ആലപ്പുഴ: ആലപ്പുഴയിലെ കളർകോട് ബൈപ്പാസിൽ ശബരിമല തീർഥാടകരുടെ വാഹനം ആക്രമിച്ച പ്രതി പിടിയിൽ. ഇരവുകാട് കന്നിട്ടവെളി സ്വദേശി കെ അർജുൻ (28) ആണ് അറസ്റ്റിലായത്. ശബരിമല തീർഥാടക സംഘത്തിലെ ബാലിക ബൈക്കിൽ ചാരിനിന്ന് സെൽഫി എടുത്തതിനെ ചൊല്ലിയുണ്ടായ തർക്കത്തെ തുടർന്നാണ് യുവാവ് തീർഥാടകരുടെ വാഹനത്തിൻ്റെ ചില്ല് അടിച്ചു തകർത്തത്. തീർഥാടകരുടെ പരാതിയിൽ അന്വേഷണം ആരംഭിച്ച സൗത്ത് പോലീസ് ആണ് അർജുനെ അറസ്റ്റു ചെയ്തത്.
ബുധനാഴ്ച രാത്രി 11.30 നാണ് അക്രമം നടന്നത്. മലപ്പുറം സ്വദേശികളായ തീർഥാടകർ ശബരിമല ദർശനം കഴിഞ്ഞ് മടങ്ങുകയായിരുന്നു. ഭക്ഷണം കഴിക്കാനായി ബസ് പാർക്ക് ചെയ്ത് തീർഥാടകർ എത്തിയപ്പോൾ ഹോട്ടലിൽ നല്ല തിരക്കായിരുന്നു. ഹോട്ടലിനു സമീപത്തു സംഘം നിൽക്കുമ്പോൾ ബാലികമാർ ബൈക്കിൽ ചാരിനിന്നു സെൽഫി എടുത്തു. ഇതു ചോദ്യം ചെയ്തെത്തിയ അർജുൻ താക്കോൽകൊണ്ട് വരഞ്ഞു കുട്ടിയുടെ ചൂണ്ടുവിരലിനു പരിക്കേൽപ്പിച്ചു. കുട്ടിയുടെ ബന്ധു ഉൾപ്പെട്ട മറ്റു തീർഥാടകർ ഇതു ചോദ്യം ചെയ്തു രംഗത്തെത്തി. ഭക്ഷണം കഴിച്ചു സംഘം ഇറങ്ങിയപ്പോഴേക്കും കോടാലിയുമായി യുവാവ് ബസിൻ്റെ വാതിൽ ചില്ല് തകർക്കുകയായിരുന്നു.
ആലപ്പുഴ ജില്ലയിലെ മുഴുവൻ വാ‍ര്‍ത്തകളും ഒറ്റ ക്ലിക്കിൽ ഇവിടെ വായിക്കാം
Read Latest Local News and Malayalam News
ബുധനാഴ്ച രാത്രി 11.30 നാണ് അക്രമം നടന്നത്. മലപ്പുറം സ്വദേശികളായ തീർഥാടകർ ശബരിമല ദർശനം കഴിഞ്ഞ് മടങ്ങുകയായിരുന്നു. ഭക്ഷണം കഴിക്കാനായി ബസ് പാർക്ക് ചെയ്ത് തീർഥാടകർ എത്തിയപ്പോൾ ഹോട്ടലിൽ നല്ല തിരക്കായിരുന്നു. ഹോട്ടലിനു സമീപത്തു സംഘം നിൽക്കുമ്പോൾ ബാലികമാർ ബൈക്കിൽ ചാരിനിന്നു സെൽഫി എടുത്തു. ഇതു ചോദ്യം ചെയ്തെത്തിയ അർജുൻ താക്കോൽകൊണ്ട് വരഞ്ഞു കുട്ടിയുടെ ചൂണ്ടുവിരലിനു പരിക്കേൽപ്പിച്ചു. കുട്ടിയുടെ ബന്ധു ഉൾപ്പെട്ട മറ്റു തീർഥാടകർ ഇതു ചോദ്യം ചെയ്തു രംഗത്തെത്തി. ഭക്ഷണം കഴിച്ചു സംഘം ഇറങ്ങിയപ്പോഴേക്കും കോടാലിയുമായി യുവാവ് ബസിൻ്റെ വാതിൽ ചില്ല് തകർക്കുകയായിരുന്നു.
ആലപ്പുഴ ജില്ലയിലെ മുഴുവൻ വാ‍ര്‍ത്തകളും ഒറ്റ ക്ലിക്കിൽ ഇവിടെ വായിക്കാം
Read Latest Local News and Malayalam News