ആറ്റിലേക്കിറങ്ങിയാൽ കൂട്ടത്തോടെ ആക്രമണം! പള്ളിപ്പാട്ട് നീര്‍നായ്ക്കൾ ഭീഷണിയാകുന്നു

ആലപ്പുഴ: ഹരിപ്പാട് പള്ളിപ്പാട്ട് നീര്‍നായ്ക്കളുടെ ആക്രമണം. അച്ചൻകോവിലാറിൻ്റെ തീരപ്രദേശങ്ങളായ ഇരുപത്തിയെട്ടിൽ കടവ്, ഏഴുപറ കടവ്, നാലുകെട്ടും കവല എന്നിവിടങ്ങളിലാണ് നീര്‍നായ്ക്കൾ നാട്ടുകാര്‍ക്ക് തലവേദനയായി മാറുന്നത്. നീർനായ്ക്കളുടെ ആക്രമണത്തിൽ ഇതുവരെ പത്തോളം പേര്‍ക്ക് പരിക്കേറ്റു.

Also Read: ദലിത് പെണ്‍കുട്ടിയെ ഓട്ടോയില്‍ വച്ച് പീഡിപ്പിക്കാന്‍ ശ്രമം; ഒളിവിൽ പോയ ഡ്രൈവര്‍ അറസ്റ്റില്‍

വേനൽ കടുത്തതോടെ പ്രദേശവാസികള്‍ കുളിക്കാനും മറ്റ് ആവശ്യങ്ങള്‍ക്കും അച്ചൻകോവിലാറിനെയാണ് ആശ്രയിക്കുന്നത്. എന്നാൽ നീര്‍നായ്ക്കളുടെ ആക്രമണം ഭയന്ന് ആറ്റിലേക്ക് ഇറങ്ങാൻ കഴിയാത്ത അവസ്ഥയാണ്. നാലുകെട്ടും കവല മുതൽ ഇരുപത്തിയെട്ടിൽ കടവുവരെയാണ് ഇവയെ കൂടുതലായും കാണപ്പെടുന്നത്. തീരപ്രദേശത്തെ കുറ്റിക്കാടുകളാണ് നീര്‍നായ്ക്കളുടെ വാസസ്ഥലം.

Also Read: കൊയിലാണ്ടിയിൽ അതിഥി തൊഴിലാളികളുടെ പ്രതിഷേധം; ലാത്തിച്ചാർജ്

ആറ്റിലേക്ക് ഇറങ്ങുന്നതോടെ ഇവ കൂട്ടമായെത്തി ആക്രമിക്കുകയാണ്. ഇതുവരെ പത്തോളം പേര്‍ക്ക് നീര്‍നായയുടെ കടിയേറ്റു. ഇതിൽ നാല് പേരുടെ പരിക്ക് ഗുരുതരമായിരുന്നു. ഇവ‍ര്‍ വണ്ടാനം മെഡിക്കൽ കോളേജ് ആശുപത്രിയിൽ ചികിത്സ തേടി. അതേസമയം സംഭവത്തിൽ പ്രദേശവാസികൾ പരാതി അറിയിച്ചതോടെ ഗ്രാമപഞ്ചായത്ത് അധികൃതര്‍ ഇടപെട്ടു. തീരപ്രദേശത്തെ കുറ്റിക്കാടുകൾ വെട്ടിനീക്കാൻ അധികൃതര്‍ തീരുമാനിച്ചു.

Also Read: ബിഹാര്‍ സര്‍ക്കാരിന്‍റെ അനുമതി ലഭിച്ചില്ല, നാട്ടിലേക്കുള്ള യാത്ര മുടങ്ങി... നിരാശരായി അതിഥി തൊഴിലാളികൾ