ആലപ്പുഴ: ബൈക്കിലെത്തി 60 കാരിയുടെ മാലപൊട്ടിച്ച കേസിൽ പെൺകുട്ടിയെ അടക്കം മൂന്നുപേരെ കായംകുളം പോലീസ് അറസ്റ്റ് ചെയ്തു. കരുനാഗപ്പള്ളി വവ്വാകാവ് സ്വദേശി അൻവർ ഷാ, ജയകൃഷ്ണൻ, അൻവർഷായുടെ കാമുകി കോട്ടയം മുണ്ടക്കയം സ്വദേശിനി ആതിര എന്നിവരെയാണ് കായംകുളം പോലീസ് അറസ്റ്റ് ചെയ്തത്. കഴിഞ്ഞ ഓഗസ്റ്റ് മാസം 26 ന് പകൽ 12 മണിയോടെയാണ് കേസിന് ആസ്പദമായ സംഭവമുണ്ടായത്.
ചെട്ടികുളങ്ങരയിൽ വെച്ച് വഴി ചോദിക്കുവാൻ എന്ന വ്യാജേന 60 വയസുകാരിയുടെ അടുത്തെത്തി കഴുത്തിൽ കിടന്ന മാല ബൈക്കിലെത്തിയ അൻവർഷായും ആതിരയും ചേർന്ന് പൊട്ടിച്ച് എടുക്കുകയായിരുന്നു. സംഭവസ്ഥലത്തെ സിസിടിവി ദൃശ്യങ്ങൾ പരിശോധിച്ചതിൽ നിന്നും ഇവർ സഞ്ചരിച്ചിരുന്ന വാഹനവും പ്രതികളെയും തിരിച്ചറിയുകയായിരുന്നു. തുടർന്ന് സംഭവം നടന്ന ശേഷം രണ്ടാം ദിവസം കൃഷ്ണപുരം മുക്കടയിൽ ഇവർ സഞ്ചരിച്ചിരുന്ന ബൈക്ക് ഉപേക്ഷിച്ച നിലയിൽ കണ്ടെത്തി. വാഹനം കേന്ദ്രീകരിച്ച് നടത്തിയ അന്വേഷണത്തിൽ ഇത് തിരുവല്ല പോലീസ് സ്റ്റേഷൻ അതിർത്തിയിൽ നിന്നും മോഷണം പോയ ബൈക്ക് ആണെന്ന് തിരിച്ചറിഞ്ഞു.
കവർന്നെടുത്ത മാല ഓച്ചിറയിലെ ഒരു ജ്വല്ലറിയിൽ വിറ്റശേഷം ഇവർ ബെംഗളൂരുവിലേക്ക് കടക്കുകയായിരുന്നു. തുടർന്ന് കഴിഞ്ഞ ദിവസം ഇവർ നാട്ടിലെത്തുകയും പോലീസ് ഇവരെ കസ്റ്റഡിയിലെടുക്കുകയും ചെയ്തു. അൻവർ ഷായും കാമുകി ആതിരയും കഴിഞ്ഞ അഞ്ച് മാസമായി ബെംഗളൂരുവിൽ ഒരുമിച്ചു താമസിക്കുകയാണ്. കവർച്ച ചെയ്ത മാല വിൽപ്പന നടത്തുന്നതിന് സഹായിച്ച കുറ്റത്തിനാണ് ജയകൃഷ്ണനെ അറസ്റ്റ് ചെയ്തിട്ടുള്ളത്. മോഷണ മുതൽ വിറ്റ് ആഡംബര ജീവിതം നയിക്കുകയാണ് പ്രതികളുടെ രീതി.
കേരളത്തിലെ പല പോലീസ് സ്റ്റേഷനുകളിൽ ഇവർക്കെതിരെ സമാനമായ കേസ് രജിസ്റ്റർ ചെയ്തിട്ടുണ്ട്. ചെട്ടികുളങ്ങരയിലെ കവർച്ചയ്ക്ക് ശേഷം ബെംഗളൂരുവിൽ ഒളിച്ചു താമസിക്കുമ്പോൾ കെജിഎഫ് ജില്ലയിലെ സ്വർണ നഗർ എന്ന പ്രദേശത്തു നിന്നും 65 കാരിയുടെ കഴുത്തിൽ നിന്നും ഒമ്പതര പവൻ തൂക്കംവരുന്ന മാലയും ഇവർ കവർന്നിട്ടുണ്ടെന്ന് പോലീസ് പറഞ്ഞു. എസ്എച്ച്ഒ മുഹമ്മദ് ഷാഫിയുടെ നേതൃത്വത്തിൽ എസ്ഐ അനന്തകൃഷ്ണൻ, എസ്ഐ ഉദയൻ, ബിനു എന്നിവർ ചേർന്നാണ് പ്രതികളെ അറസ്റ്റ് ചെയ്തത്.
ആലപ്പുഴ ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ
ആലപ്പുഴ ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ
ചെട്ടികുളങ്ങരയിൽ വെച്ച് വഴി ചോദിക്കുവാൻ എന്ന വ്യാജേന 60 വയസുകാരിയുടെ അടുത്തെത്തി കഴുത്തിൽ കിടന്ന മാല ബൈക്കിലെത്തിയ അൻവർഷായും ആതിരയും ചേർന്ന് പൊട്ടിച്ച് എടുക്കുകയായിരുന്നു. സംഭവസ്ഥലത്തെ സിസിടിവി ദൃശ്യങ്ങൾ പരിശോധിച്ചതിൽ നിന്നും ഇവർ സഞ്ചരിച്ചിരുന്ന വാഹനവും പ്രതികളെയും തിരിച്ചറിയുകയായിരുന്നു. തുടർന്ന് സംഭവം നടന്ന ശേഷം രണ്ടാം ദിവസം കൃഷ്ണപുരം മുക്കടയിൽ ഇവർ സഞ്ചരിച്ചിരുന്ന ബൈക്ക് ഉപേക്ഷിച്ച നിലയിൽ കണ്ടെത്തി. വാഹനം കേന്ദ്രീകരിച്ച് നടത്തിയ അന്വേഷണത്തിൽ ഇത് തിരുവല്ല പോലീസ് സ്റ്റേഷൻ അതിർത്തിയിൽ നിന്നും മോഷണം പോയ ബൈക്ക് ആണെന്ന് തിരിച്ചറിഞ്ഞു.
കവർന്നെടുത്ത മാല ഓച്ചിറയിലെ ഒരു ജ്വല്ലറിയിൽ വിറ്റശേഷം ഇവർ ബെംഗളൂരുവിലേക്ക് കടക്കുകയായിരുന്നു. തുടർന്ന് കഴിഞ്ഞ ദിവസം ഇവർ നാട്ടിലെത്തുകയും പോലീസ് ഇവരെ കസ്റ്റഡിയിലെടുക്കുകയും ചെയ്തു. അൻവർ ഷായും കാമുകി ആതിരയും കഴിഞ്ഞ അഞ്ച് മാസമായി ബെംഗളൂരുവിൽ ഒരുമിച്ചു താമസിക്കുകയാണ്. കവർച്ച ചെയ്ത മാല വിൽപ്പന നടത്തുന്നതിന് സഹായിച്ച കുറ്റത്തിനാണ് ജയകൃഷ്ണനെ അറസ്റ്റ് ചെയ്തിട്ടുള്ളത്. മോഷണ മുതൽ വിറ്റ് ആഡംബര ജീവിതം നയിക്കുകയാണ് പ്രതികളുടെ രീതി.
കേരളത്തിലെ പല പോലീസ് സ്റ്റേഷനുകളിൽ ഇവർക്കെതിരെ സമാനമായ കേസ് രജിസ്റ്റർ ചെയ്തിട്ടുണ്ട്. ചെട്ടികുളങ്ങരയിലെ കവർച്ചയ്ക്ക് ശേഷം ബെംഗളൂരുവിൽ ഒളിച്ചു താമസിക്കുമ്പോൾ കെജിഎഫ് ജില്ലയിലെ സ്വർണ നഗർ എന്ന പ്രദേശത്തു നിന്നും 65 കാരിയുടെ കഴുത്തിൽ നിന്നും ഒമ്പതര പവൻ തൂക്കംവരുന്ന മാലയും ഇവർ കവർന്നിട്ടുണ്ടെന്ന് പോലീസ് പറഞ്ഞു. എസ്എച്ച്ഒ മുഹമ്മദ് ഷാഫിയുടെ നേതൃത്വത്തിൽ എസ്ഐ അനന്തകൃഷ്ണൻ, എസ്ഐ ഉദയൻ, ബിനു എന്നിവർ ചേർന്നാണ് പ്രതികളെ അറസ്റ്റ് ചെയ്തത്.
ആലപ്പുഴ ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ
ആലപ്പുഴ ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ