽ സ്വീകരണം നൽകും.
ആലപ്പുഴ ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ