നെഹ്രുട്രോഫി വള്ളം കളി മാറ്റിവച്ചു; മൂന്നാം വർഷമാണ് ജലമേള മാറ്റിവക്കുന്നത്

ആലപ്പുഴ : നെഹ്റു ട്രോഫി ജലമേള മാറ്റി വച്ചു. എല്ലാ വർഷവും ആഗസ്റ്റ് മാസത്തിലെ രണ്ടാം ശനിയാഴ്ച നടത്തി വന്നിരുന്ന നെഹ്‌റു ട്രോഫി ജലമേള കൊവിഡ് 19ന്‍റെ പശ്ചാത്തലത്തിൽ ആണ് മാറ്റിവെച്ചത് എന്ന് നെഹ്‌റു ട്രോഫി ബോട്ട് റേസ് സൊസൈറ്റിയുടെ ചെയർമാൻ കൂടിയായ ആലപ്പുഴ ജില്ലാ കളക്ടർ അറിയിച്ചു. കഴിഞ്ഞ വർഷവും പ്രളയത്തിന്‍റെ പശ്ചാത്തലത്തിൽ വള്ളം കളി ആഗസ്റ്റ് അവസാനം ആണ് നടത്തിയത്.

Also Read: വീട്ടില്‍ നിന്നും ഐസ്‌ക്രീം ഉണ്ടാക്കി കഴിച്ചു; 16കാരി മരണപ്പെട്ടത് ഭക്ഷ്യവിഷബാധയേറ്റെന്ന് സംശയം, പിതാവ് അതീവ ഗുരതരവസ്ഥയില്‍

2018ലും പ്രളയം മൂലം നവംബറിൽ ആണ് നടത്തിയത്. ഇത് മൂന്നാം വർഷമാണ് നെഹ്രുട്രോഫി മാറ്റി വക്കുന്നത്. ആഗസ്റ്റ് മാസത്തിലെ ആദ്യ വാരമാണ് നെഹ്‌റുട്രോഫിക്ക് ആയി ക്ലബ്ബുകൾ ഒരുങ്ങുന്നത്. ഇക്കുറി വള്ളങ്ങളെല്ലാം പണി പൂർത്തിയായി ഷെഡിൽ തന്നെയാണ്. അവസാനവട്ട മിനുക്കുപണികൾ ഇന്ന് നടക്കേണ്ടിയിരുന്നത് ആണ്. വള്ളം കരയ്‌ക്ക്‌ കയറ്റി ചൂടുകൊടുത്ത് ജലാംശം പൂർണമായും നീക്കി പോളിഷ് ചെയ്യണം. പായലും അഴുക്കും കളഞ്ഞ് സ്‌ഫടികം പോലെയാക്കണം. കളിക്കിറക്കുന്ന വള്ളങ്ങൾ തിങ്കളാഴ്‌ച കരയ്‌ക്ക്‌ കയറ്റണം.

Also Read: ഒറിജിനലിനെ വെല്ലുന്ന സിംഹത്തല... അതും ചൂലുകൊണ്ട്, വീണ്ടും ഡാവിഞ്ചി സുരേഷ് മാജിക്ക്

വ്യാഴാഴ്‌ച വൈകിട്ടുവരെ ട്രയൽ നടക്കും. ശേഷം തുഴക്കാർക്കുള്ള ക്ലാസ്, യോഗ എന്നിവയുണ്ട്. സാധാരണഗതിയിലാണെങ്കില്‍ പവിലിയൻ, ട്രാക്ക്, സ്‌റ്റാർട്ടിങ് പോയിന്‍റിലെ സംവിധാനങ്ങൾ തുടങ്ങിയവ ഈ കാലയളവിൽ പൂർത്തിയായിരിക്കും. കൊവിഡ് തീവ്രത കുറയുന്നതനുസരിച്ച് നവംബർ, ഡിസംബർ മാസങ്ങളിൽ വള്ളംകളി നടത്താനാകുമോ എന്നാണ് ആലോചിക്കുന്നത്.